بايگەگە ءبىر جىلدان استام مەرزىم ىشىندە 147 اۆتوردان 205 قولجازبا تۇسكەن. ولاردىڭ ەڭ تاڭداۋلى, لايىقتى دەپ تانىلعاندارى «ادىرنا» جۋرنالىندا جاريالانىپ كەلەدى.
ناتيجەسىندە بايگەگە تۇسكەن شىعارمالاردىڭ دەڭگەيىن ەسكەرە كەلە, ەكى ميلليون تەڭگەلىك باس جۇلدە ەشكىمگە بەرىلمەيدى دەپ شەشىلگەن. ەسەسىنە ەكى شىعارماعا ءبىرىنشى ورىن جانە بىر ميلليون تەڭگە قارجىلاي سىيلىق بەرىلگەن. ال ىنتالاندىرۋ سىيلىقتارىنىڭ سانى ەكى ەسە كوبەيىپ, التىعا جەتكەن.
ءبىرىنشى ورىندى جانە ءبىر ميلليون تەڭگە اقشالاي سىيلىقتى سەرىك اقسۇڭقار ۇلى «سايتاننىڭ سايران سالۋى» پوەماسى, «ادامزاتتىڭ ەڭ العاشقى اقىنى», «انتيپوەزيا» پوەتيكالىق ەسسەلەرىمەن جانە «اسپالى كەرۋەت», «بارسيك» اڭگىمەلەرىمەن ماقسات مالىك جەڭىپ الدى.
ال ەكىنشى ورىندى جانات اسكەربەكقىزى مەن بەكەن ىبىرايىموۆ يەلەنگەن. جۇلدەگەرلەرگە 500 مىڭ تەڭگە قارجىلاي سىيلىق بەرىلەدى.
ءۇشىنشى ورىندى اسىلبەك يحسان, جادىرا شامۇراتوۆا جانە مارحابات بايعۇتوۆ يەلەندى.
ىنتالاندىرۋ سىيلىقتارىن العاندار قاتارىندا ميراس اسان, جادىرا بايبۇلانوۆا, قاناعات ءابىلحايىر, الماس احمەتبەك ۇلى, سەرىك نۇعىمان, زامان تولەۋوۆ جانە ايگۇل كەمەلباەۆا بار.
سىيلىقتاردى تاپسىرۋ ءراسىمى اقتوبە قالاسىندا قاراشا ايىندا وتەدى. سىيلىقتارمەن قوسا لاۋرەاتتاردىڭ شىعارمالارىنان قۇراستىرىلعان «التىن جەبە» كىتابى مەن «التىن جەبە» ەستەلىك بەلگىسى تابىستالادى.
