قازاقستان • 21 قازان، 2019

جاڭا عارىش جۇيەسى – قازاقستاندا

19 رەتكورسەتىلدى

ءححى عاسىر – جاڭا تەحنولوگيا مەن اقپاراتتاندىرۋ عاسىرى. تاۋەلسىز قازاقستان دا سول عاسىرعا نىق قادام باستى. ەلدىڭ بار­لىق سالاسى كومپيۋتەرلەندىرىلە باستادى. بۇل – ۇلت بولشاعى ءۇشىن ماڭىزى زور قادام. يننوۆاتسيالىق قىزمەتتى جۇزەگە اسىرۋ جانە عىلىمي زەرتتەۋلەردىڭ ناتيجەسىن وندىرىسكە ەنگىزۋ ەلباسى ن.نازارباەۆتىڭ جولداۋىندا قويىلعان باستى باعىتتاردىڭ ءبىرى.

سوڭ­عى جىلدارى اقپارات­تىق-كوم­مۋنيكاتسيالىق زامان اعى­مىنا ساي كۇندەلىكتى ساباققا كوم­پيۋ­تەر، ەلەكتروندى وقۋلىق، ينتەر­بەلسەندى تاقتا، بەينە جانە اۋديو قون­دىرعىلاردى قولدانۋ ايتار­لىقتاي ناتيجە بەرۋدە. ءبىلىم بەرۋ جۇيەسى ەلەكتروندى بايلانىس، اقپارات الماسۋ، ينتەرنەت، ەلەكتروندى پوش­تا، تەلەكونفەرەنتسيا، on-line ساباقتار ارقىلى ىسكە اسىرىلۋدا.

سونداي-اق زاماناۋي اقپا­رات­­تىق تەحنولوگيالار ۇنەمى قار­قىن­دى ءوسىپ كەلە جاتقان جە­كە­لەگەن كورپوراتسيالار­ مەن­­ قوعامداعى ەڭبەكتى ۇيىم­داس­­­­­تىرۋ، ەڭبەكپەن قامتۋدىڭ جاڭا فورمالارى ءۇشىن ۇل­كەن مۇم­كىندىكتەر اشادى. مۇن­داي مۇمكىندىكتەردىڭ ءوسۋى ادام ءومىرىنىڭ جا­ڭا­­دان ەنگەن بار­­لىق سالالارىنا، وتباسىنا، جۇمىسقا، ادامزات قوعامىنىڭ گەوگرافيالىق شە­كارا­لارىن­داعى بارلىق سالا­لارعا اسەر ەتەدى. بۇگىنگى تاڭدا اقپاراتتىق تەحنولوگيالار ەڭ­بەك ونىمدى­لىگىن، ءوندىرىس كولە­مىن، ينۆەس­تيتسيالار مەن ەڭبەك­پەن قامتۋ اراسىندا ءوزارا بايلانىستاردى بەكىتۋدە ەلەۋلى ۇلەس قوسا الادى. جەلى بويىن­شا تاراتىلىپ وتىرعان قىزمەت­تەردىڭ جاڭا تۇر­لەرى كوپتەگەن جۇمىس ورىندارىن اشۋعا قابىلەتتى، مۇنى سوڭعى كەزدەگى تاجىريبەلەر راستاپ وتىر.

تاياۋدا ەلوردادا تسيفرلىق دامۋ، يننوۆاتسيالار جانە اەرو­عارىش ونەركاسىبى مينيسترلىگى اەرو­عارىش كوميتەتىنىڭ قول­­­­­داۋى­­مەن AgriTechHub Kazakhstan ات­تى فورۋم ءوتتى. ناتي­جە­سىن­دە ال­­دا­عى ۋاقىتتا قازاق­ستان­دا NASA ورتا­لى­عى­نىڭ اشى­لۋى كوز­دەلۋدە.

«جەردەگى وزگەرىستەردى باقى­لاۋ: سۋ، ەنەرگەتيكا، ازىق-ت ۇلىك قاۋىپ­سىزدىگى جانە ورتالىق ازيا مەن كاۆكازداعى تۇراقتى دامۋ» كونفەرەنتسياسىنا NASA شتاب-پاتەرىنىڭ وكىلدەرى، مەريلەند شتا­تىنىڭ ۋنيۆەرسيتەتى، ميچي­گان شتاتىنىڭ ۋنيۆەرسيتەتى، ەللا­داداعى زەرتتەۋلەر جانە تەح­نولوگيا ورتالىعى (گرەكيا)، «قازاقستان عارىش ساپارى» ۇلتتىق كومپانياسىنىڭ وكىل­دەرى قاتىسقان ەدى.

كونفەرەنتسيادا تسيفرلىق دامۋ، يننوۆاتسيالار جانە اەرو­­عارىش ونەركاسىبى ۆيتسە-ءمي­نيسترى مارات نۇرعوجين ءسوز سوي­لەدى. «عارىشتان باقىلاۋ جەردى موني­تورينگىلەۋدە كوپ مۇم­كىندىك بەرەدى. بۇل جەردە باقى­لاۋ مەن نا­ۆيگاتسيا جۇيە­سىنىڭ وربيتالىق جانە جەر ءۇستى كوم­پونەنتتەرىن قۇرۋ عانا ەمەس، قاشىقتىقتان زوندپەن باقى­لاۋدى ءتيىمدى پاي­دالانۋدى ۇيىم­داستىرۋ، عا­رىشتىق موني­­تورينگ جۇيەسىن ەل­دىڭ الەۋ­مەتتىك-ەكونوميكالىق جانە ين­نو­ۆاتسيالىق دامۋىن جەدەل­دە­تەتىن باعدارلامالارمەن بىرىك­تىرۋ الدەقايدا ماڭىز­دى»، دەيدى ۆيتسە-مينيستر. «قا­زاقستاندا زاماناۋي عارىش­تىق ينفراقۇرىلىم قۇرىلدى، عا­رىشتىق جابدىقتار مەن تەح­نو­لوگيالاردىڭ وتاندىق ۇل­گىلەرىن دامىتۋدا ۇلكەن جە­تىس­تىكتەرگە قول جەتتى. ولار­دىڭ قاتارىندا جەردى قاشىق­تىقتان زوندتاۋ عارىش جۇيەسى بار. ول جەردەگى عارىش اپپاراتتارىن باسقارۋ كەشەنى مەن قاشىقتىقتان زوندتاۋ عارىش كەمەسىنەن مالى­مەت­تەر­دى قابىلداۋ جانە وڭ­دەۋگە ار­نالعان جەردەگى ماق­ساتتى كەشەن ەكى وپتي­كالىق قۇرىل­عىلاردىڭ قۇرا­مىندا جۇمىس ىستەيدى»، دەگەن ۆيتسە-مينيستر قازاقستانداعى عارىش سالاسىن دامىتۋ تۋرالى دا ءسوز قوزعادى.

جەردى قاشىقتىقتان زوندتاۋ – ءبىز ءۇشىن ايتارلىقتاي جەتىستىك. بۇل ارقىلى ەكونوميكالىق جانە اسكەري سالالاردىڭ جۇ­مى­سىن جان­داندىرۋعا بولادى. ول ءۇشىن عارىش­تىق جانە اەروفوتوتۇسىرىلىم ناتيجەلەرىن ۋاقتىلى زەرتتەۋ قاجەت.

ادامزات ءۇشىن XXI عاسىر جاڭا تەحنولوگيالاردىڭ عاسى­رى بولماق. ال وسى جاڭا تەحنو­لوگيا­لار­دى جۇزەگە اسىرىپ، ومىرگە ەنگىزۋ، يگەرۋ جانە جە­تىلدىرۋ – بۇگىنگى جاس ۇرپاق­تىڭ ەنشىسىندە.

 

سوڭعى جاڭالىقتار

كۇلكى كەرۋەنى № 16

رۋحانيات • بۇگىن، 12:04

اقىنعا ارنالعان كۇن

رۋحانيات • بۇگىن، 07:46

قالانى دامىتۋ قۇجاتى دايىن

ايماقتار • بۇگىن، 07:43

باسپانامەن قامتيتىن باستى قۇجات

باعدارلامالار • بۇگىن، 07:23

ەر ەدىگە جانە ەلدىك مۇددە

رۋحانيات • بۇگىن، 07:20

بولمىسى ءبۇتىن باعاەۆ

رۋحانيات • بۇگىن، 07:19

ۇقساس جاڭالىقتار