ايماقتار • 21 قازان، 2019

تىركەۋگە تۇرماي كاسىپكەرلىكپەن اينالىسقان

116 رەتكورسەتىلدى

باتىس قازاقستان وبلىستىق مەملەكەتتىك كىرىستەر دەپار­تا­مەنتى جەرگىلىكتى ىشكى ىستەر دەپارتا­مەنتىمەن بىرلەسىپ ورال قا­لاسىندا 19 تونناعا جۋىق تار­تىلعان قۇس ەتى تيەلگەن جۇك كولىگىن ۇستادى. زاڭسىز يمپورتتىق ءونىمنىڭ قۇنى 11 ميلليون تەڭگەدەن اسادى.

DAF اۆتوكولىگىنىڭ جۇرگىزۋشىسىنىڭ جانە جۇكتىڭ قۇجاتتارىن تەكسەرۋ بارىسىندا تارتىلعان ەت رەسەيدىڭ سامارا قالاسىنداعى «مياسنوي مير» جشق-نىڭ جۇگى ەكەنى انىقتالدى. جۇك ورال قالاسىنداعى «پرود-ينتەرسەرۆيس» جشس-نا جەتكىزىلۋگە ءتيىس دەلىنگەن قۇجاتتا. الايدا اقپاراتتىق جۇيەلەر­دە­گى دەرەكتەرگە سايكەس، اتالعان كومپانيا 2010 جىلدىڭ 15 ساۋىرىندە جۇمىسىن توقتاتقان، ياعني تاۋار يمپورتتاۋمەن اينالىسپايدى. وسىلايشا تاۋار-كولىك جۇك قۇجاتىندا جۇك الۋشى تۋرالى دەرەك بۇرمالانعانى بەلگىلى بولدى. مەملەكەتتىك كىرىستەر دەپارتامەنتىنىڭ حابارلاۋىنشا، ۇستالعان كولىك جۇكتى ناقتى الۋشىنىڭ كىم ەكەنى انىقتالعانعا دەيىن ارنايى تۇراققا قامالدى.

كەيىنىرەك جۇرگىزۋشىنىڭ مەملەكەت­تىك كىرىس ورگاندارىنا تابىستاعان وتىنىشىنە سايكەس، زاڭسىز تاۋار ءتيىستى ورگاندارعا جەكە كاسىپكەر رەتىندە تىركەلمەگەن ازاماتقا جەتكىزىلۋى كەرەك بولعانى انىقتالدى. ول ازاماتتىڭ ۇستىنەن اكىمشىلىك قۇقىق بۇزعانى ءۇشىن ءىس قوزعالىپ، ورال قالالىق اكىمشىلىك سوتىنا جىبەرىلدى. اكىمشىلىك سوت وعان كاسىپكەرلىك قىزمەتتى تىركەۋسىز جانە يمپورتتالاتىن تاۋارلارعا ققس تولەمەي جۇزەگە اسىرعانى ءۇشىن ايىپپۇل سالدى. زاڭسىز كاسىپكەرلىكپەن اينالىسقان ازامات 1،3 ملن تەڭگە قوسىمشا قۇن سالىعىن تولەپ، جەكە كاسىپكەر رەتىندە تىركەۋ ەسەبىنە قويۋ تۋرالى ءوتىنىش بەردى.

سوڭعى جاڭالىقتار

كۇلكى كەرۋەنى № 16

رۋحانيات • كەشە

اقىنعا ارنالعان كۇن

رۋحانيات • كەشە

باسپانامەن قامتيتىن باستى قۇجات

باعدارلامالار • كەشە

بولمىسى ءبۇتىن باعاەۆ

رۋحانيات • كەشە

ۇقساس جاڭالىقتار