قازىر الماتى مەن استانادا جاڭا پاتەرلەردىڭ باعاسى قىمبات. ساراپشى ەرلان قارىسباەۆ ولاردىڭ قۇنىن سالۋشىلار تاعايىندايتىنىن ايتادى. وعان دەلدالاردىڭ باعاسىن قوسادى. سالدارىنان قايتالاما تۇرعىن ۇيلەردەگى پاتەرلەردىڭ قۇنى دا جاساندى تۇردە قىمباتتايدى.
«كرىشا سايتىن الايىق. سالۋشىلاردىڭ جارناماسىن قارايدى. جوعارى باعاسىن كورىپ, ءدال سونداي باعا قويادى. ءۇيدىڭ ەسكى ەكەنىنە قارامايدى. مىسالى, سالۋشىدا 12 ميلليون تەڭگە دەپ تۇر. ءوزىنىڭ 8 ميلليوندىق پاتەرىن 12 ميلليون قىلىپ قويادى», – دەيدى تاۋەلسىز ساراپشى ەرلان قارسىباەۆ
جاقىندا ەكونوميكالىق ماسەلەلەر بويىنشا وتكەن وتىرىستا قاسىم-جومارت توقاەۆ تۇرعىن ءۇي قۇرىلىسىنىڭ وزىندىك قۇنىن بىرتىندەپ ارزانداتۋدى جۇكتەدى.الايدا, بۇل تۇرعىزىلىپ جاتقان تۇرعىن ۇيلەردىڭ ساپاسىنا ايتارلىقتاي اسەر ەتەدى دەيدى ماماندار. تاۋەلسىز ريەلتور گالينا ۆوروبەۆانىڭ پايىمىنشا, سالۋشىلار باسپانالاردى ارزانقول ماتەريالدارمەن كوتەرە باستايدى.
«تۇرعىن ءۇيدىڭ باعاسى ماتەريالدار ارزان بولعان جاعدايدا قولجەتىمدى بولا تۇسپەك. ۇيلەر نەلىكتەن قىمباتتاپ كەتتى؟ سەبەبى ماتەريالداردىڭ قۇنى تىم جوعارى. قۇرىلىسشىلاردىڭ جالاقىسى دا از. ەڭبەكاقىلارى جاقسى بولسا, ماتەريالداردى ۇرلاپ-جىرلاماۋشى ەدى», – دەدى جىلجىمايتىن م ۇلىك اگەنتتىگىنىڭ مامانى گالينا ۆوروۆەۆا
قازاقستان قۇرىلىسشىلار وداعىنىڭ» توراعاسى تالعات ەرعاليەۆ قازاقستاندا تۇرعىن ءۇي قۇرىلىسىنداعى شىعىندى ازايتۋعا بولادى دەگەن پىكىر ايتادى. بىراق بۇل تەك مەملەكەت ينجەنەرلىك جۇيەلەر مەن كوممۋنيكاتسيالار تارتۋ شىعىندارىن وزىنە العان جاعدايدا مۇمكىن بولماق.
جىلجىمايتىن م ۇلىك جونىندەگى ايگىلى سايتاردىڭ ءبىرىنىڭ جۇرگىزگەن تالداۋىنا سايكەس الماتى قالاسىندا ەكونوم-كلاسستاعى ءبىر بولمەلى پاتەر 11 ميلليون تەڭگە تۇرادى. ەلىمىزدىڭ باتىسىندا 9 ميلليوننان باستالسا, سولتۇستىكتە 9 جارىم ميلليون تەڭگە. ەڭ ارزان باعا شىعىس قازاقستان وبلىسىندا تىركەلىپ وتىر. 7,5 ميلليون تەڭگە.
ەڭ قىمبات پاتەرلەر نۇر-سۇلتان قالاسىندا. مۇنداعى باعالار 13 ميلليون تەڭگەدەن باستالادى.
