باسپاسوزگە جازىلۋ باستالدى

ۇستىمىزدەگى جىلدىڭ 9 ايى­­نىڭ قورىتىندىسى بويىن­شا «قازپوشتا» ارقىلى قازاق­ستاندا گازەت-جۋرنالدارعا جا­زى­لۋدىڭ جالپى كولەمى 108 363 590 دانانى قۇراعان.

ايتا كەتەتىن تاعى ءبىر جايت, رەسپۋبليكالىق گازەتتەردىڭ ۇزدىك بەستىگىنە «ەگەمەن قازاقستان», «جاس الاش», «انا ءتىلى», «كازاح­ستانسكايا پراۆدا» جانە «ۇيعىر اۆازي» باسىلىمدارى كىرگەن. ايماقتىق كوشباسشىلار اراسىندا – «جەتىسۋ», «اقتوبە», «وگ­ني الاتاۋ», «اq Jol», «يۋج­­­نىي كازاحستان» گازەتتەرى بار. ەل بويىنشا بارلىعى 204 رەس­پۋبليكالىق جانە 521 ايماقتىق گازەت جازىلىم بويىنشا تاراتىلادى. جازىلۋدىڭ جالپى كولەمىندەگى رەسپۋبليكالىق باسىلىمداردىڭ ۇلەسى 45%-دى, وڭىرلىك باسىلىمداردىڭ ۇلەسى 54%-دى قۇراعان. تيراجدىڭ 1%-ى حالىقارالىق مەرزىمدى باسى­لىمدارعا تيەسىلى. قازاق­ستاندىقتار قازاقستان, رەسەي, بەلارۋس جانە ۋكراينانىڭ 3 مىڭ­­نان استام گازەت-جۋرنالدارىنا قازپوشتا ارقىلى جازىلۋ مۇمكىندىگىنە يە.

«ستاتيستيكا جازىلۋ تيرا­جىنىڭ تومەندەگەنىن كورسەتتى. وتكەن جىل قورىتىندىسى بو­يىنشا جازىلۋدىڭ جالپى كولەمى 127,8 ملن دانانى قۇ­رادى. بيىل قاراشا مەن جەلتوق­سان ايلارىنا جازىلۋ ءالى جال­عا­سۋدا جانە جىل سوڭىندا كور­سەتكىشتەر شامالى وسەدى. بىراق تۇتاستاي العاندا وتكەن جىلدىڭ كورسەتكىشىنەن اسپايدى. ءبىز ەلەكتروندى باسىلىمدارعا كوشۋ – قازاقستاندىق ستاتيس­تيكانى راس­تايتىن جالپى الەمدىك ترەند ەكەنىن تۇسى­نە­مىز», دەدى «قازپوشتا» اق «نۇر-سۇلتان» فيليا­لى ديرەك­تورى­نىڭ ورىنباسارى جاندوس جاڭابەرگەن ۇلى.

«قازپوشتا» اق ماماندا­رىنىڭ مالىمەتىنشە, گازەت-جۋر­نالعا جازىلۋ اۋىلداردا كوپ تىركەلگەن. بارلىق تارالىمنىڭ 73%-ى سولارعا تيەسىلى. اۋىل تۇر­­عىندارى وبلىستىق, قالالىق جانە اۋداندىق باسىلىمدارعا جازىلعاندى (جالپى تيراجدىڭ 58%-ى) ءجون كورەدى. جازىلۋ بويىن­شا قازاقستاننىڭ وڭىر­لەرى اراسىندا الماتى, قى­زىلوردا, قاراعاندى جانە جام­بىل وبلىس­تارى كوش باس­تاپ تۇر. قازىردىڭ وزىندە 2020 جىلعا جازىلۋ باس­تالىپ كەتتى. باسپاسوزگە جازىلۋدى كەز كەلگەن قازپوشتا بولىم­شەسىندە رەسىمدەۋگە بولادى.