مۇگەدەكتەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق, دىبىستىق تەحنيكالىق, تيفلوتەحنيكالىق جانە گيگيەنالىق قۇرالدارمەن, سونداي-اق مۇگەدەكتەر اربالارىن بەرۋدى قامتيدى. ارناۋلى الەۋمەتتىك قىزمەتتەرگە جەكە كومەكشىلەردىڭ, ىمداۋ ءتىلى ماماندارىنىڭ جانە ساناتوريلەردىڭ قىزمەتتەرى جاتادى.
بۇگىنگى كۇنى Tوق جانە جوعارىدا اتالعان قىزمەتتەر مەملەكەتتىك ساتىپ الۋ ارقىلى ۇسىنىلادى. بۇل پروتسەدۋرالاردى جۇرگىزۋدىڭ ۇزاقتىعىنا بايلانىستى قىزمەتتەر الۋعا مۇگەدەكتىك كۇنىنەن باستاپ 8 ايعا دەيىن سوزىلۋى مۇمكىن. مۇگەدەكتىگى بار ادامدار تەندەر جۇيەسى ولارعا مۇلدەم سايكەس كەلمەيتىندىگىن ايتادى. جىل سايىن قىزمەت كورسەتۋ ساپاسى مەن مەديتسينالىق قۇرىلعىلاردىڭ ناشارلاۋىنا شاعىمدانىپ جاتادى.
الەۋمەتتىك قىزمەت كورسەتۋ جۇيەسىن جاڭعىرتۋ, قىزمەتتەردىڭ ساپاسى مەن قولجەتىمدىلىگىن ارتتىرۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى 2020 جىلعى 1 قاڭتاردان باستاپ ەلدىڭ بۇكىل اۋماق بويىنشا الەۋمەتتىك قىزمەتتەر پورتالىن ەنگىزۋگە نيەتتى. بۇل Tوق جانە ارناۋلى الەۋمەتتىك قىزمەتتەردى ۇسىنۋعا ارنالعان بيزنەس-پروتسەستەردىڭ ۋاقىتىن ولاردى پرواكتيۆتى فورمات ارقىلى تاعايىنداۋدى 8 ايدان 1-2 اپتاعا دەيىن قىسقارتۋعا مۇمكىندىك بەرەدى. سونداي-اق پورتال قىزمەتتەر مەن وڭالتۋ قۇرالدارىن الۋشىلاردىڭ جەكە قاجەتتىلىكتەرىنە سايكەس كەلمەۋ ماسەلەلەرىن شەشەدى, ويتكەنى مۇگەدەكتىگى بار ادامدار تاۋار مەن قىزمەتتىڭ قاجەتتى ءتۇرىن ءوز بەتىنشە تاڭداي الادى. سونىمەن قاتار مۇگەدەكتىگى بار ادامداردىڭ وتىنىشتەرىنە سايكەس تەحنيكالىق جابدىقتار مەن وڭالتۋ قىزمەتتەرىنىڭ بەلگىلەنگەن قۇنىن وتەۋ مەحانيزمى كوزدەلگەن. ول پورتالدا قىمبات تاۋارلار مەن قىزمەتتەردى تاڭداعان كەزدە قوسىمشا تولەمدەردى ىسكە اسىرۋ فۋنكتسياسى قولجەتىمدى بولادى دەگەن ءسوز.
سونىمەن قاتار سەرتيفيكاتتالعان مامانداردىڭ كەڭ اۋقىمى قول جەتىمدى بولىپ, مەديتسينالىق-الەۋمەتتىك مەكەمەلەردىڭ (بۇدان ءارى – ءمام) بىرىڭعاي تىزىلىمىندە بارلىق ءمام جابدىقتالۋى مەن جۇمىس جۇكتەمەسى ەسكەرىلەتىن بولادى.
پورتالدى ەنگىزۋ وڭالتۋ قۇرالدارى مەن قىزمەتتەرىنە تەڭ قولجەتىمدىلىكتى, ۇيدەن شىقپاي-اق ء«بىر تەرەزە» ارقىلى ۋاقتىلى الەۋمەتتىك كومەك كورسەتۋدى, سونداي-اق جەكە قاجەتتىلىكتەردى, جەتكىزۋشىلەر تۋرالى اقپاراتتى, الەۋمەتتىك قىزمەتكەرلەر مەن ماماندار تۋرالى مالىمەتتەردى ەسەپكە الۋدى قامتاماسىز ەتەدى. بۇل ادال باسەكەلەستىكتى ارتتىرۋعا مۇمكىندىك بەرىپ, الەۋەتتى ءونىم بەرۋشىلەردىڭ وڭالتۋ قۇرالدارى مەن قىزمەتتەرىن ىسكە اسىرۋعا قاتىسۋىنىڭ اشىقتىعىن قامتاماسىز ەتەدى.
بۇعان دەيىن حابارلانعانداي, پورتال پيلوتتىق رەجيمدە ىسكە قوسىلىپ, اقتوبە قالاسىندا ءساتتى جۇزەگە اسىرىلۋدا. وعان بىرنەشە مەديتسينالىق-الەۋمەتتىك مەكەمە قوسىلدى.
«الەۋمەتتىك قىزمەت پورتالىنىڭ ناتيجەسىندە ءبىز بالامىزدى مۇمكىندىگى شەكتەۋلى بالالارعا ارنالعان ساۋىقتىرۋ ستاتسيونارىنا ورنالاستىرا الدىق. پورتال وتە ىڭعايلى ەكەن: ءبىز ءوتىنىم بەرىپ, وعان ەتسق ارقىلى قول قويدىق. سونىمەن قاتار ۋاقىتىمىز ۇنەمدەلدى», – دەدى قىزمەت الۋشى جۇكەتاەۆ عابيت.
ەستەرىڭىزگە سالا كەتەيىك, «الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەنگىزۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار اياسىندا كوزدەلگەن.
رەسۋرستى قازاقستاننىڭ بارلىق قالالارىنىڭ تۇرعىندارى پايدالانا الادى دەپ جوسپارلانۋدا, ول 400 مىڭنان استام پايدالانۋشى مەن 200 مىڭ جەتكىزۋشىنى قامتيدى.
بۇگىنگى كۇنى ء«موبيلدى ازاماتتار بازاسى», «الەۋمەتتىك ءتىزىلىم», «بىرىڭعاي دەرەكتەر قويماسى», «قازپوشتا» اق, «ەڭبەك شارتتارىنىڭ بىرىڭعاي جۇيەسى», «جىلجىمالى م ۇلىك تىركەلىمى» اقپاراتتىق جۇيەلەرىن ينتەگراتسيالاۋ بويىنشا جۇمىس جۇرگىزىلۋدە.
