2026 جىلعى 16 ساۋىردە شىعىس قازاقستان وبلىسى بويىنشا ەكونوميكالىق تەرگەپ-تەكسەرۋ دەپارتامەنتى وبلىس پروكۋراتۋراسى جانە اكىمدىگىمەن بىرلەسىپ, مەكتەپ مۇعالىمدەرى مەن كوللەدج وقىتۋشىلارىنا ارنالعان «ستوپ پيراميدا! قارجىلىق ساۋاتتىلىقتى ارتتىرۋ» تاقىرىبىندا اكتسيا وتكىزدى. ءىس-شارانىڭ نەگىزگى ماقساتى – پەداگوگتەردىڭ قارجىلىق ساۋاتتىلىق دەڭگەيىن كوتەرۋ, الاياقتىق سحەمالاردى دەر كەزىندە تانۋ قابىلەتىن قالىپتاستىرۋ جانە وسى ءبىلىمدى وقۋشىلار مەن ستۋدەنتتەرگە جەتكىزۋ ارقىلى ولاردىڭ قۇقىققا قايشى ارەكەتتەرگە تارتىلۋىنىڭ الدىن الۋ.
كەزدەسۋ بارىسىندا قاتىسۋشىلارعا قارجىلىق پيراميدالاردىڭ باستى بەلگىلەرى, ولاردىڭ جۇمىس ىستەۋ تەتىكتەرى جانە ساقتانۋ جولدارى كەڭىنەن ءتۇسىندىرىلدى. ماماندار كۇماندى جوبالاردىڭ العاشقى كەزەڭدە-اق جوعارى تابىستاردى ۋادە ەتۋى, ناقتى ەكونوميكالىق نەگىزدىڭ بولماۋى جانە جاڭا قاتىسۋشىلاردى تارتۋعا تاۋەلدىلىگى سياقتى ەرەكشەلىكتەرىنە توقتالدى.
باسپاناعا قاتىستى جاڭا الاياقتىق سحەما: ءىىم قازاقستاندىقتارعا ەسكەرتۋ جاسادى
ءىس-شارانىڭ ەرەكشەلىگى – زاماناۋي تەحنولوگيالاردىڭ قولدانىلۋى. قاتىسۋشىلارعا قارجىلىق مونيتورينگ اگەنتتىگىنىڭ AI-وفيتسەرى – AI_DOS كومەگىمەن دايىندالعان قارجىلىق قاۋىپسىزدىككە قاتىستى لەكتسيالىق ماتەريالدارى ۇسىنىلدى. بۇل تسيفرلىق قۇرال كۇردەلى اقپاراتتى قاراپايىم ءارى تۇسىنىكتى فورماتتا جەتكىزۋگە مۇمكىندىك بەردى.
پەداگوگتەر تالقىلاۋعا بەلسەندى قاتىسىپ, جوعارى كاسىبي قىزىعۋشىلىق پەن جاۋاپكەرشىلىك تانىتتى. اشىق ديالوگ بارىسىندا قارجىلىق قاۋىپسىزدىككە قاتىستى وزەكتى ماسەلەلەر قوزعالىپ, تاجىريبەلىك سۇراقتارعا ناقتى جاۋاپتار بەرىلدى. پىكىر الماسۋ مازمۇندى ءارى كونسترۋكتيۆتى سيپاتتا ءوتىپ, قاتىسۋشىلاردىڭ ءبىلىمىن تولىقتىرا ءتۇستى.
مۇنداي باستامالار قوعامداعى قارجىلىق مادەنيەتتى ارتتىرۋدا ماڭىزدى ءرول اتقارادى. سەبەبى قارجىلىق ساۋاتتى ۇستاز – سانالى ۇرپاقتىڭ كەپىلى, ال بۇل ءوز كەزەگىندە الاياقتىقتىڭ تارالۋىنا توسقاۋىل بولماق.
تاۋلىگىنە 690 دوللار تابىس: ەلەكتروساموكات ارقىلى جاسالعان الاياقتىق اشكەرە بولدى
