كەزدەسۋگە ءماجىلىس دەپۋتاتى ج. احمەتبەكوۆ, قوعام قايراتكەرى م. ابەنوۆ, رەجيسسەر ە. تۇرسىنوۆ, ساياساتكەر س. نۇربەك, «Team Qazagstan» جاستار قوزعالىسىنىڭ كوشباسشىسى ا. سادىرباي, «قازاق ءۇنى» جشس پرەزيدەنتى ق. يسا جانە جۇمىس توبىنىڭ باسقا دا مۇشەلەرى قاتىستى.
سونىمەن قاتار تالقىلاۋعا ۇكىمەتتىڭ الەۋمەتتىك بلوك مينيسترلىكتەرىنىڭ باسشىلارى – قر ەڭبەك جانە حالىقتى الەۋمەتتىك قورعاۋ ءمينيسترى ب. نۇرىمبەتوۆ, قر مادەنيەت جانە سپورت ءمينيسترى ا. رايىمقۇلوۆا, قر ءبىلىم جانە عىلىم ءمينيسترى ا. ايماعامبەتوۆ, قر اقپارات جانە قوعامدىق دامۋ ءمينيسترى د. اباەۆ, قر دەنساۋلىق ساقتاۋ ۆيتسە-ءمينيسترى ل. اقتاەۆا قاتىستى.
«وزدەرىڭىز بىلەسىزدەر, مەملەكەت باسشىسى قۇرعان ۇلتتىق قوعامدىق سەنىم كەڭەسى قوعام مەن بيلىك اراسىنداعى سەنىمدى نىعايتۋدىڭ بەرىك كوپىرى بولىپ سانالادى. بۇگىندە بۇل – بىرلەسكەن شەشىمدەر قابىلداۋعا, دامۋدىڭ وزەكتى جولدارىن ىزدەستىرۋگە باعىتتالعان جاڭا كوممۋنيكاتسيالىق الاڭ. ءبىز الەۋمەتتىك-مادەني جاڭعىرتۋدىڭ ودان ءارى ماڭىزدى اسپەكتىلەرىن تالقىلاۋعا جينالدىق», دەدى ب. ساپارباەۆ ءوز سوزىندە.
ۆيتسە-پرەمەر الەۋمەتتىك-مادەني سالاداعى ۇلتتىق كەڭەس مۇشەلەرىنىڭ ۇسىنىستارىن قاراۋ قورىتىندىسى تۋرالى جۇمىس توبىنىڭ مۇشەلەرىنە اقپارات بەردى. سونىڭ ىشىندە, مەملەكەتتىك ورگاندار مادەنيەت جانە سپورت مينيسترلىگى جانىنان مادەني ساياسات جونىندەگى كەڭەستى قۇرۋ, دارىندى بالالاردى قولداۋ جانە العا تارتۋ, مادەني ءتۋريزمنىڭ جاڭا ورىندارىن قۇرۋ, پەداگوگ مارتەبەسىن ارتتىرۋ جانە باسقا دا ۇسىنىستاردى قولدادى.
ءوز كەزەگىندە ۇلتتىق كەڭەس مۇشەلەرى ءبىلىم بەرۋ مەن دەنساۋلىق ساقتاۋ ساپاسىن ارتتىرۋ, مادەنيەت پەن سپورتتىڭ تانىمالدىلىعىن ارتتىرۋ, جوو-لار تۇلەكتەرىن ەڭبەككە ورنالاستىرۋ, مەملەكەتتىك ءتىل مارتەبەسىن كوتەرۋ, جاستارعا رۋحاني-ادامگەرشىلىك تاربيە بەرۋ پروبلەمالارىن شەشۋ, ءدارى-دارمەكتەرمەن قامتاماسىز ەتۋ, تاريحي وتانىنا ورالعان قانداستارعا قولداۋ كورسەتۋ بويىنشا بىرقاتار ۇسىنىستار ءبىلدىردى.
كەزدەسۋ بارىسىندا ۇكىمەت پەن ۇلتتىق كەڭەس مۇشەلەرى الەۋمەتتىك-مادەني سالانى جاڭعىرتۋ, وتكىر الەۋمەتتىك پروبلەمالاردى شەشۋ بويىنشا وزەكتى ماسەلەلەردى تالقىلادى.
كەزدەسۋدىڭ سوڭىندا بەردىبەك ساپارباەۆ ۇلتتىق قوعامدىق سەنىم كەڭەسىنىڭ مۇشەلەرىنە مازمۇندى ديالوگ وربىگەنى ءۇشىن العىس ءبىلدىردى.
«بۇگىن سىندارلى ءارى اشىق اڭگىمە بولدى دەپ ويلايمىن, ازاماتتارىمىزدى تولعاندىراتىن وزەكتى ماسەلەلەر قارالدى. سىزدەردىڭ بارلىق ۇسىنىستارىڭىزدى مەملەكەتتىك ورگاندار ەسكەرەتىن بولادى. مەملەكەت باسشىسى العا قويعان مىندەتتەردى ىسكە اسىرۋ مەن الەۋمەتتىك ماسەلەلەردى شەشۋ بويىنشا الداعى ۋاقىتتا دا جەمىستى ءوزارا ىنتىماقتاستىعىمىزدى جالعاستىراتىنىمىزعا سەنىم بىلدىرەمىز», دەپ تۇيىندەدى ب. ساپارباەۆ.
