ورتالىق مۇگەدەك بالالار مەن قيمىل-تىرەك اپپاراتىندا اقاۋى بار 18 جاستان اسقان ادامدار ءۇشىن ارنايى الەۋمەتتىك قىزمەت كورسەتۋگە مامانداندىرىلعان. قاسىم-جومارت توقاەۆ وڭالتۋ بولمەلەرىن ارالاپ كورىپ, قىزمەتكەرلەرمەن اڭگىمەلەستى. مەملەكەت باسشىسىنا بالالار مۇگەدەكتىگىنىڭ الدىن الۋعا, بتسسا-مەن اۋىراتىن بالالاردى كوپجاقتى وڭالتۋعا جانە جان-جاقتى الەۋمەتتىك تۇرعىدان جەتىلدىرۋگە باعىتتالعان پيلوتتىق جوبانىڭ جۇزەگە اسىرىلۋ بارىسى تۋرالى باياندالدى.
پرەزيدەنت اتالعان جوبانىڭ ىزگى ماقساتىن اتاپ ءوتىپ, ونى بۇكىل رەسپۋبليكا كولەمىندە تاراتۋدىڭ ماڭىزدىلىعىن ايتتى. قاسىم-جومارت توقاەۆتىڭ ايتۋىنشا, مۇنداي مەكەمەلەردى مەملەكەتتىك-جەكەمەنشىك سەرىكتەستىك تەتىكتەرىنىڭ جانە دەمەۋشىلەردىڭ قارجىسىنا اشۋ قاجەت.
سوڭىندا مەملەكەت باسشىسى ورتالىققا ارنايى جابدىقتالعان شاعىن اۆتوبۋس تارتۋ ەتتى.
