ايماقتار • 20 قازان، 2019

اۋدان تۇرعىندارى سۋدى تۇتىنعاندارى ءۇشىن اقى تولەمەۋدە

19 رەتكورسەتىلدى

وبلىستىق اكىمدىكتىڭ ىشكى اۋديت قىزمەتىنىڭ مالىمەتىنشە، وڭىردەگى اۋداندىق كوممۋنالدىق كاسىپورىنداردا تەكسەرۋ جۇرگىزىلگەن.

ناتيجەسىندە،كوممۋنالدىق كاسىپورىنداردىڭ ءتيىمسىز جۇمىستارى انىقتالعان.اۋديتورلار اۋىلداردا سۋ قۇبىرلارىن كۇتىپ ۇستاۋ ءۇشىن بيۋدجەتتىك قاراجاتتىڭ جۇمسالاتىنىن، بىراق، سۋدى تۇتىنۋ ءۇشىن اقى تولەنبەيتىنىن انىقتادى.

سۋرەتتى تۇسىرگەن: ۆالەري بۋگاەۆ

مەملەكەتتىك بيۋدجەتتەن قارجىلاندىرىلاتىن اۋداندىق كوممۋنالدىق كاسىپورىندار سۋمەن قامتاماسىز ەتۋ جەلىلەرىن پايدالانادى.

بىراق، ولار تۇتىنۋشىلارمەن كەلىسىم جاساسۋ جانە كورسەتىلگەن قىزمەتتەرگە ۋاقىتىلى تولەم جاساۋ جۇمىستارىن ناشار جۇرگىزۋدە.

سوندىقتان وبلىس اكىمى  بولات باقاۋوۆ قالالار مەن اۋدان اكىمدىكتەرىنىڭ 2020 جىلعا ارنالعان بيۋدجەتتەگى بارلىق شىعىندارىن قايتا قاراۋدى، ۆەدومستۆولىق باعىنىستاعى كاسىپورىنداردىڭ جاعدايىن تالداۋدى جانە جەكەشەلەندىرۋ مەن وڭتايلاندىرۋ بويىنشا ۇسىنىستار بەرىڭدەر دەپ تالاپ قويدى.

ياعني، ماسەلە، قىسقارتۋدا ەمەس، بيۋدجەت قاراجاتىن ءتيىمدى پايدالانۋ جانە ولاردى ىسكەرلىك تۇردە ءبولۋ.

–وبلىستا ءالى دە وڭتايلاندىراتىن كاسىپورىندار بار. بىراق، ولار بيۋدجەتتەن قاراجات الا وتىرىپ،  جۇمىستارىن جاساۋدا. اۋداندار تاراپىنان جەكەشەلەندىرۋ، سەنىمگەرلىك باسقارۋعا بەرۋ تۋرالى بىردە-ءبىر ۇسىنىس تۇسپەگەن.

«اقتوعاي سەرۆيس» كوممۋنالدىق كاسىپورىنىندا جىبەرىلگەن سۋ كولەمى مەن ونىڭ تولەمى اراسىندا ايتارلىقتاي ايىرماشىلىقتار بار، - دەدى ىشكى اۋديت قىزمەتىنىڭ ساراپشىسى ولگا كرۋپنيكوۆا  اكىمدىكتە وتكەن جيىندا.

تەكسەرىس وتكەن كەزەڭدە تۇتىنۋشىلارعا 75 مىڭ تەكشە مەتر سۋ جىبەرىلگەن. ال، تولەم اقىسى 5،7 مىڭ تەكشە مەتر ءۇشىن عانا تولەنگەن.

مىسالى، اققۋلى اۋدانىندا «اققۋ سەرۆيس» كوممۋنالدىق كاسىپورنى جەكە كاسىپكەرلەرمەن 3 اۋىلداعى سۋ قۇبىرلارىنا جانە 4 اۋىلداعى كەشەندى بلوك-مودۋلدەرگە قىزمەت كورسەتۋ تۋرالى كەلىسىمشارتتار جاساعان.

بىراق، تۇرعىندار سۋ ءۇشىن كاسىپورىنعا ەمەس، جەكە كاسىپكەرلەرگە اقى تولەيدى. جەلىلەردى كۇتىپ ۇستاۋعا كەتكەن شىعىنداردى بيۋدجەتكە تيەسىلى دە، ال، ولاردى پايدالانۋدان تۇسكەن كىرىستى جەكە كاسىپكەرلەر الۋدا.

سونداي-اق باياناۋىل اۋدانىنداعى «سەرپىلىس» كاسىپورنىندا  14،9 ميلليون تەڭگە تەكسەرىس كەزىندە بيۋدجەتكە قايتارىلعان.

سوڭعى جاڭالىقتار

كۇلكى كەرۋەنى № 16

رۋحانيات • كەشە

اقىنعا ارنالعان كۇن

رۋحانيات • كەشە

باسپانامەن قامتيتىن باستى قۇجات

باعدارلامالار • كەشە

بولمىسى ءبۇتىن باعاەۆ

رۋحانيات • كەشە

ۇقساس جاڭالىقتار