شىعارىلىمدا يادرولىق قارۋسىزدانۋ ماسەلەسىنە, اتاپ ايتقاندا يادرولىق قارۋعا تىيىم سالۋ تۋرالى شارتقا (ياقتش) جانە قازاقستاننىڭ وسى سالاداعى باستامالارىنا ەرەكشە نازار اۋدارىلدى.
قازاقستاننىڭ بەلارۋسپەن, قىرعىزستانمەن جانە برازيليامەن ەكىجاقتى جانە كوپجاقتى قارىم-قاتىناسى جۋرنال بەتتەرىندە اتالعان ەلدەردىڭ سىرتقى ساياسي ۆەدومستۆولارىنىڭ باسشىلارى تەرەڭ جانە مازمۇندى اشىپ, تالدايدى.
قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قىتايعا العاشقى مەملەكەتتىك ساپارى وسى توقساننىڭ ەڭ جارقىن وقيعالارىنىڭ ءبىرى بولدى. بۇل تۇرعىدا قازاقستان-قىتاي قاتىناستارىنىڭ اۋقىمى مەن تەرەڭدىگى تۋرالى قىتاي حالىق رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى چجان سياو ءبولىستى.
كۇزگى شىعارىلىمدا باسقا دا قىزىقتى ماتەريالدار ۇسىنىلدى: ەكسپو-2017 كورمەسىنىڭ مۇراسى نەگىزىندە قازاقستاندا جاسىل تەحنولوگيالاردى دامىتۋ; قر سىرتقى ىستەر ەكس-ءمينيسترى, بۇۇ جانىنداعى قازاقستاننىڭ ءبىرىنشى تۇراقتى وكىلى اقمارال ارىستانبەكوۆانىڭ «قازىرگى الەمدەگى ديپلوماتيا» مونوگرافياسىنا; سونداي-اق قازاقستاندىق ديپلومات يلياس كوزىباەۆ جازعان ء«سالىم قۇرمانعوجين - مەن ءۇشىن كىم بولدى» كىتابىنا رەتسەنزيالار.
ايتا كەتۋ كەرەك, اعىمداعى توقسان سىرتقى ىستەر مينيسترلىگىندەگى جاڭا كادرلىق وزگەرىستەردىڭ ايقىن كالەيدوسكوپىمەن اتاپ ءوتىلدى: ءسىم باسشىلىعىنان باستاپ, قازاقستاننىڭ شەت ەلدەردەگى مەكەمەلەرىنىڭ جيىرمادان استام جاڭا باسشىلارىن تاعايىنداۋمەن اياقتالادى. بۇل اقپاراتپەن «مينيسترلىكتەگى جاڭا تاعايىنداۋلار» بولىمىنەن تانىسۋعا بولادى.
«ديپلوماتيا جارشىسى» قازاق, ورىس («ۆەستنيك ديپلوماتي») جانە اعىلشىن تىلدەرىندە («The Diplomatic Herald of Kazakhstan») شىعارىلادى.
جۋرنالدىڭ ەلەكتروندىق نۇسقاسى PDF جانە HTML فورماتتارىندا - http://mfa.gov.kz/ru/content/Journal - ۆەبسايتىندا قول جەتىمدى.
