ايماقتار • 23 قازان، 2019

اقمولانىڭ استىعىنا سۇرانىس مول

18 رەتكورسەتىلدى

ديقان قاۋىمنىڭ كوڭىلىن كۇپتى ەتكەن استىق ءۇشىن ارپالىس تا اياقتالدى. ەندىگى شارۋا قامباعا قۇيىلعان ءداندى ەلەكتەن وتكىزىپ، سۇرىپتاپ، كەپتىرۋ.

بيىل استىققا سۇرانىس مول. باعاسىنىڭ ءوسۋى دە سودان. قازىرگى كۇنى القاپتاعى جۇمىستار اياقتالعانىمەن، ەلەۆاتورلارداعى قاۋىرت ءىستىڭ كورىگى قىزا تۇسۋدە. بيىل ەسىل اۋدانىنىڭ ديقاندارى 440 مىڭ گەكتار ەگىستىك القابىنا ءدان تۇقىمىن سىڭىرگەن بولاتىن. كۇزگى وراقتىڭ ناتيجەسى بەلگىلى بولىپ وتىر. شىعىمدىلىعى شامامەن گەكتارىنا 10 تسەنتنەر. جازداعى قۋاڭشىلىق پەن قىركۇيەكتەگى سۇمبىلەنى ەسكەرسەك، بۇل كورسەتكىش تە جامان ەمەس.

–ەسىل ەلەۆاتورى – سوناۋ تىڭ يگەرۋ جىلدارىنىڭ سارقىتى. دالا ءتوسىن ەڭبەك اۋەنىنە بولەپ، ەل ىرىزدىعى ءۇشىن تىڭعىلىقتى ەڭبەك ەتكەن ديقاندار ەندى ەڭبەك مايدانىن استىق ساقتايتىن كاسىپورىنداردا ورىستەتىپ جاتىر. بۇل ەلەۆاتوردىڭ ىرگەتاسى سوناۋ 1964 جىلى قالانىپتى. سودان بەرى ۇزدىكسىز قىزمەت ەتىپ كەلەدى. 84 مىڭ توننا استىق قابىلداۋعا قاۋقارلى. ءاربىر ماۋسىمنىڭ ءوز ەرەكشەلىكتەرى بار. ماسەلەن، بيىل القاپتان جەتكىزىلەتىن استىق دىمقىل بولعانىمەن، ەسەسىنە قامىرلىلىعى جوعارى،– دەيدى «ەسىل-ءدان» سەرىكتەستىگىنىڭ جەتەكشىسى قايرات ايتىقوۆ.  

سەرىكتەستىك جەتەكشىسىنىڭ ايتۋىنا قاراعاندا، تاۋلىگىنە ءبىر جارىم مىڭ تونناعا دەيىن استىق تاسىمالدانۋدا. ءدان كەپتىرىلىپ، سۇرىپتالعاننان كەيىن ەلىمىزدىڭ وڭتۇستىك ايماعىنا، ورتا ازيا مەن يران مەملەكەتتەرىنە جونەلتىلەدى.

ۇستىمىزدەگى جىلى ەلەۆاتور كەپتىرۋ مەن سۇرىپتاۋعا ارنالعان قۇرال-جابدىقتاردىڭ ءبىراز بولىگىن جاڭارتىپتى. جۇمىستىڭ ءونىمدى بولۋىنا بۇل دا سەپ.

–تەحنيكالىق قامتاماسىز ەتۋ باعىتىندا بيىل قىرۋار ءىس اتقاردىق. استىقتىڭ ساپاسىن انىقتايتىن زەرتحانا جاڭارتىلدى. استىق تازالايتىن سەپوراتورلار 50 پروتسەنتكە زاماناۋي قوندىرعىلارمەن الماستىرىلدى. وسىنداي ىلكىمدى ءىستىڭ ارقاسىندا تەز تازارلاپ جاتىرمىز،–دەيدى باس ينجەنەر زاحان قىرىقباشەۆ.

استىقتىڭ قامىرلىلىعى، اقۋىز سالماق بولىگى مەن دىمقىلدىلىق ءتارىزدى ساپالاردى زەرتحاناداعى ساراپتاۋ وتە ءدال كورسەتەدى. وسى ءبىر قاۋىرت شاقتا كۇنى-ءتۇنى ەلەۆاتوردا ەڭبەك ەتىپ جاتقان 55 ادامنىڭ جۇمىسى ءدال وسى جەردەن باستالادى.

ىرىس ىسىراپسىز جينالسا، ديقان قاۋىمنىڭ اق ەدىل ەڭبەگىنىڭ اقتالعانى.

سوڭعى جاڭالىقتار

تاپا تال تۇستەگى قاراقشىلىق

ايماقتار • بۇگىن، 17:27

عىلىم مەن بيزنەستى ۇشتاستىرعان جيىن

تەحنولوگيا • بۇگىن، 08:19

ارىماس ابىروي

رۋحانيات • بۇگىن، 08:14

«جىر مۇرا» جاستارعا جول اشتى

ايماقتار • بۇگىن، 08:04

كونەدەن كەلگەن كونەك

رۋحانيات • بۇگىن، 08:01

قاراۋىلتوبەگە تابيعي گاز جەتتى

ايماقتار • بۇگىن، 07:56

اسىل مىنەزدىڭ ۇلگىسى

100 • بۇگىن، 07:53

شىمبۇلاق شاڭعى ماۋسىمىن اشتى

قىسقى سپورت • بۇگىن، 07:36

اتباسار

رۋحانيات • بۇگىن، 07:32

ازاماتتىق ماسەلەلەرى تالقىلاندى

پرەزيدەنت • بۇگىن، 07:20

ورگانيكالىق ونىمدەر نارىعى

ەكونوميكا • بۇگىن، 07:14

ۇقساس جاڭالىقتار