پارلامەنت • 17 قازان، 2019

د.نازارباەۆا چەحيا پارلامەنتى دەپۋتاتتار پالاتاسىنىڭ توراعاسىمەن كەزدەستى

141 رەتكورسەتىلدى

پارلامەنت سەناتىنىڭ توراعاسى داريعا نازارباەۆا چەحيا رەسپۋبليكاسى پارلامەنتى دەپۋتاتتار پالاتاسىنىڭ توراعاسى رادەك ۆوندراچەكپەن كەزدەسۋ وتكىزدى. بۇل تۋرالى پارلامەنت سەناتىنىڭ ءباسپاسوز قىزمەتى حابارلادى. 

تاراپتار اۋىل شارۋاشىلىعى، كولىك-ترانزيت ينفراقۇرىلىمى، ەنەرگەتيكا، فارماتسەۆتيكا، دەنساۋلىق ساقتاۋ جانە ءتۋريزمدى ورىستەتۋ سالاسىنداعى بىرلەسكەن جوبالاردىڭ كەلەشەگىن تالقىلادى.  

داريعا نازارباەۆا كەزدەسۋدى اشا كەلىپ، چەحيا قازاقستاننىڭ ەۋرو وداقتاعى كەلەشەگى زور ساۋدا-ينۆەستيتسيالىق ارىپتەستەرىنىڭ ءبىرى ەكەنىن  جانە وسى ەلمەن دوستىق قاتىناستى تەرەڭدەتۋگە باسا نازار اۋدارىلاتىنىن اتاپ ءوتتى.

سەنات باسشىسى چەحيا كاسىپكەرلەرىن قازاقستانمەن ىنتىماقتاستىقتى كەڭەيتە تۇسۋگە شاقىردى. «قازاقستان ارقىلى ازيا مەن ەۋروپا ەلدەرىن بايلانىستىراتىن 5 تەمىرجول جانە 6 اۆتوكولىك باعدارى وتەدى. سول سەبەپتى شەكارالاس ەلدەرمەن جوبالاردى ىسكە اسىرۋدىڭ تۇعىرى رەتىندە قازاقستاندى قاراستىرۋ مۇمكىندىگى بار»، دەدى د.نازارباەۆا.

چەحيا رەسپۋبليكاسى پارلامەنتى دەپۋتاتتار پالاتاسىنىڭ توراعاسى ءوز كەزەگىندە قازاقستان مەن چەحيا اراسىنداعى قاتىناستاردىڭ جوعارى دەڭگەيدە ەكەنىن باعالادى جانە ولاردى دامىتۋدىڭ زور الەۋەتىن اتاپ ءوتتى.

رادەك ۆوندراچەك سونداي-اق «نۇرلى جول» ينفراقۇرىلىمدىق دامۋدىڭ مەملەكەتتىك باعدارلاماسىن ىسكە اسىرۋدىڭ ماڭىزىن اتاپ ءوتىپ، ەكى ەل اراسىنداعى ىنتىماقتاستىقتىڭ  وسى باعىتىن كەڭەيتۋگە مۇددەلىلىك ءبىلدىردى.

سوڭعى جاڭالىقتار

ءجۇز جىل

100 • كەشە

تاپا تال تۇستەگى قاراقشىلىق

ايماقتار • 20 قاراشا، 2019

ۇقساس جاڭالىقتار