فەستيۆال "جاستار جىلىنا" جانە اتاقتى پەداگوگ ۇلان ميرسەيدوۆتىڭ قۇرمەتىنە ارنالدى.
ۇستاز سانالى عۇمىرىندا 40-تان استام بالەت ارتىستەرىن دايىنداپ, الەمدىك دەڭگەيگە شىعارعان. سپەكتالكلدەن تۇسكەن قاراجات جاس مامانداردى قولداۋعا جۇمسالماق. وعان قوسا, ءار فەستيال سايىن ءبىر ادامعا گرانت تابىستاۋ كوزدەلىپ وتىر. سەرتيفيكات جاس ءارتىستىڭ شەتەلگە بايقاۋعا قاتىسۋعا كەتەتىن شىعىنىن وتەيدى.
«ەڭبەگى كوزگە كورىنبەيتىن جاندار بۇل – پەداگوگتار. جۇلدىزدار ساحناعا جارقىراپ شىعادى, ولارعا قاشاندا كورەرمەندەر قىزىعا قارايدى. دەگەنمەن, ءار ءارتىستىڭ ارتىندا ۇستازدىڭ ەڭبەگى بار. ول سوعان بار عۇمىرىن ارنايدى. بۇگىنگى فەستيۆال سونداي پەداگوگقا ارنالىپ وتىر. ول كىسىنىڭ شاكىرتتەرى ارتتىنان ەرىپ كەلە جاتقان جاس بۋىندى قولداۋدى قۇپ كورىپتى. يگى باستاما دەر ەدىم», - دەدى اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ باس بالەتمەستەرى گۇلجان تۇتقىباەۆا.
ايتا كەتەيىك, فەستيۆال اياسىندا الماتىدا 24 قاراشا كۇنى «ۇيقىداعى ارۋ», ال جەلتوقساننىڭ 20-سى مەن 22-ءسى جاڭا جىل قارساڭىندا «شەلكۋنچيك» cپەكتاكلى قويىلادى. بۇل قويىلىمدارعا اقش-تان ونەر مايتالماندارى قاتىسادى دەپ كۇتىلىپ وتىر.
