قوعام • 17 قازان، 2019

ەلوردادا قۇتقارۋشىلار كۇنىنە ارنالعان سالتاناتتى شارا ءوتتى

124 رەتكورسەتىلدى

ەلوردادا قۇتقارۋشىلار كۇنىنە – ازاماتتىق قورعانىس قىزمەتىنىڭ قۇرىلۋىنىڭ 24 جىلدىعىنا  ارنالعان سالتاناتتى شارا ءوتتى. نۇر-سۇلتان قالاسىنىڭ تج دەپارتامەنتى قىزمەتكەرلەرىنە مادالدار تاعىلىپ، توسبەلگىلەرمەن ماراپاتتالدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى. 

ەلوردا اكىمى ا. كولگىنوۆ توتەنشە جاعدايلار كەزىندە تاباندىلىق پەن ەرجۇرەكتىلىك، ناعىز باتىرلىق كەرەكتىگىن اتاپ ءوتتى.

الدىن الا جۇرگىزىلگەن تەكسەرىس جۇمىستارىنىڭ ناتيجەسىندە بيىلعى جىل باسىنان بەرى ەلوردادا ءورت سانى 5%-كە، ال سۋعا باتىپ كەتۋشىلەر سانى ءۇش ەسەگە دەيىن ازايدى.  

«سىزدەر – قۇتقارۋشىلار، ءورت سوندىرۋشىلەر، وزگەلەر قيىن دا قايعىلى جاعدايعا تاپ بولعاندا ەڭ ءبىرىنشى بولىپ قاسىنان تابىلىپ، جەدەل ءارى باتىل قيمىلداپ، كومەك كورسەتىپ، ومىرلەرىن قۇتقاراسىزدار. قۇتقارۋشىلار قاتارىندا سەلقوس، ەنجارلارعا ورىن جوق. سىزدەر بيىلعى جىلى 395 ادامدى قۇتقارىپ، 460 ادامدى كوشىرۋ جۇمىستارىن جۇرگىزدىڭىزدەر. سىزدەر يگىلىكتى ىسپەن اينالىساسىزدار. سىزدەرمەن بىرگە ساقتاعان ماتەريالدىق قۇندىلىعىمىز 1،5 ملرد. تەڭگەدەن اسادى. سىزدەردىڭ جۇرەكتىلىكتەرىڭىز، كاسىبي بىلىكتىلىكتەرىڭىز ءۇشىن، ايانباي ەتكەن ەڭبەكتەرىڭىز بەن بورىشقا دەگەن ادالدىقتارىڭىز ءۇشىن العىس بىلدىرەمىز. مەرەكەلەرىڭىزبەن!»، دەدى ا.كولگىنوۆ.

ءىىم توتەنشە جاعدايلار جونىندەگى كوميتەت توراعاسى ۆلاديمير بەككەر اتاپ وتكەندەي رەسپۋبليكا بويىنشا قۇتقارۋشىلار 9 مىڭنان استام ادامدى قۇتقارعان.

ەلوردانى دامىتۋ جونىندەگى كەڭەستە پرەزيدەنت قاسىم-جومارت توقاەۆ عيماراتتاردىڭ ءورت قاۋىپسىزدىگى شارالالارىن كۇشەيتىپ، قالالىق ءورت قىزمەتتەرىن بارلىق قاجەتتى تەحنيكامەن قامتاماسىز ەتۋدى تاپسىردى.

قالادا 11 ءورت بولىمشەلەرى مەن اۆيا-قۇتقارۋشىلار وتريادى بار. دەپارتامەنت قۇرىلىمىندا 1700 ادام قىزمەت ەتەدى، 160 ارنايى تەحنيكاسى بار. بيىلعى جىلى 9 ارنايى اۆتوترانسپورت ساتىپ الادى. سونىمەن قاتار الاش تاسجولىنداعى ءورت دەپوسىنىڭ قۇرىلىس جۇمىستارى اياقتالادى جانە دە تاعى ءۇش ءورت دەپوسىن (يلينكا ت/ا، كوكتال جانە №28 كوشەسى بويىنشا) جوبالاۋ جۇرگىزىلۋدە. ءورت جانە قۇتقارۋشىلار قۇرىلىمدارىنىڭ قىزمەتكەرلەرىن الەۋمەتتىك قولداۋ ماقساتىندا ولارعا ارەندالىق باسپانالار بەرىلەتىن بولادى. 

سوڭعى جاڭالىقتار

تاۋەلسىزدىك – تۇعىرىم

ايماقتار • كەشە

كۇلكى كەرۋەنى № 25

رۋحانيات • كەشە

اپتا ۇزدىگى اتاندى

حوككەي • كەشە

ۇقساس جاڭالىقتار