احقو باسقارۋشىسى قايرات كەلىمبەتوۆ سەناتورلاردى ورتالىقتىڭ, ونىڭ ورگاندارى مەن ۇيىمدارىنىڭ قىزمەتىمەن تانىستىردى, سونداي-اق الەمدىك قارجى نارىعىنىڭ بارلىق وزەكتى ۇردىستەرى ەسكەرىلەتىن جاڭارتىلعان دامۋ ستراتەگياسى ازىرلەنىپ جاتقانى تۋرالى حابارلادى.
«استانا» حالىقارالىق قارجى ورتالىعى «100 ناقتى قادام» ۇلت جوسپارىنىڭ بەس تارماعىنا سايكەس قۇرىلعان بولاتىن. قازىرگى ۋاقىتتا بەس تاپسىرمانىڭ ءبارى ورىندالدى نەمەسە ىسكە اسۋدىڭ قارقىندى ساتىسىندا تۇر.
باسقارۋشىنىڭ اي-
تۋىنشا, احقو جۇمىسىنىڭ ماقساتى قازاقستان ەكونوميكاسىن نىعايتۋعا جان-جاقتى قولداۋ كورسەتۋ بولىپ تابىلادى. ول ءۇشىن ورتالىققا كاپيتالدىڭ جەرگىلىكتى نارىعىن دامىتۋعا جانە ونى الەمدىك نارىقتارمەن ىقپالداستىرۋعا, سونداي-اق ۇزاق مەرزىمدى كەلەشەكتە قازاقستاننىڭ ينۆەستيتسيالىق تارتىمدىلىعىن ارتتىرۋعا بايلانىستى اۋقىمدى مىندەتتەردى ورىنداۋ تاپسىرىلدى.
سەناتورلار احقو سوتى مەن حالىقارالىق تورەلىك ورتالىعىنىڭ, احقو قارجى قىزمەتتەرىن رەتتەۋ جونىندەگى كوميتەتىنىڭ (AFSA), Astana International Exchange (AIX) بيرجاسىنىڭ, ەكسپات ورتالىعىنىڭ جانە ۇزدىكسىز كاسىبي دامۋ بيۋروسىنىڭ وكىلدەرىمەن كەزدەستى.
احقو سوتىنىڭ جانە حالىقارالىق تورەلىك ورتالىعىنىڭ تىركەۋشىسى كريستوفەر كەمپبەلل-حولت سەنات دەپۋتاتتارىنا 2019 جىلى اقپاندا ىسكە قوسىلعان جانە داۋلاردى ونلاين شەشۋگە مۇمكىندىك بەرەتىن eJustice جۇيەسىنىڭ مۇمكىندىكتەرىن كورسەتتى. ول سونداي-اق احقو سوتى مەن حالىقارالىق تورەلىك ورتالىعىنىڭ ءبىلىم بەرۋ باعدارلاماسى اياسىندا جالپى اعىلشىن قۇقىعى نەگىزدەرىنە 500-دەن استام قازاقستاندىق وقىعانىن حابارلادى.
AIX بيرجاسى مەملەكەتتىك اكتيۆتەردى جەكەشەلەندىرۋ باعدارلاماسىن جۇزەگە اسىرۋدا ءتيىمدى الاڭعا اينالدى. 2018 جىلى «قازاتومونەركاسىپ» ۇاك» اكتسيونەرلىك قوعامىنىڭ ورنالاسۋى ناتيجەلى بولدى دەپ تانىلدى, 2019 جىلى AIX-كە قوسىمشا اكتسيالار پاكەتى شىعارىلدى. قازىرگى ۋاقىتتا «قازاقتەلەكوم», «ەير استانا» جانە «قازمۇنايگاز» اكتسيونەرلىك قوعامدارىنىڭ ليستينگى پىسىقتالۋدا.
سەناتورلارعا سونداي-اق احقو-نىڭ نەگىزگى دامۋ باعىتتارى – يسلام قارجىسى, قارجى تەحنولوگيالارى, «جاسىل» قارجى تانىستىرىلدى.
سەنات توراعاسى داريعا نازارباەۆا احقو-دا بولۋدىڭ ناتيجەسى بويىنشا حالىقارالىق قارجى ورتالىعىنىڭ سىرتقى جانە ىشكى نارىقتاعى قىزمەتى تۋرالى كەڭىنەن حاباردار ەتۋ قاجەتتىگىن اتاپ ءوتتى. داريعا نازارباەۆا احقو قىزمەتكەرلەرىنىڭ جۇمىسى تابىستى بولۋىنا تىلەكتەستىگىن جەتكىزە كەلىپ: «الەمدىك قارجى مۇحيتىنداعى ۇلكەن كەمە بولۋلارىڭىزدى قالايمىز», دەدى.
