ەڭ قىسقا اڭگىمە • 18 قازان، 2019

ەڭ قىسقا اڭگىمە. ەسبولات ايدابوسىن

503 رەتكورسەتىلدى

و دۇنيەگە ساپار

تاس جولعا تۇمسىق تىرەي توقتادى. قارت جورىقشىنىڭ ءىزى عانا جاتىر.  تىكە تارتىپتى.

***

تاۋداي كولىكتەر جوڭكىلىپ ءجۇر. وڭكيگەن ءبىرى وتە شىعىپ ەدى، توزاڭعا تۇنشىقتى. قارت جورىقشىنىڭ سۇرلەۋىن شاڭ باسقانمەن ءيىسى اڭقىپ تۇر.  جورتۋىلدا سوڭىنان قالمايتىن ەدى، سول ادەتىمەن جول ۇستىنە جورعالاپ شىقتى.  ورتا تۇسقا جەتپەي ىركىلدى. ىزدەن اداسقانداي، ءيىس تە جوق. سول مەزەت ءبىر كولىك زۋىلداپ وتە شىقتى. ەكپىنىنە شىداماي قالبالاقتاپ ۇشقان. جول شەتىندەگى شالشىققا قۇلاپتى. كولىكتەر  اياعىن مالعان سايىن كولكىگەن سۋى اسىپ-توگىلەدى.  شاشىراندىمەن بىرگە كەتە باردى. شاعىن شۇڭقىردا ۇيەلەپ جاتىپ، ەس جيعان. سۇيرەتىلىپ شىعىپ، يلەۋىنە اسىقتى.  جولاي اپپاق دوڭدەر كەزدەستى، بىرىنەن ءتۇسىپ، بىرىنە مىنگەن. 

***

ورتالىق مەشىت تۇسىنداعى جۇرگىنشى جولاعىمەن ەكى ادام ءوتتى. اسىعىس. شاشتان كورى ساقالى قويۋلاۋ جىگىت اعاسى بوزبالاعا ەشبىر تىرشىلىك يەسىنە قيانات قىلماۋ جايلى ۋاعىز ايتىپ بارا جاتىر. ال، ءوزى جۇرگىنشى جولاعىندا بولار-بولماس داق قالدىرعانىن بايقامادى.  

 

كوز جاسى

–كومەكتەسىڭىزدەرشى! انامنىڭ ەمىنە كومەكتەسىڭىزدەرشى! وتىنەمىن، سىزدەردەن، كومەكتەسىڭىزدەرشى!

بازار الدىندا قۇيتاقانداي قىز بالا شىرقىراپ تۇر. شىر-شىر ەتەدى بالا جۇرەك.

–ماشينكا، ماشينكا،–دەپ باقىرىپ كەلە جاتقان ماي بوكسە، بولبىر قارىن جۋارمەكتى شەشەسى كوك جەلكەدەن ەكى ءتۇيدى.

 

كوڭىل

ويىن الاڭىنا ارسالاڭداپ جەتتى. بالالار ءۇرپيىسىپ تۇردى دا تىم-تىراقاي تاراپ كەتتى. شەشەسى قولاربادان ءتۇسىرىپ بوساعان اتكەنشەككە مىنگىزگەلى جاتىر. ال، ول بالالارعا قاراي بەردى.

 

ەسبولات ايدابوسىن

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ارىماس ابىروي

رۋحانيات • كەشە

كونەدەن كەلگەن كونەك

رۋحانيات • كەشە

ۇقساس جاڭالىقتار