ءوڭىر بويىنشا كۇل-قوقىس توگەتىن 17 پوليگون, 252 جەر ۋچاسكەسى بەلگىلەنمەن, ادامدار كەز كەلگەن ورىندى قوقىس الاڭىنا اينالدىرىپ جىبەرگەن سەكىلدى. جىل باسىنان بەرى وبلىس ورتالىعىنان عانا ءۇش مىڭ توننادان استام زاڭسىز قوقىس شىعارىلعان. پەتروپاۆل شاhارىندا 80 زاڭسىز ورىننىڭ 6-ۋى عانا تازارتىلعان. اسىرەسە, شەتكەرى ايماقتاردا بۇل جۇمىس باياۋ جۇرگىزىلۋدە.
«ەكولوگيانى جاقسارتۋ ماقساتىمەن مينيسترلىك وكىلدەرى «عارىش ساپارى» اق-مەن كەلىسىم-شارت جاساستى. بۇدان بىلاي عارىش ارقىلى قوقىس ۇيىندىلەرى جاتقان جەرلەر انىقتالىپ, سۋرەتتەرى مەن ورنالاسقان ورىندارى ءتيىستى ورگاندارعا جىبەرىلىپ وتىرادى. ماسەلەن, بيىل وڭىردە ارنايى گەو-پورتالدىڭ كومەگىمەن 884 قوقىس ورنى انىقتالسا, ونىڭ 80-ءى وبلىس ورتالىعىندا ورنالاسقان», دەيدى وبلىستىق ەكولوگيا دەپارتامەنتى باسشىسىنىڭ مىندەتىن اتقارۋشى ازامات بەكتاسوۆ. قوقىس قالدىقتارىنان تازارتۋ جۇمىستارىن ناشار جۇرگىزگەنى ءۇشىن ينسپەكتورلار مەن 7 اۋىلدىق اكىمدەرگە ايىپپۇل سالىنىپتى.
«عارىش ساپارى» اق كومەگىمەن جاسالعان گەو-پورتالدان پەتروپاۆلدان 50 شارشى شاقىرىم راديۋس ارالىعىندا بەي-بەرەكەت توگىلگەن قوقىس ۇيىندىلەرىن بايقاۋ قيىن ەمەس. ونىڭ مىسالدارى قىزىلجار, اققايىن, مامليۋت, م.جۇماباەۆ, تايىنشا, ەسىل اۋداندارىندا ءجيى كەزدەسەدى.
پەتروپاۆل قالالىق تۇرعىن ءۇي كوممۋنالدىق شارۋاشىلىعى, جول-كولىك, اۆتلموبيل ءبولىمىنىڭ سەكتور مەڭگەرۋشىسى دۋلات ءشارىپوۆ تا جۇمىسشى, زارەچنىي كەنتتەرى مەن بەنزوستروي شاعىناۋدان تۇرعىندارى كوممۋنالدىق شارۋاشىلىقتارمەن كەلىسىمگە وتىرماعاندىقتان, ارنايى قوقىس كونتەينەرلەرى ورناتىلماعانىن جاسىرمايدى. پلاستيك, پوليەتيلەن قالدىقتارىنىڭ قورشاعان ورتاعا, ادام دەنساۋلىعىنا زيانى وراسان ەكەنىن بىلە تۇرا ساماۋقاۋلىقتان ارىلار ەمەس.
سولتۇستىك قازاقستان وبلىسى
