ب.بەكنازاروۆ سوت جۇيەسىن جاڭعىرتۋ جانە سوت كادرلارىن جاڭارتۋ جونىندەگى زاڭنامالىق اكتىلەردى جەتىلدىرۋ ماسەلەلەرى سەنات وتىرىسىنىڭ كۇن تارتىبىنە بىرنەشە مارتە قويىلعانىن اتاپ ءوتتى.
2019 جىلعى 21 اقپاننان باستاپ «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭىعا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭ جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سوت جۇيەسىن جاڭعىرتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ كۇشىنە ەندى.
«بۇل زاڭدار سۋديالاردىڭ تاۋەلسىزدىگى قاعيداسىن ودان ءارى نىعايتۋعا, ونى جۇزەگە اسىرۋدىڭ قۇقىقتىق, ۇيىمداستىرۋشىلىق جانە ماتەريالدىق-قارجىلىق كەپىلدىكتەرىن نىعايتۋعا باعىتتالعان», - دەدى سەنات توراعاسىنىڭ ورىنباسارى.
ول تۇزەتۋلەردىڭ ەداۋىر بولىگىن سەنات «قازاقستان رەسپۋبليكاسىنىڭ جوعارى سوت كەڭەسى تۋرالى» زاڭعا ەنگىزىپ, وسى مەملەكەتتىك ورگاننىڭ سۋديا كادرلارىن تاعايىنداۋ مەن بوساتۋعا ۇسىنۋ ءۇشىن ىرىكتەۋ قۇزىرەتىن ايتارلىقتاي كەڭەيتەتىنىن حابارلادى.
«قازاقستان رەسپۋبليكاسى پارلامەنتىنىڭ جاڭا سەسسياسىنىڭ اشىلۋىندا ەلىمىزدىڭ پرەزيدەنتى قاسىم-جومارت توقاەۆ سۋديانىڭ زاڭ مەن ىشكى نانىم-سەنىمىن نەگىزگە الا وتىرىپ, شەشىم شىعارۋ قۇقىعى مىزعىماس بولىپ قالا بەرەتىنىن اتاپ ءوتتى. بۇل ءىس جۇزىندە سۋديالارعا ەشكىمگە الاڭداماي جۇمىس ىستەۋگە جانە سوت قابىلداعان شەشىمدەردىڭ زاڭدىلىعى مەن نەگىزدىلىگىنە جاۋاپتى بولۋعا سەنىمدىلىك تۋعىزادى», - دەپ اتاپ ءوتتى ب.بەكنازاروۆ.
سەنات توراعاسىنىڭ ورىنباسارى وڭ ناتيجەلەرگە قاراماستان, سوت ءىسىن جۇرگىزۋ دەڭگەيى زاماناۋي قۇقىقتىق مەملەكەتتىڭ ساپالىق كورسەتكىشتەرى مەن مىندەتتەرىنە جەتە الماي وتىرعانىن اتاپ ءوتتى. وعان سوت جۇيەسىندەگى وزەكتى ماسەلەلەر سەبەپ بولىپ وتىر, ولاردىڭ كوپشىلىگى سۋديا كادرلارىنا قاتىستى.
ب.بەكنازاروۆ كادر ساياساتىنىڭ كەلەشەگىنە قاتىستى بۇگىنگى تالقىلاۋ وسى پروبلەمالاردى شەشۋدىڭ دۇرىس جولدارى مەن ادىستەرىن كورسەتەتىنىنە سەنىم ءبىلدىردى.
