وبلىستىق ءىىب ءبولىمىنىڭ ءباسپاسوز قىزمەتىنىڭ حابارلاۋىنا قاراعاندا وقيعا ورنىنا سۋىت كەلگەن قۇقىق قورعاۋ ورگاندارى جەدەل بولىمدەرىنىڭ قىزمەتكەرلەرى 123 ادامدى, ونىڭ ىشىندە 46 بالانى قاۋىپسىز جەرگە شىعارىپ, 9 قاباتتى ءۇيدىڭ اينالاسىن قورشاۋعا العان. جارىلعىش زاتتاردى ىزدەۋ جونىندەگى ماماندار يتتەردى قولدانىپ, عيماراتتى تەكسەرىپ شىققان. بارلىق وپەراتسيا ءبىر جارىم ساعاتقا سوزىلىپ, وسى ۋاقىت ارالىعىندا قوڭىراۋ شالۋشى دا انىقتالعان. ول 1987 جىلى تۋعان قالا تۇرعىندارىنىڭ ءبىرى بولىپ شىقتى. حاباردى بۇزاقىلىق نيەتپەن جاساعانىن ول بىردەن مويىنداعان.
پوليتسيا دەپارتامەنتىنىڭ ەكسترەميزم مەن تەرروريزمگە قارسى ءىس-قيمىل باسقارماسىنىڭ باستىعى, پوليتسيا مايورى رۋسلان مۇحامبەتجانوۆتىڭ ايتۋىنا قاراعاندا كۇدىكتى بۇرىن سوتتالماعان, ۇستالعان ساتتە دە ماستىعى تارقاماعان ادام بولىپ شىققان. قازىر ول پەتروپاۆل قالاسىنىڭ ءىىب جەتكىزىلىپ, وعان بۇلتارتپاۋ شاراسىن قولدانۋ تۋرالى ماسەلە شەشىلۋدە. اتالعان فاكتى قىلمىستىق كودەكستىڭ 273-بابى - «تەرروريزم اكتiسi تۋرالى كورiنەۋ جالعان حابارلاۋ» بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلگەن. بۇل باپ بويىنشا ايىپپۇلدان باستاپ 5 جىلعا دەيىن باس بوستاندىعىنان ايىرۋ جازاسى كوزدەلگەن.«قازىر قۇقىق قورعاۋ ورگاندارىندا ارام ويمەن قوڭىراۋ شالۋشىلاردى انىقتاۋعا ارنالعان تەحنيكالىق قۇرىلعىلار بار. ءبىز قانشاما ادامدى بوسقا اۋرە-سارساڭعا سالعان كەز كەلگەن ەرىككەن ادامدى تاۋىپ, ءادىل جازاسىن تارتتىرۋعا مۇمكىندىگىمىز بار» -دەيدى رۋسلان مۇحامبەتجانوۆ.
