قازاقستان-بەلارۋس بيزنەس-فورۋمى بەلارۋس رەسپۋبليكاسىنىڭ پرەزيدەنتى الەكساندر لۋكاشەنكونىڭ قازاقستانعا رەسمي ساپارى اياسىندا ءوتتى. رەسمي شاراعا بەلارۋس پرەمەر-ءمينيسترىنىڭ ءبىرىنشى ورىنباسارى الەكساندر تۋرچين, سونداي-اق ەكى ەلدىڭ رەسمي جانە ىسكەر توپتارىنىڭ 200-دەن استام وكىلدەرى قاتىستى.
فورۋم جۇمىسى بارىسىندا ەكى ەلدىڭ ساۋدا-ەكونوميكالىق ىنتىماقتاستىعىن ودان ءارى دامىتۋ جانە بيزنەستى جۇرگىزۋدىڭ تاجىريبەلىك اسپەكتىلەرىنە ەرەكشە نازار اۋدارىلدى. سونىمەن قاتار, كاسىپكەرلىك قاۋىمداستىق الدىندا تۇرعان مىندەتتەر مەن پەرسپەكتيۆالار تالقىلاندى, سونداي-اق قازاقستان مەن بەلارۋس بيزنەس-قۇرىلىمدارى اراسىندا جاڭا بايلانىستار ورناتىلدى.
فورۋم قورىتىندىسى بويىنشا تاراپتار جالپى سوماسى $75 ملن تۇراتىن ماشينا جاساۋ, اگروونەركاسىپ كەشەنى, فارماتسەۆتيكا سالالارى بويىنشا كەلىسىمدەرگە قول قويدى.
بەلارۋس قازاقستاننىڭ الەمدىك ارەناداعى جەتەكشى سەرىكتەستەرىنىڭ ءبىرى بولىپ تابىلاتىنىن اتاپ ءوتۋ قاجەت. تاۋەلسىزدىك العان ساتتەن باستاپ قازىرگى ۋاقىتقا دەيىن قازاقستان-بەلارۋس ىنتىماقتاستىعىنىڭ شارتتىق-قۇقىقتىق بازاسى الەۋمەتتىك-ەكونوميكالىق جانە ستراتەگيالىق قاتىناستاردىڭ ءتۇرلى سالالارىنداعى 70-تەن استام شارتتار مەن كەلىسىمدەردەن تۇرادى.
