«بۇگىندە ءبىز ەۋرازيالىق ەكونوميكالىق وداق (ەاەو) ەلدەرىندە بىرىڭعاي لوتەرەيا قۇرۋ ءۇشىن جۇمىس ىستەپ جاتىرمىز. بىزگە ەاەو ەلدەرىنەن جانە الەمنىڭ باسقا ەلدەرىنەن ءبىر ايىرماشىلىق كەدەرگى كەلتىرۋدە. بۇل – ءبىزدىڭ قىزمەتىمىزدىڭ قۇرىلىمىندا ەشقانداي قوسىلعان قۇننىڭ بولماۋىنا قاراماستان, ەلىمىزدە 2018 جىلدىڭ 1 قاڭتارىنان باستاپ لوتەرەيالىق قىزمەتكە ققس سالىنۋى. ءبىزدىڭ سالامىزعا ققس ەنگىزۋ قيسىنسىز. ەل پرەزيدەنتى سالىق ساياساتىنا دامىعان ەلدەردىڭ وزىق تاجىريبەلەرىن ەنگىزۋ قاجەتتىلىگى تۋرالى ايتقانىن اتاپ وتكىم كەلەدى. ءبىز ءبارىن كەرىسىنشە ىستەۋدەمىز», دەيدى ء«ساتتى جۇلدىز» اق پرەزيدەنتى الەكساندر تەن.
ققس ۇلتتىق وپەراتوردىڭ بارلىق ساتۋىنا, سونىڭ ىشىندە اينالىمنىڭ 70%-ىن قۇرايتىن جۇلدە قورىنا سالىنادى, ال بۇل «لوتەرەيالار جانە لوتەرەيا قىزمەتى تۋرالى» زاڭعا قايشى كەلەدى. ونىڭ ۇلەسىن ارتتىرا وتىرىپ, ء«ساتتى جۇلدىز» اق ىسكە اسىرۋ ديناميكاسىن جاقسارتۋدى جوسپارلاپ وتىر. ايتا كەتەتىن جايت, زاڭناما بويىنشا جۇلدە قورىنىڭ دەڭگەيى 50%-دى قۇراۋى مۇمكىن.
بۇل رەتتە ۇلكەن قارجىلىق اۋىرتپالىقپەن قاتار, بىرىڭعاي وپەراتوردىڭ ەلدەگى سپورتتى قولداۋ مىندەتتەمەسى بار. كومپانيا قىزمەت ەتۋ كەزەڭىندە ءوزىنىڭ الەۋمەتتىك جاۋاپكەرشىلىگىن سەزىنە وتىرىپ, سپورتتى دامىتۋعا 286 ميلليون تەڭگەدەن استام قاراجات اۋداردى. زاڭعا سايكەس, ساتىلىم جانە جۇلدە قورى اراسىنداعى ايىرماشىلىقتىڭ 10%-ى سپورتتى دامىتۋ ءۇشىن اۋدارىلۋ كەرەك. الايدا, ء«ساتتى جۇلدىز» اق ويىننىڭ جالپى كىرىسىنىڭ 15%-ىن اۋدارۋ تۋرالى باستاما كوتەرگەن. 2018 جىلدىڭ شىلدەسىنە دەيىن اۋدارىمداردى الۋشى قازاقستان رەسپۋبليكاسىنىڭ سپورتتى دامىتۋ قورى بولدى, كەيىن بارلىق ماقساتتى قاراجات ۇلتتىق وليمپيادا كوميتەتىنە جىبەرىلەتىن بولدى.
ء«بىز لوتەرەيالىق قىزمەتكە ققس ەنگىزۋ تۋرالى شەشىم قابىلدانباعان كەزدە ەلدەگى سپورتتى دامىتۋعا باعىتتالعان شەگەرىمدەر بويىنشا كوتەرىڭكى مىندەتتەمەلەردى قابىلدادىق. ياعني, سول كەزدە قالىپتاسقان حالىقارالىق تاجىريبەگە, سونىڭ ىشىندە ەۋرازيالىق وداق ەلدەرىنە سايكەس كەلەتىن جاعدايلار ارەكەت ەتتى. ءيا, شەتەلدەگى لوتەرەيا كومپانيالارى قانداي دا ءبىر اكتسيزدى, نەمەسە شەگەرىمدەردى تولەيدى. ءبىز سپورتقا قارجى سالامىز», دەدى الەكساندر تەن.
لوتەرەيالاردى تاراتۋعا مامانداندىرىلعان سەرىكتەستىك جەلىلەر دە فيسكالدىق جۇكتەمەنى كوتەرەدى. ديستريبيۋتورلار ولارعا الىمداردى پاتەنتتىك رەجىمدە تولەۋ مۇمكىندىگىن بەرۋدى سۇراۋدا. بۇگىنگى تاڭدا ولار ءۇشىن مولشەرلەمە 3% دەڭگەيىندە بەلگىلەنگەن, دەيدى «قازاقستان لوتەرەيا وداعىنىڭ» اتقارۋشى ديرەكتورى الەكساندر مۋحين. بۇل جاعداي وسى سالاداعى شوب-ءتىڭ دامۋىنا كەدەرگى كەلتىرەدى, دەيدى ول. بۇگىندە وندا 3 مىڭنان استام كاسىپكەر جۇمىس ىستەيدى.
جاڭارتىلعان سالىق كودەكسىندەگى قاتەلىكتى پارلامەنتتە دە مويىندادى. زاڭ شىعارۋشى ورگان لوتەرەيا قىزمەتىنە قاتىستى تۇزەتۋلەر پاكەتىن قاراستىرۋدا. ءماجىلىس دەپۋتاتتارىنىڭ باستاماسى بويىنشا لوتەرەيا كومپانيالارى ءۇشىن ققس-تى الىپ تاستاۋ ۇسىنىلادى. بۇگىنگى تاڭدا قۇجات ۇكىمەتتە تۇجىرىمىن الدى. بۇدان كەيىن وسى ماسەلەنى پارلامەنتتىڭ ەكى پالاتاسىندا پلەنارلىق وتىرىستا تالقىلاۋ بولادى. اتاپ ايتقاندا, كۇن تارتىبىندە كەلەسى تۇزەتۋلەر بار: تاراتۋشىلارعا سالىق سالۋ پاتەنتىن نەمەسە جەڭىلدەتىلگەن رەجىمىن قولدانۋ مۇمكىندىگىنە تۇزەتۋلەر ەنگىزۋ; لوتەرەيا ءۇشىن ققس-تى الىپ تاستاۋ; باسقا لوتەرەيالاردى جارنامالاۋعا جانە جارنامادا «لوتەرەيا» ءسوزىن قولدانۋعا تىيىم سالۋ, سونداي-اق وسى بۇزۋشىلىقتار ءۇشىن اكىمشىلىك ايىپپۇل سالۋ; لوتەرەيالاردى تۇرىنە قاراي ءبولۋدىڭ نەگىزگى ولشەمدەرىن زاڭعا ەنگىزۋ, سونداي-اق لوتەرەيالاردىڭ جەكەلەگەن تۇرلەرىن زاڭنان تۋىنداعان اكتىلەر دەڭگەيىندە رەتتەيتىن ەرەجەلەردى ەنگىزۋ.
ايتا كەستەك, سوڭعى بىرنەشە جىل ىشىندە لوتەرەيا نارىعىندا كوپتەگەن وزگەرىستەر ورىن الدى, سونىڭ ىشىندە 2016 جىلعى 9 ساۋىردە «لوتەرەيالار جانە لوتەرەيا قىزمەتى تۋرالى» زاڭىنىڭ قابىلدانۋى جانە 2017 جىلدىڭ اقپانىندا بىرىڭعاي لوتەرەيا وپەراتورىنىڭ تاڭدالۋىن ايتۋعا بولادى. بايگەگە قاتىسقان 9 كومپانيا ىشىنەن وپەراتور بولىپ ء«ساتتى جۇلدىز» اق سايلاندى. 2018 جىلدان باستاپ وسى سالادا ايتارلىقتاي ءوسۋ بايقالادى. وسى ۋاقىتتا كومپانيا اينالىمى 10 881 621 000 تەڭگەنى قۇرادى. 2018 جىلى كورسەتكىش 2,6 ميلليارد تەڭگەنى قۇراپ, 2016 جىلعى لوتەرەيا سالاسىنداعى جالپى جىلدىق اينالىمنان اسىپ كەتتى. 2019 جىلدىڭ توعىز ايىندا لوتەرەيا سالاسىنداعى اينالىم 4 ميلليارد تەڭگەگە جەتتى.
