پرەزيدەنت • 18 قازان، 2019

ەلباسى: ءبىزدىڭ مىندەتىمىز – ۇزاق مەرزىمدى كوشباسشىلىقتى ساقتاۋ

178 رەتكورسەتىلدى

ەلباسىنىڭ توراعالىعىمەن ۇكىمەتتىڭ، «Nur وtاn» پارتياسى مەن ونىڭ پارلامەنت ماجىلىسىندەگى فراكتسياسىنىڭ مۇشەلەرى قاتىسقان كەڭەس ءوتتى. بۇل تۋرالى قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ ءباسپاسوز قىزمەتى حابارلادى.

كەڭەستە «قازاقستان – 2021: بىرلىك. تۇراقتىلىق. جاسامپازدىق» سايلاۋالدى باعدارلاماسىنىڭ ورىندالۋ بارىسى مەن «100 ناقتى قادام» ۇلت جوسپارى» باعدارلاماسى قارالدى.

وتىرىس بارىسىندا پرەمەر-مينيستر ا.ءماميننىڭ، پارلامەنت ءماجىلىسىنىڭ توراعاسى ن.نىعماتۋليننىڭ، پرەمەر-ءمينيستردىڭ ءبىرىنشى ورىنباسارى جانە قارجى ءمينيسترى ا.سمايىلوۆتىڭ، پرەمەر-ءمينيستردىڭ ورىنباسارلارى ب.ساپارباەۆتىڭ جانە ر.سكلياردىڭ باياندامالارى تىڭدالدى.

ۇسىنىلعان اقپاراتتى تىڭداعان نۇرسۇلتان نازارباەۆ ەلدىڭ دامۋى مەن حالىقتىڭ ءال-اۋقاتىن ارتتىرۋداعى  پارتيانىڭ ايرىقشا ءرول اتقاراتىنىن اتاپ ءوتتى.

–بۇگىنگى تاڭدا پارتيامىزدىڭ الدىندا قوعامدى جۇمىلدىرۋ، پارتيا اتىنان سايلانعان پرەزيدەنت قاسىم-جومارت كەمەل ۇلى توقاەۆتىڭ ماڭايىنا ەليتانى توپتاستىرۋ مىندەتى تۇر. پارتيا ەلدىڭ جەتەكشى ساياسي كۇشى رەتىندە مەملەكەتىمىزدىڭ دامۋىنىڭ ستراتەگيالىق باعىتىنىڭ ساباقتاستىعىن قامتاماسىز ەتۋگە ءتيىس. سوندىقتان ۇكىمەت پەن فراكتسيا جۇيەلى جۇمىس جۇرگىزىپ، ەل-ءجۇرتتىڭ ناقتى ماسەلەلەرىن بىرلەسە شەشۋى كەرەك، – دەدى پارتيا توراعاسى.

ەلباسى سايلاۋالدى باعدارلامانىڭ جانە ۇلت جوسپارىنىڭ ورىندالۋ ناتيجەلەرىنە توقتالا كەلە، پارتيانىڭ قالعان مىندەتتەمەلەرىن ورىنداۋعا قاتىستى ىقتيمال قاتەرلەردى اتاپ كورسەتتى.

ء–بىز جاقسى ناتيجەلەرگە قول جەتكىزدىك. ءۇش جارىم جىلدىڭ ىشىندە 430 مىڭنان استام جۇمىس ورنى پايدا بولىپ، 2،7 مىڭ شاقىرىم جول سالىندى. ەۋرازيا قۇرلىقارالىق ءدالىزى ىسكە قوسىلدى. ەلدىڭ ىشكى جالپى ونىمىندەگى شاعىن جانە ورتا بيزنەستىڭ ۇلەسى 28 پايىزعا جەتتى. ءبىر جىل ىشىندە ءبىز «Doing Business» رەيتينگىسىندە 8 پوزيتسياعا ىلگەرىلەپ، 28-ءشى ورىنعا كوتەرىلدىك، – دەدى قازاقستاننىڭ تۇڭعىش پرەزيدەنتى.

نۇرسۇلتان نازارباەۆ جەڭىسكە جەتكەن پارتيانىڭ سايلاۋالدى باعدارلاماسى ۇكىمەتتىڭ بەس جىلدىق قىزمەتىنىڭ نەگىزىن قۇراۋى كەرەك ەكەنىن اتاپ ءوتتى. ال پارتيانىڭ ماجىلىستەگى فراكتسياسىنىڭ مۇشەلەرى ىقتيمال قاتەرلەردىڭ دەر كەزىندە الدىن الىپ، باعدارلامانىڭ ورىندالۋىن ۇنەمى قاداعالاپ وتىرۋى قاجەت.

ء–بىزدىڭ مىندەتىمىز – ۇزاق مەرزىمدى كوشباسشىلىقتى ساقتاۋ. ءماجىلىس سايلاۋىنا پارتيانىڭ جاڭا سايلاۋالدى باعدارلاماسىن دايىنداۋ جۇمىستارىن بۇگىننەن باستاۋ كەرەك. ستراتەگيالىق باعىتتى نەگىزگە الىپ، ءارتۇرلى الەۋمەتتىك توپتاردىڭ ناقتى مۇددەلەرىن كوزدەپ، ەل-جۇرتتىڭ ناقتى سۇرانىستارىن وتەگەن ءجون»، –  دەدى پارتيا توراعاسى.

سونىمەن بىرگە ەلباسى وڭىرلەردى دامىتۋ باعدارلامالارىنىڭ جۇزەگە اسىرىلۋ بارىسىنا توقتالدى.

–قازىر بۇل ستراتەگيالىق باعدارلامالار ويداعىداي دەڭگەيدە جۇزەگە اسپاي وتىر. ولاردىڭ ورىندالۋىن قاداعالاپ وتىرعان ءتيىستى باقىلاۋ جوق. كەيبىر تارماقتار مۇلدەم ورىندالمايدى. جوسپارلانعان جۇمىستارعا ۇنەمى تۇزەتۋلەر ەنگىزىلىپ كەلەدى. سوندىقتان ۇلتتىق ەكونوميكا مينيسترلىگى «Nur وtاn» پارتياسىمەن جانە ونىڭ فراكتسيامەن بىرلەسىپ، اتالعان باعدارلامالاردىڭ ورىندالۋى تۋرالى تىڭداۋ ۇيىمداستىرۋى كەرەك. 2025 جىلعا دەيىن اۋماقتاردى دامىتۋدىڭ جاڭا باعدارلامالارىن جاساۋ قاجەت، – دەدى نۇرسۇلتان نازارباەۆ.

وسىعان بايلانىستى قازاقستاننىڭ تۇڭعىش پرەزيدەنتى 2020 جىلدىڭ 1 ناۋرىزىنا دەيىن ءار اۋدان، قالا جانە وبلىس ءۇشىن اۋماقتىق دامۋ باعدارلامالارىن ازىرلەۋدى تاپسىردى.

ەلباسى سونىمەن بىرگە «Nur وtاn» پارتياسىنىڭ پارلامەنت ءماجىلىسى مەن ماسليحاتتارداعى فراكتسياسىنىڭ جۇمىسىنا توقتالىپ، «Nur وtاn» پارتياسىنىڭ رەيتينگى بارلىق دەڭگەيدەگى دەپۋتاتتاردىڭ جۇمىستارىنىڭ ناتيجەسىندە قالىپتاساتىنىن ايتتى.

نۇرسۇلتان نازارباەۆ دەپۋتاتتاردىڭ وڭىرلەرگە جۇمىس ساپارلارىنىڭ فورماتىن قايتا قاراۋدى جانە پارتيانىڭ قوعامدىق قابىلداۋ بولمەلەرىندە ءبىرىنشى باسشىلار مەن ازاماتتاردىڭ كەزدەسۋىن ۇيىمداستىرۋ جۇمىستارىن جانداندىرۋدى تاپسىردى.

–تالداۋ ناتيجەسى ءبىزدىڭ پارتيانىڭ دەپۋتاتتارى بۇقارالىق اقپارات قۇرالدارىن جەتكىلىكتى پايدالانبايتىندىعىن كورسەتتى. سونىمەن قاتار، «Nur وtاn» فراكتسياسى قوعامدى تولعاندىراتىن وزەكتى ماسەلەلەر بويىنشا باستاما كوتەرە بەرمەيدى. سوڭعى بىرنەشە اي ىشىندە «Nur وtاn» فراكتسياسىنىڭ مۇشەلەرى بىردە-ءبىر رەزونانستىق ءىس بويىنشا ءوز ۇستانىمدارىن بىلدىرمەگەن، – دەدى قازاقستاننىڭ تۇڭعىش پرەزيدەنتى.

سونىمەن قاتار ەلباسى فراكتسيا جۇمىسىندا بيۋروكراتيانى جانە ۇيلەستىرۋدىڭ كۇردەلى پروتسەدۋرالارىن جويۋ قاجەتتىگىن اتاپ ءوتتى.

نۇرسۇلتان نازارباەۆ پارتيا ورگاندارىنىڭ – پارتيالىق باقىلاۋ كوميتەتى مەن سىبايلاس جەمقورلىققا قارسى ءىس-ارەكەت جونىندەگى رەسپۋبليكالىق قوعامدىق كەڭەستىڭ جۇمىسىن جانداندىرۋدى تاپسىردى.

–وسى ورگاندارعا كىرەتىن دەپۋتاتتار بەلسەندىرەك ارەكەت ەتۋى قاجەت. سىزدەر ءتيىستى ماسەلەلەردى سىندارلى تۇردە كوتەرىپ، جۇرتشىلىقتىڭ قاتىسۋىمەن ناقتى شەشىمدەر ۇسىنعاندارىڭىز ءجون، – دەدى پارتيا توراعاسى.

سونىمەن بىرگە قازاقستاننىڭ تۇڭعىش پرەزيدەنتى وزدەرىنە كونستيتۋتسيا ارقىلى بەكىتىلگەن زاڭنامالىق باستامانى فراكتسيا دەپۋتاتتارىنىڭ ءىس جۇزىندە قولدانا بەرمەيتىنىن اتاپ ءوتتى.

–دەپۋتاتتار – پارتيانىڭ دىڭگەگى، بەلسەندى ەلەكتوراتتىڭ نەگىزى. حالىق سىزدەرگە پارتيا ارقىلى ءتيىستى وكىلەتتىكتەر بەردى. سىزدەر ازاماتتارىمىزدىڭ ماسەلەلەرىن شەشۋ جولىندا جۇمىس ىستەۋلەرىڭىز كەرەك، – دەدى ەلباسى.

ءسوزىنىڭ سوڭىندا نۇرسۇلتان نازارباەۆ پارتيانىڭ ساياسي كوشباسشىلىعىن ساقتاپ قالۋدىڭ ماڭىزدىلىعىن اتاپ ءوتتى.

– ءبىزدىڭ باستى مىندەتىمىز – تۇراقتىلىق، قازاقستاننىڭ ءوسىپ-وركەندەۋى جانە قاراپايىم ازاماتتاردىڭ ءال-اۋقاتىن جاقسارتۋ. سوندىقتان ۋادەلەرىمىزدى ورىنداۋ ءۇشىن بار كۇش-جىگەرىمىزدى جۇمساۋىمىز قاجەت، – دەدى ەلباسى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار