دەنساۋلىق ساقتاۋ مينيسترلىگى مەديتسينالىق قۇجاتتامانى قاعازسىز, تسيفرلىق جۇيەگە كوشىرۋ اياسىندا دەنساۋلىق ساقتاۋ ۇيىمدارىندا پاتسيەنت تۋرالى اقپاراتتى جيناۋ, ساقتاۋ جانە الماسۋ ءۇشىن ەلەكتروندى دەنساۋلىق پاسپورتىن ەنگىزدى.
دەنساۋلىق ساقتاۋدى تسيفرلاندىرۋدىڭ نەگىزگى ءپرينتسيپىنىڭ ءبىرى «پاتسيەنتكە جاعداي جاساۋ» بولىپ تابىلادى, ونى ىسكە اسىرۋ ءۇشىن اقپاراتتاندىرۋ جانە دەنساۋلىق ساقتاۋ مينيسترلىگىنىڭ اقپاراتتىق جۇيەلەرىن ينتەگراتسيالاۋ پلاتفورماسىندا (بۇدان ءارى – ينتەگراتسيالىق پلاتفورما) ۇلتتىق دەڭگەيدەگى «ەلەكتروندىق دەنساۋلىق پاسپورتى» كومپونەنتى (بۇدان ءارى – ەدپ) كوزدەلگەن.
ەدپ بار پاتسيەنت جايلى اقپارات ينتەگراتسيالىق پلاتفورمانىڭ قۇرامىنا كىرەتىن ەدپ بىرىڭعاي ورتالىق رەپوزيتورياسىندا ساقتالادى جانە مەديتسينا قىزمەتكەرلەرىنە دە (پاتسيەنتتىڭ كەلىسىمى بويىنشا), سونداي-اق پاتسيەنتتەرگە دە قولجەتىمدى بولادى.
قازىرگى ۋاقىتتا مىناداي اقپارات كورسەتىلگەن:
- پاتسيەنتكە قىزمەت كورسەتەتىن جانە تىركەلگەن مەديتسينالىق ۇيىم تۋرالى;
- ۋچاسكەلىك دارىگەردىڭ اتى-ءجونى;
- جازىلعان رەتسەپتىلەر تۋرالى;
- پرەپاراتتىڭ اتاۋى;
- رەتسەپت جازىپ بەرىلگەن كۇنى;
- رەتسەپت بەرگەن ءدارىحانا;
- ستاتسيونارلاردا ەمدەۋگە جاتقىزۋ تۋرالى;
- ەمدەۋگە جاتقىزۋ كودى;
- دياگنوز;
- حالىقارالىق اۋرۋ جىكتەۋىشىنىڭ كودى;
- جوسپارلى ەمدەۋگە جاتقىزۋعا جىبەرگەن ۇيىم;
- ەمدەۋگە جاتقىزۋعا قايدا جىبەرىلدى;
- حاتتاما ءنومىرى;
- اۋرۋدىڭ كودى جانە اتاۋى;
- اۋرۋى بويىنشا ديسپانسەرلىك ەسەپكە قويىلعان كۇن.
وسىلايشا, ۇلتتىق ەدپ-دا ءاربىر پاتسيەنت بويىنشا مەديكو-سانيتاريالىق العاشقى كومەكتىڭ قانداي ۇيىمدارىنا تىركەلگەنىنە جانە ەلدىڭ قانداي مەديتسينالىق مەكەمەلەرىندە مەديتسينالىق قىزمەت العانىنا قاراماستان بارلىق جەرگىلىكتى ەدپ-دان اقپارات شوعىرلاندىرىلاتىن بولادى.
بۇگىندە بارلىق قىزمەتتەر مينيسترلىك «ۇلتتىق اقپاراتتىق تەحنولوگيالار» اق-مەن بىرلەسىپ ازىرلەگەن eGov mobile ءموبيلدى قوسىمشاسىندا قولجەتىمدى. ياعني, قازىر ازاماتتار قىزمەتتەردى ەتسق كومەگىمەن عانا ەمەس, سونىمەن قاتار ەتسق-سىز دا كەلەسى موبيلدىك قوسىمشالاردى قولدانا الادى:
iOS: https://apps.apple.com/ru/app/egov-mobile/id1476128386;
Android: https://play.google.com/store/apps/details?id=kz.mobile.mgov.
ەستەرىڭىزگە سالا كەتەيىك, ەلەكتروندىق دەنساۋلىق پاسپورتى ەلباسىنىڭ 2018 جىلعى 5 قازانداعى قازاقستان حالقىنا جولداۋىن جۇزەگە اسىرۋ اياسىندا 2019 جىلعى 1 قاڭتاردان باستاپ دەنساۋلىق ساقتاۋ ۇيىمدارىندا مەديتسينالىق قۇجاتتامانى قاعازسىز, تسيفرلىق جۇيەگە كوشىرۋ بولىگىندە قۇرىلعان.
