قالالىق تجد حابارلايىنشا, 28 قازاندا 13 ساعات 13 مينۋتتا «101» پۋلتىنە ابىلاي حان كوشەسىندەگى ءورت تۋرالى حابارلاما كەلىپ ءتۇستى. ءورت ءسوندىرۋ بولىمشەلەرى وقيعا ورنىنا كەلىپ جەتكەندە, 6 مينۋتتان كەيىن اۋماعى 10 شارشى مەتردى قامتىعان ون قاباتتى تۇرعىن ءۇيدىڭ 9-قاباتىنداعى پاتەردىڭ قوناق بولمەسىندە جيھازداردىڭ جانۋى ورىن العان.
كىرەبەرىس قاتتى تۇتىندەدى, سونىڭ سالدارىنان ادامداردىڭ ومىرىنە قاۋىپ ءتوندى. ادامداردى ەۆاكۋاتسيالاۋ جانە بارلاۋ ءۇشىن گاز تۇتىننەن قورعاۋ قىزمەتىنىڭ بۋىنى ۇيىمداستىرىلدى. 10-ءوسب ءورت سوندىرۋشىلەرىنىڭ جەدەل ارەكەت ەتۋى مەن ۇيلەسىمدى ءىس-قيمىلدارى, سونداي-اق ءورت بولعان ورىندا ساپالى بارلاۋ جۇمىسىن جۇرگىزۋ مەن شەشۋشى باعىتتى دۇرىس انىقتاي ءبىلۋى ارقاسىندا 5 ادام قۇتقارىلدى, ونىڭ 1-ءى بالا.
ءورت 13 ساعات 31 مينۋتتا اۋىزدىقتالىپ, ءورتتىڭ ارى قاراي تارالۋىنا جول بەرىلمەدى. ءورتتى سوندىرۋگە جەكە قۇرامنان 17 ادام جانە 4 بىرلىك تەحنيكا جۇمىلدىرىلدى.
ءورتتى ءسوندىرۋ بارىسىندا ۋلى گازدان جەڭىل ۋلانعان ايەل ادام اۋرۋحاناعا ودان ءارى تەكسەرۋ ءۇشىن جەتكىزىلدى.
