سۋرەتتى تۇسىرگەن رافحات حالەلوۆ
اقجايىق, بايتەرەك, تەرەكتى اۋداندارىنىڭ ءتۇرلى ەڭبەك ۇجىمدارىن ارالاپ, حالىقپەن جۇزدەسكەن ۇكىمەت دەلەگاتسياسى وڭىردە مەملەكەتتىك باعدارلامالار مەن پرەزيدەنتتىڭ تاپسىرماسى قالاي ورىندالىپ جاتقانىنا نازار اۋداردى.
بايتەرەك اۋدانىنىڭ داريان اۋىلىنا بارعان پرەمەر-ءمينيستردىڭ ورىنباسارى ب.ساپارباەۆ اۋىلداعى ارناۋلى əلەۋمەتتىك كومەك كورسەتۋ ورتالىعىمەن تانىستى. ودان كەيىن مəدەنيەت ۇيىندە مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىنا بايلانىستى جيىن ءوتتى. ەڭبەك جəنە حالىقتى əلەۋمەتتىك قورعاۋ ءمينيسترى ب.نۇرىمبەتوۆ اƏك جايلى كەڭىرەك ءتۇسىندىرىپ بەردى. بۇگىندە ەلىمىزدە 400 مىڭنان استام وتباسى – 2 ميلليونداي ادام جاڭا ۇلگىدەگى اتاۋلى əلەۋمەتتىك كومەك الىپ جاتىر ەكەن.
– اتاۋلى الەۋمەتتىك كومەك تولەنەتىن 1 ملن 300 مىڭ بالانىڭ 60 پايىزى – كوپ بالالى وتباسىلارعا تيەسىلى. ياعني وسى ساناتتاعى وتباسىلار مۇقتاج بولىپ وتىر. كەلەسى جىلى تابىس كولەمىنە قاراماي 4 نەمەسە ودان دا كوپ بالاسى بار وتباسىلارعا اƏك تاعايىندايمىز. Əر بالاعا 11 مىڭ تەڭگەدەن تولەنەدى. كىرىسى از وتباسىلاردىڭ بالالارىنا كەپىلدەندىرىلگەن كومەك بەرىلەدى. Əلەۋمەتتىك پاكەتتە تاماق, كيىم-كەشەك, گيگيەنالىق قۇرالدار قامتىلادى. كەپىلدەندىرىلگەن كومەك əلەۋمەتتىك كارتا – سەرتيفيكات ارقىلى بەرىلەدى, – دەدى ب.ساپارباەۆ.
پرەمەر-ءمينيستردىڭ ورىنباسارى ەلىمىزدە ەكونوميكالىق قيىندىقتارعا قاراماستان حالىقتىڭ əل-اۋقاتىن ارتتىرۋعا كوڭىل ءبولىنىپ جاتقانىن, بيىلعى بيۋدجەت قاراجاتىنىڭ 40 پايىزى əلەۋمەتتىك سالاعا باعىتتالعانىن ايتتى.
اقجايىق اۋدانىنىڭ ورتالىعى چاپاەۆ اۋىلىندا جەرگىلىكتى دارىگەرلەرمەن كەزدەسكەن دەنساۋلىق ساقتاۋ ءمينيسترى ە.ءبىرتانوۆ تا ەلىمىزدە مەديتسينا سالاسىن دامىتۋعا كوپ كوڭىل ءبولىنىپ جاتقانىن ايتتى. اسىرەسە جاس مامانداردىڭ تۇرعىن ۇيمەن قامتاماسىز ەتىلۋى باستى نازاردا. مينيستر اۋىلعا كەلگەن جاس ماماندارعا ەڭ الدىمەن باسپانا بەرىلۋى قاجەت دەدى. اۋدان ورتالىعىنداعى ەمحانا مەن اۋرۋحانانىڭ ۇجىمىمەن جۇزدەسكەن مينيستر مەديتسينا سالاسىن تسيفرلاندىرۋ, ەمدەلۋشىلەردىڭ الەۋمەتتىك مەديتسينالىق ساقتاندىرۋ جۇيەسىندەگى مارتەبەسىن ايقىنداۋدى اۆتوماتتاندىرۋ بارىسىن تەكسەردى. سونىمەن بىرگە كادر جەتىسپەۋشىلىگىن بولدىرماۋ ءۇشىن مەديتسينالىق جوعارى وقۋ ورىندارىنىڭ ستۋدەنتتەرىمەن قازىردەن باستاپ, بايلانىس ورناتۋدى تاپسىردى.
ب.ساپارباەۆ پەن ە.ءبىرتانوۆ باتىس قازاقستان وبلىستىق بالالار اۋرۋحاناسىندا دا جەرگىلىكتى دارىگەرلەرمەن كەزدەستى. بۇل جەردە اڭگىمە مىندەتتى الەۋمەتتىك مەديتسينالىق ساقتاندىرۋ جۇيەسىن دامىتۋ تۋراسىندا ءوربىدى. تەرەكتى اۋدانىنداعى ءبىلىم مەكەمەلەرىنىڭ جۇمىس بارىسىمەن تانىسقان ءبىلىم جانە عىلىم ۆيتسە-ءمينيسترى ش.كارينوۆا ءۇش اۋىسىمدا ءبىلىم بەرەتىن پودستەپنىي قازاق مەكتەبىنىڭ جاعدايىن كوزىمەن كوردى. ورال قالاسىندا بەلسەندى جاستارمەن جۇزدەسكەن ب.ساپارباەۆ مەملەكەت تاراپىنان جاستارعا قامقورلىق جۇيەلى جالعاساتىنىن ايتتى.
– «جاس كەلسە – ىسكە» دەگەن, سىزدەردىڭ بويلارىڭىزدا ءتۇرلى يدەيا ۇنەمى قايناپ تۇرادى. الدا ەرىكتىلەر جىلى كەلە جاتىر. ەرىكتىلەردىڭ كوپ بولىگى – جاستار. ءتۇرلى قايىرىمدىلىق شارالاردىڭ باسىندا جاستار جۇرەدى دەپ سەنەمىن. مەملەكەتتىك باعدارلامالار كومەگىن ءتيىمدى پايدالانىپ, جاڭا كəسىپ باستاڭىزدار. جاستار ساياساتىن دامىتۋعا باعىتتالعان ۇسىنىستاردى ءبىز ءاردايىم قولدايمىز, – دەدى ول.
مادەنيەت جانە سپورت ۆيتسە-ءمينيسترى ن.داۋەشوۆ قادىر مىرزا ءالى اتىنداعى مادەنيەت جانە ونەر ورتالىعىندا بولدى. اقىن اتىنداعى ادەبي-مەموريالدىق كابينەتتى ارالاپ, ءبىرتۋار قالامگەردىڭ مۇرالارىمەن قاتار, جەرگىلىكتى اقىن-جازۋشىلار تۋرالى دەرەكتەرمەن, جادىگەرلەرمەن تانىستى.
قازاقستان رەسپۋبليكاسى كۇيشىلەر وداعى بقو فيليالىنىڭ توراعاسى اسقار كەنجەعاليەۆ ن.داۋەشوۆكە مينيسترلىك تاراپىنان «حالىق كۇيشىسى» مەملەكەتتىك اتاعى, قۇرمانعازى, دينا اتىنداعى توسبەلگىلەر بەكىتىلىپ, ولاردى ونەر مايتالماندارىنا بەرۋدى ۇسىندى. سونداي-اق ورال قالاسىندا قۇرمانعازى مۋزەي-ورتالىعىن جانە الىپ دومبىرا مونۋمەنتىن تۇرعىزۋ, ورال قالاسىندا باتىس ايماقتىق-رەسپۋبليكالىق مۋزىكالىق مەكتەپ-ينتەرنات كەشەنىن اشۋ تۋرالى ۇسىنىسىن ايتتى.
اقجايىق وڭىرىنەن شىققان تانىمال تۇلعالاردى ۇلىقتاۋ تۋرالى ۇسىنىستى بەلگىلى اقىن, قادىر مىرزا ءالى اتىنداعى مادەنيەت جانە ونەر ورتالىعىنىڭ باسشىسى باۋىرجان حاليوللا دا ايتتى. كەلەر جىلى 100 جىلدىعى اتاپ وتىلەتىن اقىن جۇبان مولداعاليەۆكە الماتى قالاسىندا ەسكەرتكىش ورناتۋدى سۇراعان ۇسىنىستى حالىق قول شاپالاقتاپ قولدادى.
ۇكىمەتتىك دەلەگاتسيانىڭ قورىتىندى جيىنى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە ءوتتى. وبلىستىڭ ءار وڭىرىندە حالىقپەن جۇزدەسكەن ب.ساپارباەۆ حالىقتىڭ كوڭىل كۇيى جامان ەمەستىگىن, مەملەكەتتىك باعدارلامالار مەن ەلباسى تاپسىرماسى رەتىمەن جۇرگىزىلىپ جاتقانىن ايتتى.
– ەلباسىمىزدىڭ «الدىمەن ەكونوميكا, سونان سوڭ ساياسات» دەگەن ۇستانىمىن جاقسى بىلەسىزدەر. قازاقستاننىڭ ەكونوميكاسى جۇيەلى دامىپ كەلەدى. بيىل ەل ەكونوميكاسىنىڭ دامۋ دەڭگەيى – 4,1% بولدى. پرەزيدەنت قاسىم-جومارت توقاەۆ بۇل كورسەتكىشتى 5 پايىزعا جەتكىزۋدى تاپسىردى. وسى ەل تابىسىنىڭ نەگىزگى بولىگى حالىقتى الەۋمەتتىك قورعاۋعا, ءال-اۋقاتىن جاقسارتۋعا جۇمسالادى, – دەدى ب.ساپارباەۆ.
ۆيتسە-پرەمەر قازاقستاندا دارىندى بالالاردى, اسىرەسە اۋىل وقۋشىلارىن قولداۋعا ەرەكشە كوڭىل بولىنەتىنىن ايتتى. قازاقستان رەسپۋبليكاسىنىڭ تۇڭعىش پرەزيدەنتى قورى مەن ۇكىمەت بىرلەسىپ «ەل ءۇمىتى» اتتى جوبانى ىسكە قوسپاق. «بۇل جوبا ارقىلى مىڭداعان دارىندى بالاعا قولداۋ كورسەتەمىز», دەدى ب.ساپارباەۆ.
ۇكىمەت دەلەگاتسياسىنىڭ جەرگىلىكتى زيالى قاۋىم وكىلدەرىمەن كەزدەسۋىندە باتىس قازاقستان وبلىستىق انالار كەڭەسىنىڭ ءتورايىمى شالقىما قۇرمانالينا, اقىن باۋىرجان حاليوللا, جۋرناليست جانار داۋلەتوۆا ءسوز الىپ, ۇسىنىس-پىكىرلەرىن ورتاعا سالدى. پرەمەر-ءمينيستردىڭ ورىنباسارى مەملەكەتتىك باعدارلامالاردى قۇرۋدا, جۇزەگە اسىرۋدا حالىق اراسىنان ايتىلعان ۇسىنىستاردىڭ ەسكەرىلەتىنىن ايتتى.
باتىس قازاقستان وبلىسى
