قۇرمەتتى قازاق ەلى!
ەلباسى باستاعان تاريحي كەزەڭدەگى بەتبۇرىس باياندى بولسىن! جاڭا جەتىستىكتەر جاقسىلىققا جەتەلەسىن!
ەل پرەزيدەنتى قاسىم-جومارت توقاەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋى – ەلدىڭ ساياسي جاڭعىرۋىنا جاسالعان ءساتتى قادام.
سىندارلى ديالوگ پەن اشىقتىق – مەملەكەتتى وركەنيەتتىلىككە باعىتتايتىن باستى تەمىرقازىق.
«كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» ساياسي فورمۋلاسى مەن «حالىق ۇنىنە قۇلاق اساتىن مەملەكەت» تۇجىرىمداماسى – مەملەكەت تۇراقتىلىعىنىڭ ىرگەتاسى.
بيلىك پەن حالىق اراسىنداعى التىن كوپىرگە اينالعان بۇل قۇجات – تاۋەلسىز قازاق ەلىنىڭ كەمەلدى كەلەشەككە دەگەن كوركەم سەنىمى.
قاسيەتتى جيدەلىبايسىندا, ءمىرزاشولدىڭ تورىندە, التىن القاپتى ماقتانىڭ وتانى ماقتاارالدا, جارتىعاسىرلىق مەرەيتويىن تويلاعالى وتىرعان جەتىساي قالاسىندا ورنالاسقان «سىرداريا» ۋنيۆەرسيتەتى زاماناۋي سۇرانىسقا يە, باسەكەلەستىككە قابىلەتتى, جوعارى بىلىكتى ماماندار دايارلايدى.
بۇل وقۋ ورداسى – كۇنگەيلىك جاستاردىڭ ءبىلىم كۇمبەزى. ال جاستار – قوعامنىڭ قوزعاۋشى كۇشى, ەلدىڭ تىرەگى, مەملەكەتتىڭ ەڭ بەلسەندى بولىگى.
2020 جىلدىڭ ۆولونتەر جىلى بولىپ جاريالانۋى جاستارعا ەرەكشە سەرپىن سىيلادى. ەرىكتى تۇردە قايىرىمدىلىق جاساۋ, وزگەگە ساۋلە سىيلاۋ – ادامگەرشىلىكتىڭ ەڭ اسىل ۇلگىسى.
«سىرداريا» ۋنيۆەرسيتەتىنىڭ پروفەسسور-وقىتۋشىلارى مەن ستۋدەنتتەرى سىزدەردى جولداۋدى قولداۋعا جانە بەلگىلەنگەن مىندەتتەر مەن ءىس-شارالاردى بىرلەسە اتقارۋعا شاقىرادى!
ۇلى دالانىڭ جاڭعىرۋ مەن جاڭارۋ جولىنداعى جاڭا بەلەستەردى بىرگە باعىندىرايىق!
18.10.2019 جىل
تۇركىستان وبلىسى,
جەتىساي قالاسى,
«سىرداريا» ۋنيۆەرسيتەتى
ەلىمىزدىڭ ەڭ وڭتۇستىك قيىرىندا, وزبەكستان مەملەكەتىمەن شەكارالاس جيدەلىبايسىن جەرىندە, اق التىننىڭ وتانى – جەتىساي قالاسىندا ورنالاسقان «سىرداريا» ۋنيۆەرسيتەتى ءسىزدىڭ حالىققا ارنالعان «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى تۇڭعىش جولداۋىڭىزدى ەلىمىزدەگى جوعارى وقۋ ورىندارى اراسىندا العاشقىلاردىڭ ءبىرى بولىپ تالقىلاپ, 2019 جىلدىڭ 18 قازانىندا حالىقارالىق عىلىمي-تاجىريبەلىك كونفەرەنتسيا وتكىزدى. وسى جيىندا جولداۋداعى باستى باعىتتاردى جۇزەگە اسىرۋعا بايلانىستى ماقسات-مىندەتتەر ايقىندالىپ, قارار قابىلداندى.
«سىرداريا» ۋنيۆەرسيتەتى قۇرىلعاننان بەرگى 22 جىلدا وزبەكستان رەسپۋبليكاسىنداعى 1 ملن-نان استام قانداستارعا جانە مىرزاشولدەگى 500 مىڭداي حالىق ءۇشىن مەكتەپ مۇعالىمدەرىن دايارلاپ, جاستارعا جوعارى ءبىلىم بەرۋدە. ماتەريالدىق-تەحنيكالىق بازاسى زاماناۋي تالاپقا ساي جابدىقتالعان ۋنيۆەرسيتەت كونتينگەنتى مەملەكەت قۇراۋشى ۇلت وكىلدەرى بولعاندىقتان نەگىزگى باسىمدىق اعىلشىن ءتىلىن يگەرۋگە باعىتتالۋدا. وسى ماقساتتا كەمبريدج ۋنيۆەرسيتەتىندە ءبىزدىڭ وقۋ ورنىنىڭ ورتالىعى اشىلدى. پروفەسسور-وقىتۋشىلار مەن ستۋدەنتتەر ايتۋلى عىلىمي جەتىستىكتەرگە قول جەتكىزۋدە. ارحەولوگتار بۇرىن-سوڭدى زەرتتەمەگەن ورتاعاسىرلىق ۇتىرلى (ۇتىرتوبە) قالاسىنا ارحەولوگيالىق زەرتتەۋ جۇمىستارىن ءبىزدىڭ ۋنيۆەرسيتەت عالىمدارى جۇرگىزىپ, عىلىمي اينالىمعا ەنگىزدى. جاراتىلىستانۋ باعىتىندا وقيتىن ستۋدەنتتەر ءتۇرلى عىلىمي بايقاۋ مەن جوبالاردان جەڭىمپاز بولىپ ورالۋدا. ستۋدەنتتەرىمىزدىڭ سپورت پەن ونەردە جەتكەن تابىستارى دا قوماقتى. ءبىتىرۋشى تۇلەكتەر تۇگەلدەي جۇمىسپەن قامتىلعان.
ءبىلىم-عىلىم ىزدەگەن جەتىساي, ماقتاارال اۋداندارىنىڭ جاستارى مەن وزبەكستانداعى قانداس باۋىرلاردى جاڭا ومىرگە جەتەلەۋدە «سىرداريا» ۋنيۆەرسيتەتىنىڭ ۇجىمى پرەزيدەنتتىڭ ساياساتىن باسشىلىققا الادى.
حالىقارالىق كونفەرەنتسياعا قاتىسۋشى عالىمدار, پروفەسسور-وقىتۋشىلار جانە «سىرداريا» ۋنيۆەرسيتەتىنىڭ ستۋدەنتتەرى قازاقستان جوو پروفەسسور-وقىتۋشىلارى مەن ستۋدەنتتەرىنە پرەزيدەنتتىڭ جولداۋىن باسشىلىققا الۋعا, بەلگىلەنگەن مىندەتتەر مەن ءىس-شارالاردى تىڭعىلىقتى بىرلەسە اتقارۋعا شاقىرىپ, ۇندەۋ قابىلدادى.
مەملەكەت باسشىسىنىڭ ەل بولاشاعى مەن وتانىمىزدى كوركەيتۋ جولىنداعى قىزمەتىنە ابىروي, مىقتى دەنساۋلىق, سارقىلماس شابىت, ايتۋلى تابىس تىلەيمىز.
قۇرمەتپەن, «سىرداريا»
ۋنيۆەرسيتەتىنىڭ ۇجىمى
18.10.2019 جىل
تۇركىستان وبلىسى,
جەتىساي قالاسى,
«سىرداريا» ۋنيۆەرسيتەتى
