قازاقستان • 20 قازان، 2019

نۇر-سۇلتاندا رەسپۋبليكالىق اقىندار ايتىسى ءوتتى

178 رەتكورسەتىلدى

ەلباسىنىڭ «؛بولاشاققا باعدار:رۋحاني جاڭعىرۋ»؛ باعدارلاماسى اياسىندا «؛Nur Otan»؛ پارتياسىنىڭ تىكەلەي قولداۋىمەن، نۇر-سۇلتان قالاسى اكىمدىگىنىڭ ۇيىمداستىرۋىمەن وتكەن ءدۇبىرلى دوداعا ەركەبۇلان قاينازار، اسپانبەك شۇعاتاەۆ، جانسايا مۋسينا، سەرىكزات دۇيسەنعازى سياقتى تانىمال اقىندار باستاعان ون التى ايتىسكەر قاتىسىپ، باق سىنادى.

الامان ايتىستى ادەتتەگىدەي بەلگىلى اقىن، ايتىس ونەرىنىڭ جاناشىرى ءجۇرسىن ەرمان جۇرگىزدى.

«؛Nur Otan»؛ پارتياسى ءتوراعاسىنىڭ ءبىرىنشى ورىنباسارى باۋىرجان بايبەك پەن نۇر-سۋلتان قالاسىنىڭ اكىمى التاي كولگىنوۆ ايتىستى زالدا حالىقپەن بىرگە وتىرىپ تاماشالادى. سونىمەن قاتار، ۇلتتىق ونەردى تاماشالايمىز دەپ كەلگەن كورەرمەن 1800 ورىندىق زالعا لىق تولدى. جۇرتقا تانىمال وت ءتىلدى، وراق اۋىزدى ون التى اقىن ەلدىڭ بىرلىگى مەن بەرەكەسىن، ىرىس پەن ىنتىماعىن، تاۋەلسىزدىك العاننان بەرگى جەتكەن جەتىستىگىن مايىن تامىزا جىرلاپ، حالىقتىڭ مەرەيىن تاسىتىپ، قوشەمەتىنە بولەندى.

«؛Nur Otan»؛ پارتياسىنىڭ نەگىزگى ماقساتى - حالىقپەن بىرگە بولۋ، ەلدىڭ ءال-اۋقاتىن جاقسارتۋ. جۇرتپەن تىعىز بايلانىس ورناتۋ. سوندىقتان ايتىس نەگىزگى ماسەلەلەردى شەشۋ جولىندا قۇندى قۇرال دەپ ەسەپتەيمىن. حالقىمىزدا «؛شەشەن كوپتىڭ تىرەگى، اقىن ەلدىڭ جۇرەگى»؛ دەگەن اتالى ءسوز بار. سول سەبەپتى وسى ساحناداعى اقىنداردىڭ جۇرەگىنەن شىققان ءسوز حالىقتىڭ دا جۇرەگىنە جەتەدى. ءبىز «؛Nur Otan»؛ پارتياسىنىڭ تاراپىنان ەلباسى ايتقانداي، حالىققا جاقىن ەكەنىمىزدى كورسەتىپ، وسىنداي كونە زاماننان كەلە جاتقان ءداستۇرىمىزدى قولدايمىز.

بىزدىڭ ماقسات - ەلدىڭ رۋحىن كوتەرۋ. ارينە، سىن ايتىلۋ كەرەك. ءبىراق بارشامىزعا ورتاق مىندەت - مەملەكەتتىگىمىزدى ۇستاپ قالۋ. سوندىقتان ءبىر-بىرىمىزدى قولدايىق، بىرلىگىمىزدى قورعايىق. ايتىس ونەرى جاساي بەرسىن،- دەدى باۋىرجان بايبەك.

«؛Nur Otan»؛ پارتياسىنىڭ قولداۋىمەن بۇعان دەيىن قازاقستاننىڭ ءتورت قالاسىندا، ياعني اتىراۋ، قوستاناي، الماتى، قاراعاندى قالالارىندا ايتىس وتكەن ەدى. ال جىلدىڭ قورىتىندى ايتىسى، ياعني «؛التىن دومبىرا»؛ ايتىسى ورال قالاسىندا وتەدى دەپ جوسپارلانۋدا.

قوعام قايراتكەرى، فيلولوگيا عىلىمدارىنىڭ دوكتورى، اكادەميك مىرزاتاي جولداسبەكوۆ ءتوراعالىق ەتكەن قۇرامى توعىز ادامنان تۇراتىن قازىلار القاسىنىڭ شەشىمىمەن ايتىستىڭ ەكىنشى اينالىمىنا التى اقىن شىعىپ ءسوز سايىستىرعان بولاتىن. قازىلار القاسىنىڭ ۇيعارىمىمەن باس بايگەنى نۇرسۇلتاندىق ەركەبۇلان قاينازاروۆ يەلەندى (2 000 000 تەڭگە)، ءبىرىنشى ورىنعا ورالدىق تالعات مىقي لايىق دەپ تانىلسا (1 500 000 تەڭگە)، ەكىنشى ورىندى نۇرسۇلتاندىق بەكزات اسقاروۆ پەن ورالدىق جانسايا مۋسينا يەلەندى ء(ارقايسى 1 000 000 تەڭگەدەن). ال، باياناۋىلدىڭ ايتۋلى جىراۋ-اقىنى اسپانبەك شۇعاتاەۆ پەن تۇركىستان وبلىسىنان كەلگەن قاليجان بىلداشەۆ ءۇشىنشى ورىندى قانجىعالارىنا بايلادى ء(ارقايسى 500 000 تەڭگەدەن).

سوڭعى جاڭالىقتار

كۇلكى كەرۋەنى № 14

رۋحانيات • كەشە

ارنايى ەكونوميكالىق ايماق

ەكونوميكا • كەشە

قاھارمانعا قۇرمەت

رۋحانيات • كەشە

ماقساتى بيىك «مامىلە»

ايماقتار • كەشە

تالانتتار تالىمگەرى

رۋحانيات • كەشە

اقىن جانە ونىڭ مۋزاسى

رۋحانيات • كەشە

اۋادان قارماعان ايىپپۇل

ايماقتار • كەشە

ۇركىمباەۆ ۇيلەسىمى

ايماقتار • كەشە

جوشىعا اپارار جول

قوعام • كەشە

ۇقساس جاڭالىقتار