پويىز 70 شارتتى ۆاگوننان تۇرادى. ۇزىنقۇرامدى پويىزداردى قۇرۋ جۇكتەردى جەتكىزۋ جىلدامدىعىن, لوكوموتيۆ ونىمدىلىگىن جانە پويىز سالماعىنىڭ كورسەتكىشتەرىن جاقسارتۋعا مۇمكىندىك بەرەدى. اتالعان تەحنولوگيا سونداي-اق كەرى باعىتتا دا جۇزەگە اسىرىلادى. التىنكول جانە قورعاس شەكارالىق ستانسالارى اراسىندا پويىزداردى وتكىزۋ جانە تاسىمال كولەمى ارتادى.
«قتج-جۇك تاسىمالى» اق ءباسپاسوز قىزمەتىنىڭ حابارلاۋىنشا, 2019 جىلدىڭ 9 ايىندا اتالعان شەكارالىق وتپەدەن قازاقستاننان قحر-عا 390 مىڭ توننادان استام جۇك تاسىمالدانسا, بۇل 2018 جىلدىڭ سايكەس كەزەڭىمەن سالىستىرعاندا 54%-عا ارتىق. كەرى باعىتتا 2,5 ميلليون توننا جۇك تاسىمالدانىپ, ءوسىم 56%-دى قۇرادى. جىل سايىن كونتەينەرلىك پويىزدار سانى ارتا تۇسۋدە. اعىمداعى جىلدىڭ 9 ايىندا 1076 پويىز قابىلداندى جانە وندەلدى, بۇل وتكەن جىلدىڭ سايكەس كەزەڭىنەن 48%-عا جوعارى. التىنكول ستانساسى ارقىلى كونتەينەرلىك قۇرامدار وزبەكستان, يران, اۋعان-ستان, ازەربايجان, گرۋزيا جانە ەۋروپا ەلدەرىنە جونەلتىلۋدە.
