ء«بىز وليمپياداشىلاردى ادەمى فورمامەن قامتاماسىز ەتىپ قانا قويماي, تالانتتى شەبەرلەردى, سۋرەتشىلەر مەن ديزاينەرلەردى قولداپ, زاماناۋي سپورتتىق كيىمدەر شىعارۋدا جاڭا تەندەنتسيالاردى قولدانۋىنا مۇمكىندىك بەرىپ, ەلىمىزدەگى وليمپيادالىق قوزعالىسقا نازار اۋدارتقىمىز كەلەدى», دەيدى قازاقستان ۇوك.
بايقاۋعا وتىنىمدەر 2019 جىلدىڭ 14 قازانىنان 14 قاراشاسىنا دەيىن قابىلدانادى. كەلىپ تۇسكەن بارلىق جۇمىستار قازاقستان ۇوك رەسمي سايتى مەن الەۋمەتتى جەلىدەگى پاراقشالارىندا جاريالانادى.
جەڭىمپازدى جانكۇيەرلەر پىكىرىن ەسكەرە وتىرىپ, ارنايى كوميسسيا قۇرامى انىقتايدى. وعان قازاقستان ۇوك مەن قازاقستان رەسپۋبليكاسىنىڭ مادەنيەت جانە سپورت مينيسترلىگىنىڭ وكىلدەرى, سپورت قايراتكەرلەرى مەن ەل نامىسىن قورعاپ جۇرگەن سپورتشىلار كىرەدى. قازاقستان ۇلتتىق قۇراماسىنىڭ پارادتىق جانە سپورتتىق كيىم ۇلگىسى بويىنشا ەڭ جاقسى ديزاين يدەياسىنىڭ اۆتورلارى اقشالاي سىيلىقتارعا يە بولادى.
بايقاۋ ناتيجەسى 2019 جىلدىڭ 23 قاراشاسىندا Olympic.kz سايتىنا شىعادى. ال ەرەجەلەرمەن سىلتەمە ارقىلى تانىسۋعا بولادى.
ەسكە سالا كەتەيىك, 2020 جىلدىڭ 24 شىلدە مەن 9 تامىز كۇندەرى جاپونيا استاناسى توكيو قالاسىندا XXXII جازعى وليمپيادا ويىندارى وتەدى.
