بيىلعى بايقاۋعا الماتى, شىمكەنت, قاراعاندى قالالارى مەن قىزىلوردا, شىعىس قازاقستان, باتىس قازاقستان جانە قاراعاندى وبلىستارىنان 14 ۇمىتكەر باق سىنادى. قاتىسۋشىلار ءبىرىنشى تۋردا ءۇش جانە ەكىنشى تۋردا ەكى اننەن ورىندادى.
قۇرامىندا قازاقستاننىڭ حالىق ءارتىسى, ونەر ۋنيۆەرسيتەتىنىڭ پروفەسسورى, مەملەكەتتىك سىيلىقتىڭ لاۋرەاتى قايرات بايبوسىنوۆ پەن ەڭبەك سىڭىرگەن قايراتكەر, اقىن, ءانشى-جىرشى قاتيموللا بەردىعاليەۆ بار قازىلار القاسىنىڭ شەشىمىمەن باس جۇلدەگە الماتىلىق جاننۇر مۇسىلمانبەك لايىقتى دەپ تانىلىپ, جەڭىمپازعا 500 مىڭ تەڭگەنىڭ سەرتيفيكاتى تابىس ەتىلدى.
ءبىرىنشى جۇلدەنى قىزىلوردا وبلىسىنان كەلگەن ەرلان ىبىرايحان يەلەنسە, جۇلدەلى ەكىنشى ورىن شىمكەنتتىك ءامىرجان بەكنيازوۆقا بۇيىردى. ال شىعىس قازاقستاندىق تالانت ءماجيتوۆ پەن باتىس قازاقستان وبلىسىنىڭ ءانشىسى ميرلان جامبىلوۆ ءۇشىنشى جۇلدەنى ءوزارا ءبولىستى. ءبىرىنشى جۇلدەگە 300 مىڭ تەڭگە جانە ءۇشىنشى ورىن ءۇشىن 200 مىڭ تەڭگە بەرىلدى.
