ءبىر جىل ىشىندە ەۋرونىڭ تەڭگەگە شاققانداعى باعامى 5 پايىزداي قىمباتتاعان بولاتىن. ەۋروايماقتىڭ نەگىزگى ۆاليۋتاسى قازاقستانداعى ايىرباستاۋ پۋنكتتەرىندە ەڭ كوپ ساتىلعان ۆاليۋتالاردىڭ اراسىندا دوللاردان كەيىنگى ورىندا تۇر. قاڭتار-تامىز ايلارىندا ەل ازاماتتارى بارلىعى 247,4 ملرد تەڭگەگە ەۋرو ساتىپ العان.
ەۋرونىڭ تازا ساتىلىمىنىڭ ءوسىم قارقىنى ەلىمىزدىڭ بارلىق وڭىرلەرىندە ءوستى. الماتىدا 121,1 ملرد تەڭگەگە ساتىلىپ, بىلتىرعىمەن سالىستىرعاندا 47 پايىزعا جوعارىلاسا, نۇر-سۇلتاندا 33,6 ملرد تەڭگەگە ساتىلىپ, ءوسىم 15 پايىزدان استى. ساتىلىم كولەمى بويىنشا ءۇشىنشى ورىن العان قاراعاندىدا 16,3 ملرد تەڭگەگە جەتتى.
9 اي ىشىندە ەۋرونىڭ ساتىلۋ كولەمى تامىز ايىندا عانا ەڭ تومەنگى كورسەتكىشكە قۇلدىرادى – 25,1 ملرد تەڭگە. تامىزدا ونىڭ تەڭگەگە شاققانداعى باعامى شىلدە جانە قىركۇيەك ايلارىمەن سالىستىرعاندا جوعارى بولعانىن دا ايتا كەتەيىك.
قازىر ۆاليۋتا ايىرباستاۋ پۋنكتتەرىندە 1 ەۋرو – 437,37 تەڭگەدەن ساتىلىپ جاتىر.
