قازاقستان رەسپۋبليكاسى پارلامەنتى سەناتى دەلەگاتسياسىنىڭ ساپارى اياسىندا الەكساندروۆ باعىنداعى بەلگىسىز سولدات زيراتىنا گۇل شوقتارىن قويۋ ءراسىمى ءوتتى.
سەنات توراعاسى «باسقارۋدىڭ جاڭا تەحنولوگيالارى» ورتالىعىندا بولىپ, «بەلسەندى ازامات», ء«بىزدىڭ قالا» جوبالارىمەن, مەملەكەتتىك ەلەكتروندى قىزمەتتەرمەن جانە ماسكەۋ ۇكىمەتىنىڭ كراۋدسورسينگ جوبالارىمەن تانىستى.
جوبالار مەملەكەتتىك ورگانداردىڭ قالا تۇرعىندارىمەن كەرى بايلانىسىن جۇزەگە اسىرۋعا: ازاماتتاردىڭ شاعىمدارى مەن پىكىرلەسۋىنە وراي ارەكەت ەتۋگە; مەريا باعدارلامالارىنا بايلانىستى قالا تۇرعىندارىنا ساۋالناما مەن زەرتتەۋ جۇرگىزۋگە مۇمكىندىك بەرەدى. وندا قازىرگى زامانعى ەرەكشە ءىت-تەحنولوگيالار قولدانىلادى, ازاماتتار كەڭ تارالعان كوممۋنيكاتسيالىق قىزمەتتەردىڭ (سايت نەمەسە ءموبيلدى قوسىمشا ارقىلى) كومەگىمەن جوبانى پايدالانا الادى. ماسەلەن, ء«بىزدىڭ قالا» پورتالىنىڭ رەگلامەنتىنە سايكەس پروبلەمالاردى جويۋ مەرزىمى 8 كۇن بولىپ وتىر.
«بەلسەندى ازامات» جوباسى ماسكەۋدە 2014 جىلدان بەرى جۇمىس ىستەيدى جانە ماسكەۋ قالاسى تۇرعىندارىنىڭ وتىنىشتەرىن جيناقتاۋ جانە اۋقىمدى ساۋالناما جۇرگىزۋ ءۇشىن ءموبيلدى قوسىمشا ءارى سايت تۇرىندە قىزمەت كورسەتىپ كەلەدى. ساۋالناما تاقىرىپتارىندا قالا ءومىرىنىڭ بارلىق سالالارى: جاڭا مەترو ستانساسىنىڭ ديزاينىن ازىرلەۋدەن باستاپ مەملەكەتتىك ەمحانانىڭ جۇمىس كەستەسىن اۋىستىرعانعا دەيىن قامتىلادى. ساۋال ناتيجەلەرى ماسكەۋلىك بيلىكتىڭ شەشىم قابىلداۋ بارىسىندا ەسكەرىلەدى. جوبانىڭ جۇزەگە اسۋى قالالىق پروبلەمالاردى تالقىلاۋعا الەۋمەتتىك بەلسەندى جاس ۇرپاقتى تارتۋعا مۇمكىندىك بەردى. جوبا جۇمىس ىستەگەن 5 جىلدا وعان 2,4 ميلليون ماسكەۋلىك اتسالىسقان.
سەنات باسشىسى ء«بىزدىڭ قالا» پورتالى جۇمىس ىستەگەن جىلدارى 3,7 ميلليون ماسەلەنىڭ شەشىمىن تابۋى تۇرعىن ءۇي-كوممۋنالدىق شارۋاشىلىق ماسەلەلەرىن رەتتەۋ جۇيەسىن جەتىلدىرۋدەگى مۇمكىندىكتەر مەن باعىتتاردى كورسەتىپ وتىرعانىن اتاپ ءوتتى.
«ازاماتتاردى ءوز ۇيلەرىنە قىزمەت كورسەتۋ مەن كۇتىپ-ۇستاۋدى تسيفرلىق تۇرپاتتا باقىلاۋعا بەلسەندى تۇردە تارتۋ بۇگىنگى زامانعا ساي, ىڭعايلى ءارى باسقارۋعا ءتيىمدى. مۇنداي ادىستەردى پارلامەنتتە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى زاڭ جوباسىن تالقىلاۋدا قاراستىرۋعا بولادى. حالىقپەن كەرى بايلانىس تاجىريبەسى قىزىقتىرادى. ويلاناتىن ماسەلە», دەدى د.نازارباەۆا.
داريعا نازارباەۆا سونداي-اق حالىق شارۋاشىلىعى جەتىستىكتەرى كورمەسىندە ورنالاسقان قازاق كسر ەسكى پاۆيلونىنىڭ ورنىندا بوي كوتەرگەن «قازاقستان» پاۆيلونىندا بولدى.
