كورمە فوتو ونەرى سالاسىندا جەكە ءوز ءستيلى قالىپتاسقان گەرمانيالىق 10 فوتوگرافتىڭ جۇمىستارىن كوپشىلىك نازارىنا ۇسىنادى. قولجەتىمدى قۇرالداردىڭ كومەگىمەن ولار بولمىستى بەينەلەيتىن, بەينەلەۋ مازمۇنىن جانداندىرا تۇسەتىن فوتوگرافيانىڭ ءتۇرلى فورمالارىن جاسايدى. ولاردىڭ ءبىر بولىگى شىنايى سيۋجەت پەن سۋرەتتى قوسىمشا وڭدەۋدى ۇيلەستىرۋ ءۇشىن ساندىق تەحنيكانى پايدالانادى. وزگە اۆتورلار ءداستۇرلى بالاما فوتوگرافياعا كوپ كوڭىل بولەدى. بىراق قاي ءتۇرىن الساڭىز دا, فوتوگرافيا فوتوگرافتىڭ ءوز الەمىنە كوزقاراسىن قۇجات تۇرىندە دالەلدەي وتىرىپ, قاراپايىم سۋرەتتەن فوتو ونەرىنە اينالادى.
«اڭگىمە فوتوگرافيانى سۋرەتتىڭ وزىنشە ءبىر جەكە فورماسى دەگەن پىكىر بىرىكتىرەتىن فوتوگرافتار توبى تۋرالى. ولاردى تەوريانى يلليۋستراتسيالاۋعا قاراعاندا, ۇنەمى مەديالىق ەرەكشەلىكتەرىن باسا كورسەتەتىن جۇمىستارىنداعى فورما مەن مازمۇن اراسىنداعى تەڭگەرىم اناعۇرلىم كوبىرەك قىزىقتىرادى. ولار سانالى تۇردە ونىڭ شەگىن انىقتاپ الادى نەمەسە جاڭا كەسكىندەۋ نە كورسەتۋ مۇمكىندىكتەرىن سىناپ كورەدى. بەيتاراپ بولىپ كورىنەتىن فوتوگرافيالىق قۇجات تۋرالى ۇرپاقتان ۇرپاققا بەرىلىپ كەلە جاتقان تۇسىنىككە وزدەرىنىڭ الەمگە دەگەن ەرەكشە سۋبەكتيۆتى كوزقاراستارىن قۇجاتتىق فورما تىلىندە كورسەتىپ قارسى قويادى», دەيدى كورمە كۋراتورى توماس ۆەسكي.
ايتۋلى ونەر جارمەڭكەسى ءا. قاستەەۆ اتىنداعى ونەر مۋزەيىنىڭ قابىرعاسىندا 2019 جىلدىڭ 31 قازانىنان 1 جەلتوقسانىنا دەيىن جالعاسادى. كورمەنىڭ رەسمي اشىلۋى 30 قازان كۇنى ساع. 19:00 دە.
