وبلىستا اتالعان باعدارلامانىڭ ورىندالۋى كاسىبي جانە قىسقا مەرزىمدى ءبىلىم بەرۋ, جاڭا بيزنەس-يدەيالاردى ىسكە اسىرۋ جانە ەڭبەك رەسۋرستارىنىڭ ۇتقىرلىعى سىندى ءۇش باعىت بويىنشا جۇزەگە اسىرىلدى.
بۇل تۋرالى اقپارات جينالىسىندا قاراعاندى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسەم جۇنىسبەكوۆا ءمالىم ەتتى.
–ەڭبەك نارىعىنىڭ قاجەتتىلىگىن ەسكەرە وتىرىپ, تەحنيكالىق جانە كاسىپتىك ءبىلىمى بار كادرلاردى دايارلاۋعا جىل باسىنان 700 ادام جىبەرىلدى. قىسقا مەرزىمدى كۋرستاردا شامامەن 3 500 ادام وقۋدان ءوتتى. كاسىبي كۋرستاردا 1900 ادام وقىتىلدى. جاڭا بيزنەس-يدەيالاردى ىسكە اسىرۋعا بيىلعى جىلى 1663 گرانت بەرۋ جوسپارلانعان, ال قازىردىڭ وزىندە ونىڭ 1037-ءى بەرىلدى, – دەپ اتاپ ءوتتى ول.
جالپى, «ەڭبەك» باعدارلاماسى وبلىستىڭ اۋىلدىق اۋداندارىندا دا جۇزەگە ءساتتى اسىپ جاتىر. مىسالى, اۋىل شارۋاشىلىعى باسقارماسىنىڭ باسشىسى ساعىنجان اپاقاشوۆ ايتقانداي, بيىل شاعىن نەسيەلەۋگە 6 ملرد 58 ملن 251 مىڭ تەڭگە بولىنگەن. ونىڭ باسىم بولىگى بۇقار جىراۋ, قارقارالى جانە جاڭاارقا اۋداندارىنىڭ تۇرعىندارىنا بەرىلىپتى.
اپپارات جينالىسىندا وبلىس اكىمى جەڭىس قاسىمبەك «ەڭبەك» باعدارلاماسىن جۇزەگە اسىرۋ بويىنشا جۇمىستى جالعاستىرۋ كەرەكتىگىن جانە كۋرس تۇلەكتەرى مەن جاستار تاجىريبەسىنەن وتكەندەردى جۇمىسقا ورنالاستىرۋ ماسەلەسىن نازاردا مىقتاپ ۇستاۋدى تاپسىردى.
