قازاقستان رەسپۋبليكاسى پرەزيدەنتىنىڭ كومەكشىسى – قاۋىپسىزدىك كەڭەسىنىڭ حاتشىسى قالمۇحانبەت قاسىموۆ جانە بەلارۋس رەسپۋبليكاسى قاۋىپسىزدىك كەڭەسىنىڭ مەملەكەتتىك حاتشىسى ستانيسلاۆ زاس توراعالىق ەتكەن كەلىسسوزدەر بارىسىندا ەكى مەملەكەت اراسىنداعى ىنتىماقتاستىقتىڭ وزەكتى ماسەلەلەرى تالقىلاندى.
تاراپتار الەم جانە وڭىرلىك قاۋىپسىزدىكتىڭ قازىرگى احۋالى بويىنشا پىكىرلەرىن ءبىلدىردى. اقپاراتتىق قاۋىپسىزدىك سالاسىنداعى بۇگىنگى قاۋىپ-قاتەرلەر جان-جاقتى قوزعالدى. تاراپتار وسى سالاداعى تاجىريبەلەرىمەن ءبولىستى
ەكى مەملەكەتتىڭ اقپاراتتىق قاۋىپسىزدىگىن قامتاماسىز ەتۋ ماقساتىندا ارىپتەستىكتىڭ تيىمدىلىگىن ارتتىرۋ بويىنشا بىرلەسكەن ۇسىنىستار پىسىقتالدى.
سونىمەن قاتار قونسۋلتاتسيالار بارىسىندا قورعانىس سالاسىنداعى حالىقارالىق ىنتىماقتاستىقتىڭ ءارتۇرلى اسپەكتىلەرى جانە اسكەري-تەحنيكالىق ەكىجاقتى ءوزارا ءىس-قيمىلدىڭ قازىرگى جاعدايى مەن پەرسپەكتيۆالىق باعىتتارى قارالدى
بۇدان باسقا, 2020 جىلى قاڭتار ايىنان باستاپ ۇجىمدىق قاۋىپسىزدىك تۋرالى شارت ۇيىمىنىڭ باس حاتشىسى لاۋازىمىنا س.زاستىڭ كىرىسۋىنە بايلانىستى بەلارۋس رەسپۋبليكاسىنىڭ توراعالىعى شەڭبەرىندە وسى حالىقارالىق ۇيىمىنىڭ باسىم باعىتتارى ءسوز بولدى.
جۇمىس ناتيجەلەرى بويىنشا ەكى ەلدىڭ مەملەكەتتىك ورگاندارىنا ناقتى تاپسىرمالار بەرىلدى.
قاۋىپسىزدىك كەڭەستەرىنىڭ اپپاراتتارى اراسىنداعى كونسۋلتاتسيالار قابىلدانعان ىنتىماقتاستىق جوسپارىنا سايكەس تۇراقتى نەگىزىندە جالعاسا بەرمەك.
