جازۋشى جاس وقىرماندارىمەن جۇزدەستى

جاس وقىرماندار ءۇشىن پەرنەباي دۇيسەنبين شىعارمالارىنان الاتىن شىنايى دۇنيە كوپ. وسى وراي­دا جامبىل وبلىستىق مەكتەپ وليم­پيادالارىن جانە مەكتەپ­تەن تىس ءىس-شارالاردى وتكىزۋ ورتالىعىندا د.قو­ناەۆ اتىنداعى وبلىستىق بالالار مەن جاسوسپىرىمدەر كىتاپحاناسىنىڭ ۇيىم­­داستىرۋىمەن جازۋشى شىعار­ماشىلىعىنان بايقاۋ ءوز مارەسىنە جەتتى. بايقاۋدىڭ العاشقى كەزەڭىنە قالالىق, اۋداندىق جانە اۋىلدىق بالا­لار كىتاپحانالارىنىڭ 7-10 جا­نە 10-15 جاس ارالىعىنداعى وقىر­ماندارى قاتىسىپ, ءوزارا باق سىناسقان بولاتىن. وعان جاس ەرەكشەلىكتەرىنە قاراي ەكى توپتا 18 ۇمىتكەر قاتىسقان.

بايقاۋدى جامبىل وبلىستىق ما­دەنيەت, ارحيۆتەر جانە قۇجاتتاما باسقارماسى باسشىسىنىڭ ورىنباسارى لەسبەك امالوۆ قۇتتىقتاۋ ءسوز سويلەپ اشىپ, ۇمىتكەرلەرگە ساتتىلىك تىلەدى. ءوز كەزەگىندە ءجاسوسپىرىم كىتاپ­قۇمارلار «مەن كىتاپحانانىڭ تۇراق­تى وقىرمانىمىن» – ءوزىن-ءوزى تانىس­تىرۋ, «پەرنەباي دۇيسەنبين – بالالار ادەبيەتىنىڭ كورنەكتى وكىلى» – اۆتوردىڭ بالالار ءومىرى تۋرالى شى­عار­مالارىنان ۇزىندىلەردى جاتقا ايتۋ, تەاترلاندىرىلعان كورىنىس قويۋ, «پورترەت گالەرەياسى» – سومسۋرەتتە بەي­نەلەنگەن كىسىنىڭ كىم ەكەنىن تابۋ, «ادەبي بايگە» – جازۋشى ءومىرى مەن شىعارماشىلىعىنا قاتىستى سۇراق­تارعا جاۋاپ بەرۋ كەزەڭدەرىندە بار بىلگەنىن ورتاعا سالدى. سونداي-اق جاس وقىرماندار اۆتوردىڭ «جۇمباق جۇلدىز», «كىشكەنتاي گەنەرالدار», ء«ان سالىڭىزشى, اكە», «سول ءبىر ەر­تەگى...», «قايسار قارىنداش تۋرالى حيكايا», «ەسەن-ساۋ ءجۇرىڭىزشى, اكە», ء«بىز, تولەپبەك اتاي, سامولەت كومانديرى جانە پالما», «ويىن­پاز ويىنشىقتار وتاۋىندا نەمەسە داۋرەننىڭ ويىنشىقتارى» پوۆەستەرى مەن «اي ايتقان سىر», «كولباقا وقيعاسى», «وتپەلى ماشينا», «دوستاسۋ» سەكىلدى بىرقاتار اڭگىمەلەرىن جانە اق ولەڭ تۇرىندە جازىلعان «الپامىس» دراماسىنىڭ ۇزىندىلەرىن جاتقا ايتىپ, جازۋشى شىعارماشىلىعىمەن جان-جاقتى تانىس ەكەندىكتەرىن كورسەتتى.

قازىلار القاسى بالالاردى شى­عارمانى تاڭداۋ تالعامىنا, داۋىس مانەرىنە, ءتىل تازالىعىنا, جان-جاقتىلىعىنا جانە دە ساحنادا ءوزىن ءوزى ۇستاۋ مادەنيەتىنە ايرىقشا نازار اۋداردى. ءىس-شارا سوڭىنان قازىلار القاسىنىڭ توراعاسى, جازۋشى-دراماتۋرگ ەلەن ءالىمجان جينالعانداردى بايقاۋ قورىتىندىسىمەن تانىستىرىپ, بالالاردىڭ تالابىنا تىلەك­تەستىگىن جەتكىزدى. جەڭىمپاز جانە جۇل­دەگەر اتانعان وقىرماندار ديپ­لوم­دارمەن, ال وزگە قاتىسۋشىلار العىس حاتتارىمەن ماراپاتتالدى. جا­زۋشى پەرنەباي دۇيسەنبين جاس وقىرماندارىنىڭ بارلىعىنا دا ءوزىنىڭ تىلەگى جازىلىپ, قولتاڭباسى قويىلعان كىتاپتارىن سىيلادى.

جامبىل وبلىسى