ەڭ قىسقا اڭگىمە • 23 قازان، 2019

ەڭ قىسقا اڭگىمە. ريزا يساەۆا

195 رەتكورسەتىلدى

ەڭ اسىل ءيىس....

«نۇرلى تاۋدىڭ» 1-قاباتىنا تۇسكەن سايىن، مۇرنىما تاندىردا جاڭا پىسكەن ناننىڭ ءيىسى كەلەدى. «نۇرلى تاۋدا» قايداعى تاندىر نان، قايداعى تاندىر؟!...

شەشەم مارقۇم، الپىسقا تاياعانشا تاندىرعا نان جاباتىن. تاندىردىڭ ىشىنە قۋ اعاش پەن مالدىڭ قيىن ءۇيىپ تۇرىپ قالاپ، وت جاعادى. وت جانىپ بولىپ، شالاسى تۇگەل شىققانشا كۇتەدى. بۇل كەزدە تاندىر دا ابدەن قىزادى.

وسىن قىزىپ تۇرعان تاندىرعا شەشەم بايعۇس اشىتىپ، كۇلشەلەنگەن ءبىر تەگەش ناندى ەڭكەيىپ جاپسىرادى. كەيدە، جاپسىرعان ناندارى تاندىرعا تۇرماي، تۇبىنە اعىپ ءتۇسىپ قالاتىن. شەشەم، «كۇلدى كومەش» بولدى-اۋ دەپ كۇيىنىپ، ونى الىپ، جابىسقان شوق پەن ك ۇلىن تازالاپ قايتا جاپسىرادى....

كەيدە، جاپسىرعان ناندارىنىڭ كوبى تۇرماي «اعىپ» كەتۋشى ەدى.... وندايدا شەشەم مارقۇم، ««قۇداي-اي، ءوزىڭ ساقتاي گور، نانىم تۇرمادى دەپ تاۋبەسىنە كەلىپ وتىراتىن.... ءسال نارسەدەن سەكەم العىش، ىرىمداعىش اڭقاۋ كوڭىلى عوي، سول...

نەگە ەكەنىن قايدام ماعان شەشەمنىڭ تاندىردىڭ تۇبىندە جاتىپ پىسكەن، «كۇلدى كومەشى» قاتتى ۇنايتىن. ەرەكشە ءدامدى سەكىلدى كورىنەتىن ەدى.... بالا كوڭىلىمنىڭ انامنىڭ وتقا ءتۇسىپ پىسىرگەن ەڭبەگىنە دەگەن قۇرمەتىم مە ەكەن، بەلگىسىز؟!

شەشەم مارقۇم وتتان «كۇيىپ قالام اۋ» دەپ قورىقپاۋشى ەدى... كەيدە وشاق باسىندا، پەش الدىندا ءتۇسىپ قالعان شوقتاردى جالاڭاش قولىمەن جەردەن الىپ، جانىپ جاتقان وتقا قايتا لاقتىراتىن. وندايدا «ماماتاي، قولىڭ كۇيەدى» دەپ شىرىلداۋشى ەدىم. شەشەم بولسا ەش ساسپاستان، «كۇيمەيدى، ونداي-وندايعا كۇيۋشى مە ەدى»، دەيتىن....

بالاسى ءۇشىن جانعان وتقا تۇسۋدەن تايىنبايتىن سەندەي جان مىنا ومىردە بار ما ەكەن؟!

مەن ءۇشىن ءسىرا، ەندى جوق....

تاندىر ناننىڭ ءيىسى تاعى مۇرنىما كەلدى. بۇل مەنىڭ ساعان دەگەن ساعىنىشىمنىڭ ءيىسى ەكەن عوي.... باقۇل بول.

 

ريزا يساەۆا

سوڭعى جاڭالىقتار

Grand Slam جارىسىندا بەلدەسەدى

سپورت • بۇگىن، 08:30

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • بۇگىن، 08:29

وقىرمانمەن وي ءبولىستى

رۋحانيات • بۇگىن، 08:17

قياناتقا قارسى تۇرعان گازەت

رۋحانيات • بۇگىن، 07:49

جەمقورلىق جەرگە قاراتادى

قوعام • بۇگىن، 07:48

«ءبىر سىناعان جاماندى...»

ايماقتار • بۇگىن، 07:46

ەرلى-زايىپتىلاردىڭ ەرلىگى

ايماقتار • بۇگىن، 07:43

ەل يگىلىگىن ەسەلەگەن جان

رۋحانيات • بۇگىن، 07:32

ەڭ قىمبات ۇلتتىق برەندتەر

الەم • بۇگىن، 07:23

تەڭگەنىڭ تەگەۋرىنى

قارجى • بۇگىن، 07:21

سەنىم كاپيتالى

ەكونوميكا • بۇگىن، 07:18

قور الدىندا ۇلكەن مىندەتتەر تۇر

قازاقستان • بۇگىن، 07:04

ۇقساس جاڭالىقتار