ەسكى ۇيلەردىڭ تۇرعىندارى اكىمدىك ۇسىنعان پاتەرلەرگە كوشپەي وتىر

بۇدان باسقا وسى بۇرىنعى اليۋمينستروي اتالعان اۋداننان قالعان  سۇرىلمەگەن ەسكى 49 ءۇي بار. كەلەسى جىلى بۇل ۇيلەردىڭ ورنىنا 10 تۇرعىن ءۇي سالۋ جوباسى دايىن.

ال, بيىل جىل سوڭىنا دەيىن وبلىس  ورتالىعىندا مەملەكەتتىك باعدارلامالارعا سايكەس 61,5 مىڭ شارشى مەتر تۇرعىن ءۇي پايدالانۋعا بەرىلمەك.

قازىر تۇرعىن ۇيلەردىڭ قۇرىلىسى قارقىندى جۇرگىزىلۋدە. جىل سوڭىنا دەيىن 9 تۇرعىن ءۇيدىڭ قۇرىلىسى اياقتالىپ, پايدالانۋعا بەرىلەدى.

ال,دوستىق شاعىن اۋدانىندا قۇرىلىستىڭ ءبىرىنشى كەزەڭى جۇرگىزىلۋدە.  بيىل بۇل اۋداندا 4 ءۇيدىڭ قۇرىلىسى باستالادى. ولاردىڭ ەكەۋى وزگە وڭىرلەردەن  كەلەتىن قونىستانۋشىلارعا ارنالعان.

مىسالى, سارىارقا شاعىن اۋدانىندا «7-20-25» باعدارلاماسىمەن بوي كوتەرگەن №25 تۇرعىن ءۇي قۇرىلىسى. بۇل 72 پاتەرلىك تۇرعىن ءۇي قاراشا ايىندا بەرىلمەك.

الايدا, قۇرىلىس جۇمىستارىنا كەدەرگى كەلتىرگەن ماسەلەلەر دە بار.

وسى №25 ءۇيدىڭ جانىندا سۇرىلمەگەن ەكى قاباتتى ەسكى ءۇي تۇر. پاتەر يەلەرىنىڭ ەسكى ۇيلەرىنەن كوشكىلەرى كەلمەيدى. بۇل ۇيلەردىڭ ورنىندا №29 ءۇيدىڭ قۇرىلىسى جۇرگىزىلۋى قاجەت ەدى.

قالالىق قۇرىلىس ءبولىمىنىڭ مالىمەتىنشە, سالىنىپ جاتقان 9 ءۇيدىڭ بەسەۋى «تۇرعىن ءۇي قۇرىلىس جيناق بانكى» اق-نىڭ سالىمشىلارى ءۇشىن, ۇشەۋى «7-20-25» باعدارلاماسى بويىنشا, بىرەۋى اكىمدىكتەگى كەزەك كۇتۋشىلەرگە ارنالعان.

ال,سارىارقا شاعىن اۋدانىنداعى قۇرىلىس پەن اباتتاندىرۋ جۇمىستارى 2021 جىلدىڭ سوڭىنا دەيىن اياقتالماق.