قالا اكىمىنىڭ ورىنباسارى نۇرلان نۇركەنوۆتىڭ سوزىنشە, بۇگىندە ديزاين-كود بويىنشا جۇمىس باستالدى. اعىمداعى جىلدىڭ ءتورتىنشى توقسانى جانە كەلەسى جىلدىڭ ءبىرىنشى توقسانىندا بىرىڭعاي ساۋلەتتىك ءستيلدى قالىپتاستىرۋدىڭ ءۇشىنشى كەزەڭى اياقتالادى.
«شىنىمەن دە, ديزاين-كود قالالىق دامۋدى قالىتاستىرۋدىڭ نەگىزىنىڭ ءبىرى. بۇل قالا كوشەلەرى, ورامدار, قوعامدىق ايماقتاردى بەزەندىرۋدىڭ بىرىڭعاي ءستيلى. قازىردىڭ وزىندە نۇر-سۇلتاننىڭ وزىندىك ءستيلى بار, ول شىعىس پەن باتىس مادەنيەتىنىڭ ۇيلەسىمى. ەلوردادا نورمان فوستەر جانە ت.ب. الەمگە ايگىلى ساۋلەتشىلەر جۇمىس ىستەدى. وسى جۇمىستى جالعاستىرۋ كەرەك», - دەدى ن.نۇركەنوۆ.
ونىڭ ايتۋىنشا, قالا ساۋلەتشىلەرى مەن اكىمشىلەرىنىڭ قالانىڭ تۇتاس جانە جەكەلەگەن عيماراتتارى قانداي ستيلدە داميتىنى تۋرالى ورتاق تۇسىنىگى بولادى. اكىمدىك كاسىپ اشاتىن كاسىپكەرلەر مەن تۇرعىن ۇيلەردى سالاتىن قۇرىلىس كومپانيالارىنا دايىن ديزاين-كود ۇسىناتىن بولادى.
