ەلباسى نۇرسۇلتان نازارباەۆتىڭ جاپونياعا جاساعان ساپارى كۇنشىعىس ەلىنىڭ جاڭا يمپەراتورىنىڭ تاققا وتىرۋ راسىمىنە قاتىسۋدان باسقا دا ماڭىزدى تاجىريبەلىك مانگە يە بولدى.
الەمنىڭ ءۇشىنشى ەكونوميكاسىمەن ەكىجاقتى قارىم-قاتىناستاردى دامىتۋ شەڭبەرىندە ەلباسى ۇزاق ۋاقىت بويى جاپونيا پرەمەر-ءمينيسترى سيندزو ابەمەن ماڭىزدى كەلىسسوزدەر جۇرگىزدى.
كەزدەسۋ بارىسىندا ەكى ساياساتكەر قازاقستان مەن جاپونيا اراسىنداعى قارىم-قاتىناس-
تاردىڭ جوعارى مارتەبەسىن راستادى. ەسكە سالا كەتسەك, 2016 جىلى نۇرسۇلتان نازارباەۆتىڭ جاپونياعا ساپارى كەزىندە ەلدەر اراسىنداعى بايلانىس جاڭا ساپالى دەڭگەيگە – «كەڭەيتىلگەن ستراتەگيالىق سەرىكتەستىككە» دەيىن كوتەرىلدى.
بۇگىنگى تاڭدا قازاقستان – جاپونيانىڭ ورتالىق ازياداعى ەڭ ءىرى ساۋدا سەرىكتەسى. 2018 جىلى ەكى ەل اراسىنداعى تاۋار اينالىمى 30%-عا ءوسىپ, 2 ميلليارد اقش دوللارىنا دەيىن جەتتى. جاپونيا قازاقستاننىڭ شەتەلدىك ينۆەستورلارىنىڭ العاشقى وندىعىنا كىرەدى. جاپوندىق ينۆەستيتسيالاردىڭ جالپى اعىندارى 2005 جىلدان 2018 جىلعا دەيىن 5,8 ميلليارد اقش دوللارىن قۇرادى.
سونىمەن قاتار قازاقستان جوعارى تەحنولوگيالار سالاسىنداعى الەمدىك كوشباسشىلاردىڭ ءبىرى – جاپونيامەن تەحنولوگيالىق ىنتىماقتاستىقتى دامىتۋعا ەرەكشە نازار اۋدارادى.
ىنتىماقتاستىقتىڭ باسىم باعىتتارى اتوم ەنەرگەتيكاسى, ماشينا جاساۋ, تەلەكوممۋنيكاتسيالار جانە ت.ب. سالالاردى قامتيدى. جالپى العاندا, بۇگىندە قازاقستان نارىعىندا شامامەن 70 جاپوندىق كاسىپورىن جۇمىس ىستەيدى.
جاپونيا ءۇشىن قازاقستان – ەۋرازيانىڭ ءدال ورتالىعىندا ورنالاسقان ماڭىزدى سەرىكتەس. بۇل رەتتە جاپونيا ءۇشىن كولىك-لوگيستيكالىق سالاداعى ىنتىماقتاستىقتى دامىتۋ ەرەكشە قىزىعۋشىلىق تۋدىرادى.
تاعى ءبىر ماڭىزدى باعىت – ەنەرگيا رەسۋرستارى, ۋران جانە سيرەك كەزدەسەتىن مەتالدار سياقتى ستراتەگيالىق رەسۋرستار سالاسىنداعى ارىپتەستىكتى دامىتۋ.
جاپونيامەن كەڭەيتىلگەن قاتىناستار قازاقستاندا «شىعىس ازيا» سىرتقى ساياسات ۆەكتورىنىڭ ماڭىزدى ەلەمەنتى رەتىندە قاراستىرىلادى, ەكى ەل دە حالىقارالىق قاتىناستارداعى كوپتەگەن وزەكتى ماسەلەلەر بويىنشا ورتاق پىكىر-
دە.
نۇرسۇلتان نازارباەۆتىڭ جاپونياعا جاساعان كەزەكتى ساپارى ەكى ەل اراسىنداعى ىنتىماقتاستىقتىڭ زور الەۋەتىن تاعى دا راستاپ, ىنتىماقتاستىقتى ودان ءارى كەڭەيتۋگە جاڭا سەرپىن بەردى.
ەرجان سالتىباەۆ,
قازاقستان رەسپۋبليكاسى تۇڭعىش پرەزيدەنتى – ەلباسى قورى جانىنداعى اەسي ديرەكتورى
