پرەزيدەنت • 21 قازان، 2019

پرەزيدەنت ارحيۆىنە – 25 جىل

61 رەتكورسەتىلدى

قازاقستان رەسپۋبليكاسى پرەزيدەنتىنىڭ 1994 جىلعى 14 قاڭتارداعى جارلىعىمەن جاڭا تاريح ورتالىق مەملەكەتتىك ءارحيۆىنىڭ نەگىزىندە قۇرىلعان قازاقستان رەسپۋبليكاسى پرەزيدەنتىنىڭ ءارحيۆى 25 جىلدىق مەرەيتويىن اتاپ ءوتۋدى باستادى.

قازاقستان رەسپۋبليكاسى پرە­زيدەنتىنىڭ، ونىڭ اكىمشى­لىگىنىڭ جانە مەملەكەت باسشىسىنا تىكەلەي باعىنىستى باسقا دا مەملەكەتتىك ورگانداردىڭ قىزمەتتەرىن ارحيۆتىك قامتاماسىز ەتۋ جونىندەگى مىندەتتەردى ورىنداپ كەلە جاتقان پرەزيدەنت ءارحي­ۆى قۇرىلعانىنا شيرەك عاسىر تولعان اتاۋلى كۇنگە وراي «قازىرگى كەزەڭدەگى ارحيۆ ءىسى: ماسەلەلەر، تاجىريبەلەر، يننوۆاتسيالار» اتتى II حالىقارالىق عىلىمي-تاجى­ري­بەلىك كونفەرەنتسيا ۇيىمداس­تىرىلدى. II حالىقارالىق عىلىمي-تا­جى­ريبەلىك كونفەرەنتسيا ارحيۆ ءىسىنىڭ جاعدايى مەن دامۋى ماسە­لەلەرىنە ارنالدى. كونفەرەنتسيا وتكىزىپ، ءوزارا بايلانىس جاساۋ جا­ڭا يدەيالاردى ازىرلەۋدە، كاسىبي تاجى­ريبەلەر مەن پىكىر الماسۋدا اسا ماڭىزدى ورىن الاتىنى بەل­گىلى.

قازاقستان رەسپۋبليكاسى پرە­­زيدەنتى كەڭسەسىنىڭ باسشى­سى ن.ونجانوۆ كونفەرەنتسيا قاتى­سۋشىلارىنا ارنايى قۇت­تىقتاۋ حاتىن جولدادى. «بيىلعى فورۋم ەل دامۋىنىڭ كەلەلى كەزەڭ­دەرىن باياندايتىن، باعا جەتپەس باي مادەني جانە رۋحاني مۇرا­لارعا قول جەتكىزۋگە، ۇرپاق­تار ساباق­تاستىعى مەن ۋاقىت بە­دەرى­نىڭ بايلانىسىن سەزى­نۋگە مۇم­­كىندىك بەرەتىن قۇجات­تىڭ قاينار­­كوزى – قازاقستان رەس­پۋبلي­­كاسى پرەزيدەنتى ءارحيۆىنىڭ قۇرىل­­عانىنا 25 جىل تولۋىنا وراي­لاس­تىرىلىپ وتىر. مۇن­داي ماڭىزدى مەرەيتوي ءوز كاسى­بىنە ادال بەرىلگەن جانە ىسكە جا­ۋاپ­كەرشىلىكپەن قارايتىن قىزمەت­كەرلەردىڭ ادال، ىزدەنىمپاز ەڭبە­گىن اتاپ ءوتۋدىڭ جارقىن كورى­نىسى. مەملەكەت تاراپىنان قازاق­ستان رەسپۋبليكاسىنىڭ ۇلتتىق ار­حيۆ قورىن تولىقتىرۋ جانە ارحيۆ سالاسىن جەتىلدىرۋگە باعىت­تالعان شارالارعا جان-جاقتى قولداۋ كورسەتىلىپ كەلەدى. كون­فە­رەنتسيانىڭ قۇرى­لىم­دىق باعىت­تا وتەتىنىنە، ال ايتىل­عان يدەيا­لار مەن كەڭەستەر قاتى­سۋ­شىلار ارا­سىن­داعى كاسىبي بايلانىس­تاردى ودان ءارى نىعايتۋعا جانە ولار­دى جۇ­زەگە اسىرۋدىڭ تاجىري­بەلىك شا­را­لارىن ازىرلەۋگە كومەك­تە­سەتى­نىنە سەنەمىن» دەگەن ول حاتىندا.  

حالىقارالىق كونفەرەنتسيا جۇ­مىسىنا قازاقستان، قىرعىز­ستان، پولشا، رەسەي جانە وز­بەك­­ستان مەملەكەتتەرىنىڭ ارحيۆ ىسىن­دەگى جەتەكشى ساراپشىلارى مەن تاجىريبەلى ماماندارى شا­قىرىلىپتى. تاريحي مۇرانى ناسي­حاتتاۋ ماقساتىندا پرەزيدەنت ءارحيۆى «رۋحاني جاڭعىرۋ» باع­دار­لاماسى اياسىندا قوعامدىق ماڭىزدى ءىس-شارالاردى تۇراق­تى تۇردە وتكىزىپ كەلەدى. ءىس-شارا­لاردىڭ باسىم بولىگى وتاندىق جانە شەتەلدىك ارحيۆتەرمەن، ما­دەنيەت ۇيىمدارى، وقۋ ورىندارى جانە تاعى باسقا مەكەمەلەر­مەن بىرلەسكەن تۇردە ۇيىمداس­تىرىلادى. ارحيۆتە شەت مەم­لەكەتتەردەگى ارىپتەستەرىنىڭ قاتىسۋىمەن شاعىن باسقوسۋلار، عىلىمي ءمانى جوعارى جيىندار ءجيى وتەدى. قازاقستاندىق ارىپ­تەستەرىمەن تۇراقتى ءارى مى­عىم بايلانىس ورناتقان ۆ.پي­لەتسكي اتىنداعى تىلەكتەستىك جانە باتىلدىق ينستيتۋتى «شى­عىس ءارحيۆى» عىلىمي باعدارلا­ما­سىنىڭ مەڭگەرۋشىسى، تاريح عىلىم­دارىنىڭ دوكتورى ەجي روگو­زينسكي قازاقستانعا جەر اۋدا­رىلعان پولياك وتباسى يابلون­سكيلەردى اجالدان امان الىپ قالعان ماقتاارالدىق قاريا تا­سىباي ابدىكارىموۆكە پولشانىڭ العىس وردەنىن تابىستاۋعا ۇيىت­قى بولعانى ءمالىم. ال ونىڭ جەرلەسى، گدانسك قالاسىنداعى ەكىنشى دۇنيەجۇزىلىك سوعىس مۋزەيى­نىڭ عىلىمي قىزمەتكەرى دميت­ري پانتو بولسا «پولياكتار مەن پول­شا ازاماتتارىنىڭ قازاق­ستانعا جەر اۋدارىلۋى. قا­زاقستان رەسپۋبليكاسى پرە­زيدەنت ءارحيۆىنىڭ قۇجاتتارى بويىنشا» اتتى كىتاپ جاريالاعان ەدى. كىتاپ جاقىندا عانا پولياك تىلىندە جارىق كوردى. قازىر ول پرەزيدەنت ءارحيۆى دەرەكتەرى نەگىزىندە جازىلاتىن ەكىنشى كىتابىن جازۋ جۇمىسىن باستاپ كەتتى.

پرەزيدەنت ارحيۆىندە قازاق­ستان­نىڭ ءحح–ححى عاسىرداعى سايا­سي تاريحىنىڭ قۇجاتتارى ساق­تالعان. 2019 جىلعى 1 قاڭتارداعى دەرەكتەر بويىنشا ارحيۆ قورى 810 مىڭنان استام ساقتاۋ بىرلىگىن قۇراپ وتىر. 

ارحيۆ ەل پرەزيدەنتىنە تىكە­لەي باعىنىستى مەملەكەتتىك ور­گانداردىڭ، سونىمەن قاتار قوعام­دىق بىرلەستىكتەردىڭ، قازاقستان حال­قى اسسامبلەياسىنىڭ قۇرىلى­مىنا ەنەتىن ۇلتتىق مادەني ورتا­لىقتاردىڭ قۇجاتتارىن جيناق­تايدى.

ارحيۆ IT-تەحنولوگيالاردى قولدانۋ سالاسىنداعى وتاندىق جەتەكشى ارحيۆ مەكەمەلەرىنىڭ ءبىرى بولىپ تابىلادى. ارحيۆتە 80 مىڭعا جۋىق ىستەردىڭ تسيفر­لى فورماتقا وتكىزىلگەن ارحيۆ قۇجات­تارى ەلىمىزدەگى پايدالانۋ قو­رىنىڭ ەڭ كولەمدىسى بولىپ تابى­لاتىن ەلەك­تروندى ارحيۆ قىزمەت ەتەدى، قور جىل سايىن تسيفرلى فورماتقا كوشىرىلگەن 25 مىڭ ساقتاۋ بىرلى­گىمەن تولىقتىرىلىپ وتىرادى.

وسى ۋاقىت ارالىعىندا ءار­حيۆ­تىڭ وقىرمان زالىندا وتاندىق جانە شەتەلدىك 7 مىڭنان استام عالىم-زەرتتەۋشىلەر ىزدەستىرۋ جۇ­مىستارىمەن اينالىستى. اتال­عان جىلدار كولەمىندە 150-دەن استام ادىستەمەلىك قۇرالدار، جادىناما دايىندالدى. ۆەدومستۆولىق ارحيۆ جانە ءىس جۇرگىزۋ قىزمەتىنىڭ قىزمەتكەرلەرىنە ارنالعان 170 سەمينار-كەڭەس، ىسكەرلىك ويىندار، شەبەرلىك ساباقتارى جانە كاسىبي ترەنينگتەردىڭ باسقا دا تۇرلەرى وتكىزىلدى.

كونفەرەنتسيادا الەمدىك ارحيۆ عىلىمىنىڭ جەتىستىكتەرى جانە ەكونوميكا مەن قوعامنىڭ جەدەلدەتىلگەن تەحنولوگيالىق جاڭعىرۋىنىڭ تاجىريبەلەرىن، ءتيىمدى اقپاراتتىق ىزدەۋدى ۇيىم­داستىرۋدى، اقپاراتتىق رەسۋرس­تار­دى ىرىكتەۋ، سكانەرلەۋ، كاتالوگ­تاۋ، ارحيۆتىك مالىمەتتەر بازاسىنا قولجەتىمدىلىك جانە تاعى دا باسقا وزەكتى  ماسەلەلەردى قاراس­تىرۋ، سونىمەن قاتار ارحيۆ ءىسى­نىڭ جاعدايى مەن دامۋ كەلە­شەگى تالقىلانۋدا. باستى نازار ارحيۆ­تەردەگى تسيفرلى رەسۋرس­تاردى ين­تەگراتسيالاۋ جاعدايى مەن بولا­شاعىنا، ءبىرتۇتاس اقپا­رات­تىق كە­ڭىستىكتىڭ بولشەگى رەتىن­دە اقپا­رات­تىق ارحيۆتىك ورتانى قۇرۋعا اۋدا­رىلىپ وتىر.

ءىس-شارانىڭ اشىلۋ سالتاناتىنا قازاقستان رەسپۋبليكاسى پرەزيدەنتى اكىمشىلىگىنىڭ، ما­دە­نيەت جانە سپورت مينيستر­لىگىنىڭ، ديپ­لو­ماتيالىق كورپۋس وكىلدەرى، قازاق­ستانداعى مەملەكەتتىك ارحيۆ مەكەمەلەرىنىڭ باسشىلارى قاتىسۋدا.

 

الماتى

 

سوڭعى جاڭالىقتار

كۇلكى كەرۋەنى № 16

رۋحانيات • كەشە

اقىنعا ارنالعان كۇن

رۋحانيات • كەشە

باسپانامەن قامتيتىن باستى قۇجات

باعدارلامالار • كەشە

بولمىسى ءبۇتىن باعاەۆ

رۋحانيات • كەشە

ۇقساس جاڭالىقتار