«نۇرلى جول» باعدارلاماسىن ىسكە اسىرۋدىڭ ارقاسىندا قازاقستان ەۋروپا مەن ازيا اراسىنداعى ترانسقۇرلىقتىق كوپىرگە اينالدى, كولىك ينفراقۇرىلىمىن جاپپاي جاڭعىرتۋ جۇرگىزىلىپ جاتىر.
«تەمىر جولداردىڭ وڭتايلى جەلىسى تولىق قالىپتاستىرىلدى. لوگيستيكالىق ينفراقۇرىلىم قۇرىلىپ جاتىر. كەلەسى جىلى نەگىزگى ترانزيتتىك اۆتوموبيل دالىزدەرى بويىنشا جول ءجۇرۋ قامتاماسىز ەتىلەتىن بولادى», — دەدى ا. مامين.
قازىرگى ۋاقىتتا بارلىق وتاندىق ءموز-دەردىڭ جاڭعىرتىلۋى تولىق اياقتالدى, قۋاتتىلىعى جىلىنا 500 مىڭ توننا بولاتىن پوليپروپيلەن وندىرەتىن زاۋىت قۇرىلىسى باستالدى. قۋاتتىلىعى 1 ملن 250 مىڭ توننا بولاتىن پوليەتيلەن ءوندىرۋ جوباسىن ىسكە اسىرۋ بويىنشا دايىندىق جۇمىستارى جۇرگىزىلىپ جاتىر.
2018 جىلدىڭ قورىتىندىسى بويىنشا وڭدەۋ ونەركاسىبىندەگى ەكسپورت كولەمى 2016 جىلمەن سالىستىرعاندا 21,7%-عا ارتىپ, $15,7 ملرد قۇرادى. ال كورسەتىلەتىن قىزمەتتەر ەكسپورتى 15,8%-عا $7,3 ملرد-قا دەيىن ارتتى. جالپى, 2016 جىلدان بەرى ەلىمىزدەگى ونەركاسىپ كولەمى 15,7%-عا, وڭدەۋ ونەركاسىبى – 16,3%-عا ارتتى. بالامالى ەنەرگەتيكا بەلسەندى دامىپ جاتىر, 2016 جىلدان بەرى جەك قۋاتتىلىعى 3,7 ەسەگە ارتىپ, ا.ج. سوڭىنا 87 نىساندا 1041 مۆت قۇرايتىن بولادى, ال 2024 جىلعا قاراي 3 مىڭ مۆت قۇرايدى.
ينتەرنەتكە كەڭجولاقتى قولجەتىمدىلىكتى قامتاماسىز ەتۋ بويىنشا تۇرعىندارىنىڭ سانى 250-دەن اساتىن 3324 اۋىلدىق ەلدى مەكەن (79%) قوسىلعان. قالعان اۋىلدارعا ينتەرنەت 2020 جىلدىڭ ىشىندە جۇرگىزىلەتىن بولادى.
مەملەكەت بارلىق الەۋمەتتىك مىندەتتەمەلەردى تولىق كولەمدە ورىنداۋدا. اتاۋلى الەۋمەتتىك كومەكتىڭ جاڭا فورماتى ازىرلەنىپ جاتىر. 2020 جىلدان باستاپ مىندەتتى الەۋمەتتىك مەديتسينالىق ساقتاندىرۋ ەنگىزىلەدى. 2016 جىلدان قازىرگە دەيىن 390 ورتا ءبىلىم بەرەتىن مەكتەپ, 400-دەن اسا مەديتسينالىق نىسان سالىندى, ينفاركت پەن ينسۋلت العاندا كومەك كورسەتۋ ورتالىقتارى قۇرىلدى.
«قازاقستاندىقتاردى ساپالى ءارى قولجەتىمدى باسپانامەن قامتاماسىز ەتۋ ماسەلەسىنە ەرەكشە كوڭىل ءبولىندى. 2016-2018 جىلدارى 34 ملن كۆ م استام تۇرعىن ءۇي سالىندى. جىل سوڭىنا دەيىن 13 ملن كۆ م پايدالانۋعا بەرۋ كوزدەلگەن. جاڭا تۇرعىن ءۇي باعدارلاماسى ازىرلەنىپ جاتىر», — دەدى ا. مامين.
قازاقستان كوپۆەكتورلى سىرتقى ساياساتتى جۇرگىزۋدى جالعاستىرۋدا, نەگىزگى سەرىكتەستەر — رەسەي, قىتاي, اقش, ەۋروپا وداعى, ورتالىق ازيا جانە تمد ەلدەرىمەن ستراتەگيالىق ءوزارا ءىس-قيمىلدى نىعايتۋدا.
پرەمەر-مينيستر ۇكىمەت پەن «Nur Otan» فراكتسياسىنىڭ ىشكى نارىقتى وتاندىق وندىرىستەگى ازىق-ت ۇلىك ونىمدەرىمەن مولىقتىرۋ جونىندەگى كۇش-جىگەرى تۋرالى ايتىپ بەردى — ازىق-ت ۇلىك ونىمدەرىنىڭ نەگىزگى تۇرلەرىمەن ورتاشا قامتاماسىز ەتىلۋ 80%-عا, كەيبىر پوزيتسيالار بويىنشا – 100% جەتتى.
ەكونوميكا سالالارىن تسيفرلاندىرۋ اياسىندا وتىن-ەنەرگەتيكا جانە تاۋ-كەن مەتاللۋرگياسى كەشەنى كاسىپورىندارىندا جاڭا تەحنولوگيالار ەنگىزىلۋدە. جۇرگىزىلگەن جۇمىستاردىڭ ناتيجەسىندە, 2018 جىلى يننوۆاتسيالىق ءونىم كولەمى الدىڭعى جىلمەن سالىستىرعاندا 25%-عا ءوسىپ, 1 ترلن 179 ملرد تەڭگەنى قۇرادى.
وسى جىلدىڭ 9 ايىنىڭ قورىتىندىسى بويىنشا ءوسىم قارقىنى 4,3% قۇرادى, جىل باسىندا 2,9% بولدى. ۇكىمەت نەگىزگى كاپيتالعا سالىناتىن ينۆەستيتسيالار كورسەتكىشىن 2025 جىلعا قاراي ءجىو 30% دەيىن جەتكىزۋدى كوزدەپ وتىر. بۇگىنگى تاڭدا 2020-2024 جىلدارى 41 ترلن تگ ينۆەستيتسيا تارتۋعا مۇمكىندىك بەرەتىن ينۆەستيتسيالىق جوبالار پۋلى قالىپتاستىرىلعان. اتالعان مىندەتتى شەشۋ $34 ملرد دەيىن تىكەلەي شەتەلدىك ينۆەستيتسيالار اعىنىن قامتاماسىز ەتەدى, بۇل — 2024 جىلعا قاراي ۇلتتىق ەكونوميكانىڭ 5% ءوسىمىن قامتاماسىز ەتۋدىڭ نەگىزگى شارتى.
«Nur Otan» پارتياسىنىڭ سايلاۋالدى باعدارلاماسى مەن ۇلت جوسپارىن ءتيىمدى ءارى ماقساتتى ىسكە اسىرۋ ءبىزدىڭ ەلىمىزدىڭ بۇگىن جانە بولاشاقتا قارقىندى ءارى ساپالى دامۋى ءۇشىن بەرىك نەگىز قالايدى. ءاربىر ءىس-شارا قازىرگى قازاقستاننىڭ دامۋى ءۇشىن اسا ماڭىزدى ماسەلەلەردى شەشەدى», — دەدى ا. مامين.
