2019 جىلدىڭ سوڭىنا دەيىن بايلانىس وپەراتورلارى قازاقستاننىڭ ون ءبىر وبلىسىنا, ناقتىراق ايتقاندا وبلىس, اۋدان ورتالىقتارىنان شالعايدا ورنالاسقان 462 ەلدى مەكەنگە تالشىقتى-وپتيكالىق بايلانىس جەلىلەرىن جۇرگىزەدى. وسىلايشا, 496 مەكتەپ, 389 اۋرۋحانا, 312 اكىمدىك, اپاتتىق قىزمەتتەردىڭ 13 بولىمشەسى, اۋىل شارۋاشىلىعى سالاسىنىڭ
50 پۋنكتى جانە ت.ب. جوعارى جىلدامدىقتى ينتەرنەتكە قوسىلۋ مۇمكىندىگىنە يە بولادى.
بۇل جۇمىس اۋدان جانە وبلىس ورتالىقتارىنان شالعايدا ورنالاسقان اۋىل تۇرعىندارىن ساپالى ينتەرنەتپەن قامتاماسىز ەتۋ ءۇشىن "تسيفرلىق قازاقستان" باعدارلاماسى اياسىندا قولعا الىنعانىن ايتىپ وتكىمىز كەلەدى. وسى ورايدا, ەلىمىزدە قازىرگى ۋاقىتتا 2 نەگىزگى جوبا جۇزەگە اسىرىلۋدا:
-تالشىقتى-وپتيكالىق بايلانىس جەلىسىنىڭ قۇرىلىسى. جوبا تولىق ىسكە اسقان جاعدايدا, 2020 جىلدىڭ سوڭىندا 1 250 اۋىلدىق ەلدى مەكەننىڭ تۇرعىندارى جوعارى جىلدامدىقتى ينتەرنەتكە قول جەتكىزەدى;
-2020-2022 جىلدار ىشىندە LTE (4G) ۇيالى بايلانىس جەلىسىن جانە باسقا دا تەحنولوگيالاردى دامىتۋ ارقىلى 3 143 اۋىل ينتەرنەتپەن قامتاماسىز ەتىلەدى.
جوعارىدا كورسەتىلگەن جوبالاردى ىسكە اسىرۋ شەڭبەرىندە 2020 جىلدىڭ سوڭىنا دەيىن تۇرعىندارىنىڭ سانى 250-دەن اساتىن 880 اۋىل كەڭ جولاقتى ينتەرنەت جەلىسىنە قول جەتكىزەدى. جۇرگىزىلگەن جۇمىستاردىڭ ناتيجەسىندە 2022 جىلى 5 089 اۋىلدىق ەلدى مەكەن ينتەرنەت جەلىسىمەن قامتىلادى.
