ۇكىمەت • 18 قازان، 2019

«قاراجات بار، ناتيجە جوق» — ب.ساپارباەۆ «ەڭبەك» باعدارلاماسىنىڭ ورىندالۋىن سىنعا الدى

30 رەتكورسەتىلدى

بەيسەنبى كۇنى ۇكىمەت ۇيىندە پرەمەر-ءمينيستردىڭ ورىنباسارى بەردىبەك ساپارباەۆ «ەڭبەك» ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ مەملەكەتتىك باعدارلاماسىن وسى جىلدىڭ 9 ايىندا ىسكە اسىرۋ قورىتىندىلارى بويىنشا سەلەكتورلىق كەڭەس وتكىزدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

«حالىقتىڭ جۇمىسپەن قامتىلۋىن قامتاماسىز ەتۋ – ەلباسى مەن مەملەكەت باسشىسىنىڭ ۇكىمەت الدىنا قويعان ماڭىزدى مىندەتتەردىڭ ءبىرى. ول ءۇشىن بىزگە جاڭا جۇمىس ورىندارىن قۇرىپ، جۇمىسسىزداردى بيزنەس نەگىزدەرىنە جانە سۇرانىسقا يە ماماندىقتارعا وقىتۋ، ميكرو جانە شاعىن بيزنەستى دامىتۋدى ىنتالاندىرۋ قاجەت»، — دەدى ۆيتسە-پرەمەر.

قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ ايتۋىنشا، وتكەن كەزەڭدە 496 مىڭ قازاقستاندىق باعدارلاما قاتىسۋشىسى بولدى.

2017 جىلدان باستاپ تجكبب-دە كاسىپتىك وقۋعا 52 901 ادام جىبەرىلدى، ونىڭ ىشىندە بيىل — 21 854 ادام. سونىمەن بىرگە، ءبىلىم الۋشىلاردى جۇمىسقا ورنالاستىرۋ ماسەلەسى وزەكتى بولىپ قالا بەرمەك: 4 246 تۇلەكتىڭ تەك 3 250-ءى نەمەسە 76،5%-ى جۇمىسقا ورنالاسقان. جۇمىسپەن قامتۋدىڭ تومەن دەڭگەيى الماتى جانە جامبىل وبلىستارىندا بايقالادى.

كادرلاردىڭ قىسقا مەرزىمدى دايىنداۋمەن 41 180 ادام نەمەسە جىلدىق جوسپاردىڭ 69% قامتىلعان. اۋتسايدەرلەر قاتارىندا ماڭعىستاۋ (39،5%)، سولتۇستىك قازاقستان (50،4%)، تۇركىستان وبلىستارى (51،1%)، نۇر-سۇلتان (51،8%) جانە شىمكەنت (55،4%) قالالارى بار.

«قىسقا مەرزىمدى وقۋدان وتكەن 20 مىڭ ازاماتتىڭ تەك 11 مىڭى عانا جۇمىسقا ورنالاسقان»، — دەدى ب. نۇرىمبەتوۆ.

سونىمەن قاتار مينيستر جالپى قاتىسۋشىلار سانىنىڭ قاتارىندا قايتا وقىتىلعانداردىڭ جوعارى ۇلەسىنە نازار اۋداردى. ماسەلەن، 2017-2018 جىلدارى 109 مىڭ ادام وقۋعا جىبەرىلدى، ونىڭ ىشىندە 1،8 مىڭ ادام ەكى نەمەسە ودان دا كوپ رەت كۋرستاردان ءوتتى.

«سولتۇستىك قازاقستان وبلىسىنىڭ تۇرعىنى ەكى جىلدا ءتورت رەت، ال اتىراۋ وبلىسىنىڭ تۇرعىنى ءبىر جىلدا ءۇش رەت وقىتىلدى. تاعى ءبىر سۇراق – ءبىز كىمدى وقىتامىز جانە ولار قالاي جۇمىسقا ورنالاسادى؟ ورتا ەسەپپەن رەسپۋبليكا بويىنشا وقۋدى اياقتاعانداردىڭ 57%-ى ءوز ماماندىقتارى بويىنشا جۇمىس ىستەيدى. سوندىقتان، ماماندىقتارعا دەگەن سۇرانىستى ەسكەرە وتىرىپ، وقىتۋدى تۇزەتۋ قاجەت»، — دەپ تولىقتىردى ەڭبەك مينيسترلىگىنىڭ باسشىسى.

«باستاۋ بيزنەس» جوباسىنىڭ اياسىندا 45 مىڭنان استام ازامات كاسىپكەرلىك نەگىزدەرىن ۇيرەندى. 27 مىڭنان استام وقىتىلعاندار وزدەرىنىڭ بيزنەس جوبالارىن قورعادى، بىراق تەك 8 مىڭى عانا گرانتتار مەن شاعىن نەسيەلەر الدى. ەڭ تومەنگى كورسەتكىشتەر الماتى (2،3%)، شىمكەنت (11،3%) قالالارىندا جانە تۇركىستان وبلىسىندا (7،1%).

ءوز ءىسىن اشۋعا ارنالعان مەملەكەتتىك گرانتتاردىڭ يەگەرلەرى 11،2 مىڭ ادام بولدى، ونىڭ ىشىندە جاستار – 6،8 مىڭ ادام، از قامتاماسىز ەتىلگەندەر – 1،5 مىڭ ادام، كوپ بالالى وتباسىلار – 205 ادام. ەڭ از گرانتتار نۇر-سۇلتان قالاسىندا بەرىلدى — جىلدىق جوسپاردىڭ 2،2% نەمەسە 49. وسىعان ۇقساس جاعداي الماتى مەن شىمكەنت قالالارىندا بايقالادى.

بيىل 10،2 مىڭ ادامعا جەڭىلدەتىلگەن ميكروكرەديتتەر بەرىلدى، ولاردىڭ 80%-ى مال شارۋاشىلىعىن دامىتۋعا باعىتتالعان. قوسىمشا 9 مىڭ جۇمىس ورنى قۇرىلدى. ميكروكرەديت بەرۋدىڭ تەرىس ديناميكاسى شىمكەنت قالاسىندا، اتىراۋ جانە قوستاناي وبلىستارىندا بايقالادى.

اعىمداعى جىلى بارلىعى 334،7 مىڭ ادام جۇمىسقا ورنالاستىرىلدى، ونىڭ ىشىندە 240 مىڭ ادام تۇراقتى جۇمىس ورىندارىنا ورنالاسقان.

سونداي-اق بۇل ماسەلە بويىنشا ۇلتتىق ەكونوميكا، اۋىل شارۋاشىلىعى، ەنەرگەتيكا، يندۋستريا جانە ينفراقۇرىلىمدىق دامۋ ۆيتسە-مينيسترلەرى، سونداي-اق ماڭعىستاۋ، تۇركىستان، سولتۇستىك قازاقستان، اقتوبە، شىعىس قازاقستان، قىزىلوردا، الماتى وبلىستارى، الماتى جانە شىمكەنت قالالارىن اكىمدەرىنىڭ ورىنباسارلارى بايانداما جاسادى.

ەسەپتەردى تىڭداعاننان كەيىن پرەمەر-ءمينيستردىڭ ورىنباسارى بولىنگەن بيۋدجەت قاراجاتىنىڭ ناشار يگەرىلگەنىن اتاپ ءوتىپ، باعدارلامانى ساپاسىز ورىنداعانى ءۇشىن وڭىرلەردى سىنعا الدى.

«جەتەكشىلىك ەتەتىن اكىم ورىنباسارلارى تاراپىنان باقىلاۋ جوق. وسى جۇمىسقا فورمالدى تۇردە قاراڭىزدار. بۇعان دەيىن اقشا جوق دەگەن شاعىمدار بولدى. ال قازىر اقشا بار، بىراق ناتيجە جوق. ەڭبەك مينيسترلىگىنە بۇل جۇمىستى كۇندەلىكتى باقىلاۋعا الىپ، ونى جۇزەگە اسىرۋدىڭ تيىمدىلىگىنە تالداۋ جاساۋ قاجەت. جىل سوڭىنا دەيىن از عانا ۋاقىت قالدى، سوندىقتان ەل باسشىلىعىنىڭ تاپسىرمالارىن ساپالى ورىنداۋ ءۇشىن بۇل جۇمىستى جانداندىرۋ قاجەت»، — دەپ تۇيىندەدى ب. ساپارباەۆ.

سونىمەن قاتار كەڭەس بارىسىندا 2019-2020 وقۋ جىلىنداعى ورتا ءبىلىم بەرۋدىڭ نەگىزگى باعىتتارى قارالدى. اتاپ ايتقاندا، وقۋشىلاردى ىستىق تاماقپەن قامتاماسىز ەتۋ، تسيفرلاندىرۋ، ءمجا جوبالارىن ىسكە اسىرۋ، تاربيە جۇمىستارىن جۇرگىزۋ، قۇقىق بۇزۋشىلىقتار مەن ءسۋيتسيدتىڭ الدىن-الۋ، بالالاردىڭ قوسىمشا ءبىلىم الۋعا تارتىلۋىن ارتتىرۋ ماسەلەلەرى تالقىلاندى.

سوڭعى جاڭالىقتار

قايتا ورالعان قۇمارشىق

ايماقتار • كەشە

حازىرەتتەر قازىناسى

رۋحانيات • كەشە

زاڭ كەرەك!

ەكولوگيا • كەشە

يت جۇگىرتىپ، قۇس سالدى

ايماقتار • كەشە

سەنىم ءھام سەرپىن

رۋحانيات • كەشە

ۇقساس جاڭالىقتار