قازاقستان • 14 قازان، 2019

قازاقستان ەلشىسى دومينيكان رەسپۋبليكاسىنىڭ پرەزيدەنتىنە سەنىم گراموتالارىن تاپسىردى

35 رەتكورسەتىلدى

قازاقستاننىڭ ەلشىسى اندريان ەلەمەسوۆ سالتاناتتى ءراسىم بارىسىندا دومينيكان رەسپۋبليكاسىنىڭ پرەزيدەنتى دانيلو مەدينا سانچەسكە سەنىم گراموتالارىن تاپسىردى. بۇل تۋرالى سىرتقى ىستەر مينيسترلىگنىڭ ءباسپاسوز قىزمەتى حابارلادى.  

راسىمگە دومينيكانانىڭ سىرتقى ىستەر ءمينيسترى ميگەل ۆارگاس جانە وسى كاريب ەلىنىڭ باسشى توپتارىنىڭ وكىلدەرى قاتىستى.

جىلى دوستاس قالپىندا وتكەن كەزدەسۋ بارىسىندا ەلشى دومينيكان باسشىسىنا ەكىجاقتى قارىم-قاتىناستاردى ساپالى جاڭا دەڭگەيگە شىعارۋ ءۇشىن بارىنشا كۇش-جىگەر سالاتىنىنا سەندىردى. قازاقستاندىق ديپلومات بار ەلەۋلى الەۋەت ءبىزدىڭ ەلدەرىمىزگە ءوزارا ءتيىمدى بايلانىستاردى تەرەڭدەتۋ جانە كەڭەيتۋ مۇمكىندىكتەرىن وڭتايلى قاراۋعا مۇمكىندىك بەرەتىنىن اتاپ ءوتتى.

د. مەدينا سانچەس قر پرەزيدەنتى قاسىم-جومارت توقاەۆقا سالەمىن ايتىپ، ەلشىگە ديپلوماتيالىق ميسسياسىندا تابىس تىلەدى. پرەزيدەنت سانتو-دومينگونىڭ قازاقستانمەن وڭىرلىك كوشباسشى رەتىندە دوستىق قارىم-قاتىناسقا مۇددەلى ەكەنىن، سونداي-اق ەكىجاقتى جانە حالىقارالىق كۇن تارتىبىندەگى بارلىق ماسەلەلەر بويىنشا ەكىجاقتى ديالوگتى دامىتۋعا ءۇمىت ارتاتىنىن اتاپ ءوتتى. ەكى ەلدىڭ تۋريستىك سالاداعى الەۋەتىن ەسكەرە وتىرىپ، ەكى ەل ازاماتتارىنىڭ ءوزارا ساپارلارىنىڭ ۆيزالىق ءتارتىپتى جويۋ تۋرالى قول قويۋعا جوسپارلانعان كەلىسىمنىڭ ماڭىزدىلىعى ەرەكشە اتاپ ءوتىلدى، بۇل ءتۇرلى باعىتتار بويىنشا بايلانىستاردى جانداندىرۋ ءۇشىن كەڭ مۇمكىندىكتەر اشادى.

سوڭعى جاڭالىقتار

كۇلكى كەرۋەنى № 20

رۋحانيات • كەشە

ءحالىڭ قالاي، قوستاناي؟

ايماقتار • كەشە

«يوكەريتتەن» جەڭىلدى

حوككەي • كەشە

ونلاين-وقىرمان

تەحنولوگيا • كەشە

ۇقساس جاڭالىقتار