اتاۋلى الەۋمەتتىك كومەك – بۇل جاردەماقى ەمەس, تابىسى از وتباسىلاردىڭ قارجىلىق جاعدايىن جاقسارتۋعا جانە داعدارىستى ەڭسەرۋ ءۇشىن ولاردىڭ رەسۋرستارىن ىنتالاندىرۋعا باعىتتالعان قيىن جاعدايعا تاپ بولعان ازاماتتارعا مەملەكەت تاراپىنان قولداۋ كورسەتۋ.
قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى - قر ەڭبەكمينى) مەملەكەت باسشىسىنىڭ اعىمداعى جىلعى 2 قىركۇيەكتەگى قازاقستان حالقىنا جولداۋىندا ايتىلعان تاپسىرماسىنا سايكەس ااك ۇسىنۋدىڭ جاڭا تەتىكتەرىن ازىرلەدى, ولار مىنالاردى كوزدەيدى:
-ااك كورسەتۋگە ارنالعان قولدانىستاعى شەكتى ولشەمدى ساقتاۋ, ياعني, جان باسىنا شاققانداعى ورتاشا تابىسى وڭىرلىك كۇنكورىس دەڭگەيىنىڭ 70% -دان از وتباسىلار اتاۋلى الەۋمەتتىك كومەك الۋعا جۇگىنە الادى;
-ااك وتباسىنىڭ بارلىق مۇشەلەرى ءۇشىن جان باسىنا شاققانداعى تابىستار مەن كەدەيلىك شەگى اراسىنداعى ايىرماشىلىق رەتىندە انىقتالادى. وسىلايشا, تابىسى از وتباسىلاردىڭ بالالارىنا تولەنەتىن بەكىتىلگەن ەڭ تومەنگى كۇنكورىس دەڭگەيىنىڭ 70% مولشەرىندەگى تولەمدەردەن الشاقتاۋ جوسپارلانىپ وتىر;
-ااك الاتىن وتباسىلاردىڭ ەڭبەككە قابىلەتتى مۇشەلەرى جۇمىس ىستەۋگە ءتيىس. ولاردىڭ جۇمىسقا ورنالاسۋى ءۇشىن ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىكباعدارلاماسىنىڭ بارلىق تەتىكتەرى قولدانىلادى. ەگەر وتباسىنىڭ ەڭبەككە جارامدى مۇشەسى ۇسىنىلعان جۇمىستان جانە جۇمىسپەن قامتۋعا جاردەمدەسۋ شارالارىنان باس تارتسا, وندا ااك تولەۋ تەك وعان عانا ەمەس, بۇكىل وتباسىنا توقتاتىلادى;
-ااك-ءتىڭ ادىلدىگى مەن اشىقتىعىن قامتاماسىز ەتۋ ماقساتىندا اتاۋلى الەۋمەتتىك كومەك تاعايىنداۋ ءۇشىن ازاماتتاردىڭ توقسان سايىنعى وتىنىشتەرىن قايتادان ەنگىزۋ ۇسىنىلادى. بۇل قوسىمشا قۇجاتتاردى جيناۋدى تالاپ ەتپەيدى. ااك تاعايىنداۋ ءۇشىن مەملەكەتتىك ورگانداردىڭ دەرەكتەر قورىندا تولىق مالىمەتتەر بولعان جاعدايدا تەك جەكە كۋالىگىن كورسەتۋ قاجەت;
-وتباسىنىڭ ماتەريالدىق جاعدايىنا تەكسەرۋ جۇرگىزۋ مەرزىمىن 3 كۇننەن 7 كۇنگە دەيىن ۇلعايتۋ. قازىرگى ۋاقىتتا قر ەڭبەكمينى مۇقتاجدىقتى انىقتاۋ كريتەريلەرىن ازىرلەۋدە. وتباسى بەلگىلەنگەن كريتەريلەرگە سايكەس كەلمەگەن جاعدايدا ۋچاسكەلىك كوميسسيا ااك كورسەتۋگە مۇقتاجدىقتىڭ جوقتىعى تۋرالى قورىتىندى شىعارادى, بۇل ۋاكىلەتتى ورگان تاراپىنان ونى تاعايىنداۋدان باس تارتۋ ءۇشىن نەگىز بولادى.
قولدانىستاعى زاڭناماعا ءتيىستى تۇزەتۋلەر پارلامەنت ءماجىلىسىنىڭ قاراۋىنا جىبەرىلدى.
ەستەرىڭىزگە سالا كەتەيىك, مەملەكەت باسشىسىنىڭ اتاۋلى الەۋمەتتىك كومەك كورسەتۋدىڭ جاڭا تاسىلدەرىمەن قاتار, ااك تولەۋ تەتىكتەرىن تۇزەتۋ جونىندەگى تاپسىرماسىن ورىنداۋ ماقساتىندا 2020 جىلعى 1 قاڭتاردان باستاپ قازاقستاندا بارلىق كوپبالالى وتباسىلار ءۇشىن ولاردىڭ تابىسىنا قاراماستان مەملەكەتتىك جاردەماقى مەن تابىسى از وتباسىلاردان شىققان بالالارعا ارنالعان كەپىلدەندىرىلگەن الەۋمەتتىك پاكەت ەنگىزىلەتىن بولادى.
