وقيعا كەشە, 24 قازان كۇنى تۇستەن كەيىن بولعان. اۋلادا ويناپ جۇرگەن ۇلدارىن سىرتىنان باقىلاپ قويىپ جۇرگەن اناسى ساعات 15.30. شاماسىندا بالالاردىڭ جوق ەكەنىن بايقاپ, ءۇي مەن قورا-قوپسى ماڭىنان ىزدەگەن. تاپپاعاسىن اعايىن-تۋىسى مەن كورشىلەرىنە حابار بەرگەن. كەشكى 20.30-دا ەش ناتيجە بولماعان سوڭ تايپاق پوليتسيا بولىمىنە حابارلاعان.
قازىر بقو پوليتسياسى ورىنباسار بەكسۇلتان اسقارا ۇلى ( 02.10.2014 ج.ت.) مەن ورىنباسار نۇريسلام اسقار ۇلىنا (23.11.2017ج.ت.) ىزدەۋ جاريالادى. بەكسۇلتان ۇستىنە سارى كوفتا, بۇتىنا گاماج كيگەن, اياعىندا قوڭىر كروسسوۆكاسى بار. بويى 110 سم. نۇريسلام دا سارى كوفتا كيگەن.
- بالالاردىڭ اتا-اناسى وعاش قىلىعى جوق, وتباسىندا وسى ەكى ۇلى عانا, - دەپ حابارلادى بقو پوليتسيا دەپارتامەنتى ءباسپاسوز قىزمەتىنىڭ جەتەكشىسى بولاتبەك بەلگىبەكوۆ.
جوعالعان سابيلەردى ىزدەۋ جۇمىسى ءتۇنى بويى توقتاعان جوق. وقيعا ورنىنا دەپارتامەنت باستىعى گەنەرال-مايور م.ءابىلازيموۆتىڭ ءوزى جەدەل ىزدەستىرۋ ماسەلەلەرى بويىنشا ورىنباسارى پوليتسيا پولكوۆنيگى ا.مەڭدىعالينمەن بىرگە تۇندە اتتانىپ كەتتى.
اقجايىق اۋىلى, سارىتوعاي اۋىلدىق وكرۋگىنە قاراستى جاناما اۋىلىندا 166 ءۇي بار. اۋىلدان 1 كم قاشىقتا قاراسۋ وزەگى ورنالاسقان. ىزدەۋ جۇمىسىنا ءيىسشىل ءيتتى دە قوسقان. ىزدەۋگە بارلىعى 200-دەي ادام, 30 كولىك تارتىلعان.
- وقيعا بولعان جەردە ۇيالى بايلانىس جەلىسى ناشارلىعى ىزدەستىرۋ جۇمىسىنا كەدەرگى كەلتىرۋدە, - دەيدى بولاتبەك بەلگىبەكوۆ
