«قازاقستاننىڭ تۇڭعىش پرەزيدەنتى جاپونيا يمپەراتورى نارۋحيتونىڭ رەسمي تاققا وتىرۋ راسىمىنە قاتىستى. اتالعان ءىس-شاراعا جاپون تاراپى ارنايى درەسس-كود ورناتتى. دەلەگاتسيا باسشىلارىن قوسا العاندا راسىمگە قاتىسۋشىلاردىڭ بارلىعى White Tie درەسس-كودى بويىنشا كيىنۋى ءتيىس. ەلباسى فراكتى العاش كيىپ تۇرعان جوق. نۇرسۇلتان نازارباەۆ ءىس-شارالاردا ورناتىلعان درەسس-كودتى ۇنەمى ۇستانادى», دەپ جازدى ايدوس ۇكىباي.
White tie - درەسس-كود تالاپتارىنىڭ ىشىندەگى ەڭ قاتال ءتۇرى. ونىڭ زاڭدارى حح عاسىردىڭ 50-ءشى جىلدارىنان باستاپ وزگەرىسسىز كەلەدى. ەرلەر ءۇشىن اشىق ءتۇستى گالستۋك نەمەسە اق جەيدە جانە كەۋدەشەسى بار قارا فراك كيۋ مىندەتتى. قازىرگى ۋاقىتتا white tie كيىنۋ ۇلگىسىن تالاپ ەتەتىن شارالار سيرەك كەزدەسەدى.
