رۋحانيات • 27 قازان، 2019

ەڭ ۇزدىك «بالا داۋىسى» تۇركىستاننان تابىلدى

114 رەتكورسەتىلدى

26 قازاندا الماتىداعى رەسپۋبليكا سارايىنىڭ ساحناسىندا قازاقستان رەسپۋبليكاسىنىڭ تۇڭعىش پرەزيدەنتىەلباسىقورىنىڭ قولداۋىمەن «جاندانۋ الەمى» قورى، قازاقستان رەسپۋبليكاسىنىڭ مادەنيەت جانە سپورت مينيسترلىگى وتكىزگەن «بالا داۋىسى» ۇلتتىق بالالار ءان بايقاۋىنىڭ IY ماۋسىمىنىڭ قورىتىندىسى جاريالاندى.

قازاقستاننىڭ تۇكپءىر-تۇكپءىرىندە 5 458 بالا ءۇش اي بويى بايقاۋدىڭ ىرىكتەۋ ساتىلارىنان ءوتىپ، ناتيجەسىندە 17 وڭىردەن كەلگەن 8 جاس پەن 13 جاس ارالىعىنداعى 17 ۇمىتكەر ءبۇلدىرشىن اقتىق سىنعا قاتىسۋ مۇمكىندىگىنە يە بولدى.

24 قازاندا ء«اننىڭ تۋعان كۇنى» بايقاۋى ءوتىپ، وندا بالالار بەلگىلى قازاقستاندىق كومپوزيتورلاردىڭ بالالارعا ارناپ جازعان جاڭا اۆتورلىق كومپوزيتسيالارىن ورىندادى. بالالار اندەرىن ءسۇيىپ ورىنداعان كومپوزيتورلاردىڭ اراسىندا ارمان دءۇيسەن، مارحابا سابي، رينات زايتوۆ، الەكسەي ماكلاي، باۋىرجان بيماحان، ءىلياس ابدىرازاقوۆ جانە باسقالارى بار. «بالا داۋىسى» بايقاۋىنىڭ فينالعا قاتىسۋشىلارىنا سەرىك يبراگيموۆ، مارجان اراپباەۆا، داستان ورازبەكوۆ، زارينا التىنباەۆا، دانيار وتەگەن، سەرىك گامزا-زادە، دينارا سۇلتان، سالتانات باقاەۆا سىندى قازاقەستراداسىنىڭ 17 ارتىسىنەن قۇرالعان قازىلار القاسى باعا بەرءىپ، تالىمگەرلىك جاسادى. ۇمىتىلمايتىن جارقىن شوۋعا قايرات نۇرتاس پەن «تى - سۋپەر!» تەلەۆيزيالىق بايقاۋىنىڭ جەڭىمپازى رەسەيلىك ديانا انكۋدينوۆا قاتىستى.    

26 قازاندا توپ جارىپ، اقتىق سىندا ىرىكتەلىپ شىققان بالالاردىڭ جانە ولاردىڭ تالىمگەرلەرىنىڭ قاتىسۋىمەن «ۇمايدىڭ مەيىرىمدى ەرتەگىلەرى» مۋزىكالىق بالالار سپەكتاكلىنىڭ تۇساۋكەسەرى بولدى. سپەكتاكلدە زاماناۋي جانە حالىق اندەرى، الەمدىك حيتتەر، حورەوگرافيالىق قويىلىمدار، تسيرك نومىرلەرى، ەتنو-ۇجىمداردىڭ ونەرى ساباقتاسا ورىلە كەتتى. سپەكتاكل مۋزىكاسىنىڭ اۆتورى، جاسكومپوزيتور نازىم مۋحامەديەۆا، ستسەناريءيىن جازعان– مۇرات يساحانوۆ.                

سپەكتاكلدەن كەيىن سالتاناتتى ماراپاتتاۋ ءراسىمى ءوتتى، ونى «بالا داۋىسى» جوباسىنىڭ اۆتورى ءاليا نازارباەۆا اشتى. «مەن بۇلدىرشىندەرىمىزدىڭ اتا-انالارىن شىن جۇرەكتەن قۇتتىقتايمىن! ادامعا بالالى-شاعالى بولىپ، ولاردى ءوسىرىپ-ءوندىرىپ، دۇرىس باعىت-باعدار بەرۋ ارقىلى جاقسى ادامداردى تاربيەلەپ شىعارۋ – ەشنارسەمەن تەڭەۋگە كەلمەيتىن ۇلى ءناسىپ پەن باقىت. سىزدەر، قۇرمەتتى اتا-انالار،دۇرىس جولداسىزدار! ءبىز ونى قازىر بارلىعىمىز كورىپ وتىرمىز. سىزدەرگە زور دەنساۋلىق، وتباسىلارىڭىزعا اماندىق، ساۋلىق تىلەيمىز! قۇرمەتتى بالالار!  سىزدەر ىرىكتەۋ كەزەڭدەرىنەن باستاپ فينالعا دەيىنگى ۇزاق جولدان ءوتىپ،  وزدەرىڭىزگە كوپتەگەن قىزىقتى دۇنيەلەردى اشتىڭىزدار، جاڭا دوستار تاپتىڭىزدار. سىزدەردى ەرتەڭ ۇيدە تۋىستارىڭىز بەن دوستارىڭىز، مۇعالىمدەرىڭىز بەن سىنىپتاستارىڭىز كۇتەدى. ەڭ جارقىن ساتتەردى وزدەرىڭىزبەن بىرگە الا كەتىڭىزدەر. ەڭ شادىمان، مەيىرىمگە تولى كۇلكىلەرىڭىز بەن كوڭىل كۇيلەرىڭىزدى ەستە ساقتاپ قالىڭىزدار! جىلى دا مەيىرىمگە تولى ساتتەردى ۇمىتپاڭىزدار! وسىنىڭ بارلىعىنان جان دۇنيەسى سۇيىكتى وتانىنىڭ يگىلىگىن اڭساعان، ەڭ جارقىن دا ءمولدىر نيەتتەن ادام ءومىرى قالىپتاسادى».

جەڭىمپاز بالالاردى الماتى قالاسىنىڭ اكىمى باقىتجان ساعىنتاەۆ، قر تۇڭعىش پرەزيدەنتى – ەلباسى قورىنىڭ اتقارۋشى ديرەكتورى يگور روگوۆ، قازاق ۇلتتىق ونەر ۋنيۆەرسيتەتىنىڭ رەكتورى ايمان مۇساقوجاەۆا، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى اقان ابدۋاليەۆ، پ.چايكوۆسكي اتىنداعى مۋزىكالىق كوللەدجدىڭ ديرەكتورى ءبىرجان حاسانعاليەۆ قۇتتىقتادى. الماتى اكىمى ب.ءابدىر ۇلىنىڭ كوڭىل تولقىتار قۇتتىقتاۋ ءسوزى ۇلكەن-كىشىنىڭ ەسىندە ۋزاق ۋاقتى جءۇرەتىنى انىق.«دۇنيەدە بالادان ءتاتتى، بالادان ادەمى، بالادان سەزىمتال جاراتىلىس يەسى جوق شىعار. ىڭگالاپ دۇنيەگە كەلگەن نارەستەنىڭ داۋىسىنان ارتىق نە بار بۇل جارىق دۇنيەدە؟ سول داۋىستى ۋاقىتىندا تۇسىنە بىلەتىن، ەستي بىلەتىن ادام، ول – اتا-انا. ءاربىر ادام ءوز ءسابيءى ءۇشىن قولىنان كەلگەن بار جاقسىلىعىن جاساۋعا تىرىسادى. بۇگىن ءوزىم ەرتەگى الەمىنە تاپ بولعانداي سەزىمدە وتىردىم. ۇلكەندەر بالالاردىڭ مۇنداي كونتسەرتىنە ءجيى بارۋى كەرەك دەپ ويلايمىن، سەبەبى تاماشالاپ وتىرعاندا جان دۇنيەڭدە الدەبىر نارسە قوپارىلىپ تۇسكەندەي بولادى، توڭىرەگىڭە باسقاشا قاراي باستاعانىڭدى سەزىنەسىڭ»، دەدى الماتى اكىمى ب.ءابدىر ۇلى.

تەلەكورەرمەندەردىڭ ارنايى سىيلىعى – دۋباي قالاسىنداعى لەگولەند ەرتەگى الەمىنە ساياحات جاساۋ مۇمكىندىگىن سىيلاعان جولداما نۇر-سۇلتان قالاسىنان كەلگەن كاميللا كءۇزدەنباەۆاعاتابىستالدى. ءىىى ورىن بىردەن ءۇش قاتىسۋشىعا بەرىلدى. ولار:  قىزىلوردا وبلىسىنان كەلگەن سەزىم قاھارمان، الماتى قالاسىنان ميراس ماكسيموۆ  جانە نۇر-سۇلتان قالاسىنىڭ ۇمىتكەرى كاميللا كءۇزدەنباەۆا. II ورىندى اتىراۋ وبلىسىنان كەلگەن الفيا تلەكقابىل جانە الماتى وبلىسىن  تانىستىرعان ارۋجان ءراحمانالى ەنشىلەدى. ءى ورىنباتىس قازاقستان وبلىسىنىڭ ۇكىلەگەن ۇمىتكەرى ءالىمجان تۇگەلبايعا بۇيىردى.

تۇركىستان وبلىسىنان كەلگەن 12 جاستاعى مەيرامبەك شالقارباي تءورتىنشى ماۋسىمنىڭ گران-پري يەگەرى اتاندى. مەيرامبەككە قازاق ۇلتتىق ونەر ۋنيۆەرسيتەتى جانىنداعى مامانداندىرىلعان مەكتەپتە وقۋ گرانتى مەن ارمانداعى ديسنەيلەندكە جولداما تابىس ەتىلدى. اقتىق مارەگە جەتكەن ءاربىر قاتىسۋشىعا «بالا داۋىسىنىڭ» سيمۆولى – تاڭعاجايىپ نوتا، اۆتورلىق پورترەتتەر مەن باعالى سىيلىقتار تارتۋ ەتىلدى.

«بالا داۋىسىنىڭ» IY ماۋسىمى ءۇشىن ارنايى جازىلعان 17 جاڭا ءاننەن تۇراتىن جيناق قازاقستاننىڭ بارلىق مەكتەپتەرىنە تەگىن سىيعا بەرىلەتىنىن دە اتاپ وتكەن ءجون.      

الماتى  

 

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار